ქორთ-ზანური ნინეფი

ᲝᲩᲐᲛᲣᲠᲔᲨ ᲛᲝᲸᲝᲜᲐᲤᲐ

11 ფრევალი 2024 წანა

ᲝᲩᲐᲛᲣᲠᲔ | ᲩᲐᲛᲣᲠᲘ - ათე მეკონს მარგალეფიშ (დო ხვალე მარგალეფიშ ვარ) რინას კაბეტი აკანი უკინებუდჷ. თეს ინარღვანდეს ღუმუშ ღუმუს, ქობალიშ კაკალს, ფატის, ფენჯგირეს დო კაკუტით ნჩხვარუნდეს. ოჩამურე მასიურ ქუაშე ითოლუდჷ დო შხვადოშხვა ფორმაშ გოხოლუდეს. სამარგალოს მაეჩა უკუნიშ დაჭყაფუშახ ქოხვარენდეს ოჩამურეს, უკულნეშე ჭიი-ჭიეთ გეშალჷ.

ათე ჩამური, მუჭოთ მიწისინ 1866 წანაშ ნათოლა რე დო აბაშას, ჩაგანეფიშ მახორობას ძუდჷ. დიდი მარდის მუვოშინანთ ჩაგანეფიშ ფანიას თე ძვირფასი მეკონიშ გინოჩამაშენ დო საჸოროფო კოც, ბაბაჩია კონსტანტინე კაჭარას თე ამბეს ქვერსემ მოხვარა დო ალარინაშენ.