ქილორი

ვიკიპედიაშე
ქილორი
რჩქვანელობური ქილორი (Phasianus colchicus) დადული დო მუმული
მენცარული კლასიფიკაცია
ომაფე: ჩხოლარეფი
ლათინური ჯოხო
Phasianus
თხილუაშ სტატუსი

ქილორი (Phasianus), დიდტანამი (ასაგასაშ სიგჷნძა 85 სმ-შახ, მასა – 2 კგ-შახ) მაფურინჯეფიშ თური ქოთომიშობურეფიშ რანწკიშე. მუმული კვათირას რე ჩხაპურელი, ბურდღას ლითონიშნერი რწკინუა გინოჸუნც. დადული მოტუტაშფერო-ფსილაშფერი რე. იკათუანც 2 ბუნას: წვანე ქილორი (Phasianus vesicolor), ნამუთ ხე იაპონიას დო რჩქვანელობური ქილორი (Phasianus colchicus), ნამუშ გოფაჩუაშ თანჯეფი იჭყაფუ კავკაციაშე, გჷშმურც ვოლგაშ დელტაშა, შქა დო ცენტრალური აზიაშ გულათ იგჷნძორებუ ობჟათე-ბჟაეიოლ ჩინეთშახ დო პრიმორიეშ აკანშახ. ქილორი უჯვეშაში ბორჯიშე რე ჩინებული საქორთუოს.

ლეგენდაშ მეჯინათ ქილორი არგონავტეფქ გჷშეჸუნეს კოლხეთიშე დო თეში უკული გიფაჩუ თინაქ ედომუშამი ევროპას. ქილორი ხე ტყას, ჭალეს, ტყაშ წყარმალუპიჯიშ ბართვონც. ოგვაჯეს დიხაშა გიკეთენც, პირელც დვანც 10-12 (20-შახ) მარქვალც, ნამუეფუშ ინკუბაცია იგჷნძორებუ 22-24 დღა-სერი. ეთმიჯუმუაფუ ჯინჯიერო ჩანარული ოჭკუმალეფით, უმოსი ვანაფერო (აფუნც) - ხოჭოეფით დო შხვა ჭანჯეფით. რე სპორტული ჯინუაშ ობიექტი. ჯინუა რეგლამენტირაფილი რე, ნებაჩამილი რე ლიცენზიათ.

ლიტერატურა[რედაქტირაფა | წყუშ რედაქტირაფა]