დინორეშა გინულა

ქორთული სხუნუეფიშ ენციკლოპედია

ვიკიპედიაშე
(გინოწურაფილი რე ქსე-შე)
ქსე–შ კაბრა (ჸვა), ტომი „საქ სსრ“, 1981 ქართი.

ქორთული სხუნუეფიშ ენციკლოპედია (ქსე), მაართა ქორთული უნივერსალური ომენცარე ჩჷნობარი რე დო იკათუანს 70 ვითოშიშახ ტერმინ-სტატიას. გჷშართჷ საქორთუოშ კპ ცკ-აშ დო საქორთუოშ სსრ მინისტრეფიშ სხუნუშ 1965 წანაშ 24 ეკენიაშ დჷნადგინაშ ოსხირშა. გიშაშქჷ ქორთული სხუნუეფიშ ენციკლოპედიაშ თარი ომენცარე რედაქციაქ (თარი რედაქტორი — ირაკლი აბაშიძე, რედაქტორი — როინ მეტრეველი), გჷშეშკჷ 12 ტომო (11 ჯინჯიერი დო 1 სპეციალური ტომი „საქორთუოშ სსრ“ 2 წინგო, ქორთული დო რუსული ნინეფშა, ნამუეფით პერიოდულო გჷშმეშქუმალუდჷ).

დინორე[რედაქტირაფა | წყუშ რედაქტირაფა]

ქორთული სხუნუეფიშ ენციკლოპედია ეთმეხანტჷნს ადამიერიშ რჩქინაშ დო პრაქტიკული საქვარუაშ ირ ჯინჯიერი სფეროს. გჷშაკერზაფილო ფართას რე გოსინთაფილი საქორთუოშ სსრ მენაჭირინეფი ეკონომიკაშ დო კულტურაშ, მენცარობაშ დო ტექნიკაშ დარგეფს; ქორთუ კათაშ ანდაოშწანურამი ისტორია, ლჷმა სოციალურ დო ერუანულ დუდიშალაშო.

ქორთული სხუნუეფიშ ენციკლოპედია გჷმასინთუანს სსრკ დო შხვა სოციალისტური ქიანეფიშ მოსოფელიშ ისტორიულ მენაჭირინეფს ეკონომიკაშ დო კულტურაშ, მენცარობაშ დო ტექნიკაშ დარგეფს; ოერეფოშქაშე კომუნისტური, მუშეფიშ დო ერუანულ-გჷმადუდიშულაფარი ყარაფიშ გოვითარაფაშ ისტორიულ გჷმოცდილაფას.

კაბეტი აბანს გიშმართჷნს ფიზიკაშ, ასტრონომიაშ, გეოფიზიკაშ, ბიოფიზიკაშ, კიბერნეტიკაშ, კოსმონავტიკაშ, გენეტიკაშ. ბიოლოგიაშ, საოფუტო-ომეურნე მენცარობეფიშ, მედიცინაშ დო შხვა ოკითხეეფს.

ქორთული სხუნუეფიშ ენციკლოპედიაშ სტატიეფიშ უმენტაში ნორთი უკებჷ ბიბლიოგრაფეფს, ნამუთ გაბრას არზენს მაკითხირალს უმოსი ფართას გეჩინებაფუას ლიტერატურაშ თე დო თი პრობლემეფი. ქორთული სხუნუეფიშ ენციკლოპედიაშ აქიმინუას თარი ომენცარე რედაქციაშ დარგიშური დო ფუნქციონალურ რედაქციეფწკჷმა ართო აქტიურო ოკათუდჷ რესპუბლიკაშ მენცარეფიშ დიდი კოლექტივი (საქორთუოშ სსრ მენცარობეფიშ აკადემიაშ პრეზიდიუმიშ ხემანჯღვერალათ, მუთ ქორთული სხუნუეფიშ ენციკლოპედიას შანულამი ომენცარე-მეთოდურ მოხვარას ოინალუდჷ) დო ქიმერონული ინტელიგენცია. ოწმახუშე იხაზირჷ დო იბეშტუ ედომუშამი გჷმოჩამაშ თემატური ზიტყვონეფი (36 დოჯოხონობაშ) დო მაკეტი, ნამუეფიშ სხუნუას ოკათუდჷ რესპუბლიკაშ ომენცარე დჷნაწესებუეფი, უმაღალაშ ოგურაფუეფი, პარტიული, სახენწჷფო, პროფკავშირული დო კომკავშირული ორგანიზაციეფი, ქიმერონული რსხუეფი, უჭყაფეფი, ოწარმეეფი დო შხვა.

ქორთული სხუნუეფიშ ენციკლოპედიას ხვეიანო რე წჷმორინაფილი ფერუანი დო უჩა-ჩე დინნართა დო ოტექსტე ილუსტრაციეფი, ფერუანი (დინნართა) დო უჩა-ჩე რუკეფი. ტექსტიქ ეინწყუ (შრიფტი სპეციალური რე - „ენციკლოპედიური“, ავტორი ა. დუმბაძე) დო იბეშტჷ საქორთუოშ სსრ გახსახკომიშ ობეშტური ზიტყვაშ კომბინატის. ტირაჟი 80 ვითოში (სპეციალური ტომიშ - 90 ვითოში).

ლიტერატურა[რედაქტირაფა | წყუშ რედაქტირაფა]

  • მეტრეველი რ., ქსე, ტ. 10, ხს. 483, ქთ., 1986

ქოძირით თაშნეშე[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: