ქრონიზმი

ქრონიზმი თაშნეშე კრონიზმი — ოხეშუულებე ხემანჭუაფაშ მაჸალეეფშა ვარ-და ონდებელ პიჯეფშა გინოჩამაშ პრაქტიკა, ფავორიტიზმიშ გვარობა. ქრონიზმი გიშაკერზაფილო გჷმორჩქინდჷ პოლიტიკოსეფს დო თინეფიშ მოხუჯე ორგანიზაციეფიშ არანს. კერზოთ, თენა რე მადუდე პოსტეფს „მაჸალეეფიშ” დორინაფა, კვალიფიკაციაშ უმკუჯინალო თინეფშა სამუშა აბანეფიშ დო შხვა ჯგირობუეფიშ მეჩამა. ქრონიზმიქ ვაშქოჩირთან ოკო ტერმინი „ნეპოტიზმიწკჷმა”.

ქრონიზმი რჩქინდჷ, მუჟანსჷთ ჯგირობუაშ მემაჩამუს (დუმარინაფალი) დო ბენეფიციარს (დარინაფალი) ოჯარალე დო სამუშა კონტაქტი უღჷნან. შხირას დუმარინაფალი ოხვილჷ დორხველი ზიტყვასქვილეფიშ ხუჯიშ დოკინას, სამუშა ვალდვალეფიშ რსულაფაშ მოხვარაშის. თე ღანკით მიკინჭაფუ ლოიალური დორინაფილი მოხვარე, ნამუთ ხუჯის დუკინას დუმარინაფალიშ არძა ზიტყვასქვილს, მუშ „მინჯეშე“ გინორთელ არზის ვაგჷმორაგადანს ვარ-და სააწმარენჯო ხონარს ვეკიღანს.

კანკალეშა ტერმინი „ქრონიზმი“ პოლიტიკას გჷმირინუაფუ ჯგირიშ ზალებაშ ჸიდირი დო გჷმოჩამაშ კონტექსტით, კერზოთ: კანონმადვალუ ორგანოს ხონარიშ მეჩამა, ორგანიზაციეფშა ჭყოლოფუაშ მეჩამა (სამანგათ, გიშაკერძაფილო შანულამ აბანეფს წჷმორინაფაშ ალობაშ მეჩამა).

რესურსეფი ინტერნეტის

• SuperNews: Hurricane Katrina - A political flash cartoon about the cronyism surrounding Michael D. Brown and Hurricane Katrina.