ქუცი (ჩანარი)

რჩქვანილობური ქუცი

ქუცი, ვარ-და კვადაცი — (Hippophae rhamnoides) (ქორთულო: ქაცვი) შხირნოჸელამი ქვერჩხამი ჩანარი ფშატიშობურეფიშ ფანიაშე, სიმაღალათ 1,5-3,5 მ, ვანაფერო 10 მ. სიმაღალაშ ჯა რე. ფურცელეფი მორიგეობითი რე, კუნტა ყერწეფით, ღოზურ-ლანცეტა, ჟიშე მოცაშფერო-რუმე წვანე რე, თუდოშე მოვარჩხილიშფერო-ჩე. პეულეფი ჟირბინამი რე, პილაგანი ჯამიშობური, უფურცელე პეულიშოქუნალით.

ნაჸოფი წვენამი, ვარკალა, ნარინჯიშფერი, ყვითნელი ვარდა მოჭითე რე, სფეროშნერი ფორმაშ, მუკოჩანს ძალამ კუნტა ნაჸოფიშმიკამარგებუს, ნამუთ ფსქელო მიკოხე ნოჸელას.

გოფაჩუა

ქუცი ირდუ წყარმალპიჯეფს, გვალაშ სუკეფს, სუჯონეფს, სოდეთ შხირას იქიმინუ ძნელომიოულარი ჩანარეფი. გჷშაკერძაფილო ფართას რე გოფაჩილი ქუცი წყარმალუ რიონიშ დო ცხენწყარიშ ლეხერეფს, სოდე შილებე ქუციშ მასიურო ხაზჷრაფა.

ქიმიური აკოდგინალუა

ნაჸოფეფი ოჭკომალო ირგჷ, მობჟე, დიდარი რე ვიტამინეფით ანანასიშ შურით. იკათუანს 3,5%-შა შანქარს, 2,6% ბჟეეფს, 8% ციმუამ ზეთეფს 300-450 მგ.% C-ვიტამინს, კაროტინს, B1, B2, BC (ნოშიშ(ფურცელიშ) მჟავა) დო E ვიტამინეფს. ნაჸოფიშა მიშმაულარი ზეთი მეურს ნანჭყოლიშ აკახორცაფალი წამალეფიშ ოკეთებელო.

გიმორინაფა

ოკათე მედიცინას ქუციშ ნაჸოფეფს გჷმირინუანა მუჭოთ ჭუაკინმაღალარი, ყიაშ ოკურნალებერო დო სურავანდაშ აწმარინე ანჯას(საშუალებას). გჷმირინუაფუ ხოლო ქუციშ ფურცელეფი. თენეფი იკათუანა 230-260 მგ.% C-ვიტამინს დო 10%-შა მათალუ ნაკათეფს. ჩქვალა შეჸელეფიშე დო ფურცელეფშე ეთმოჭოფუნა უჩა, დო ნაჸოფეფშე – ყვინთელ ოღაფალეფს.

რესურსეფი ინტერნეტის

იმერეთიშ ოკურნალებერი ფლორა Archived 2007-10-15 ვებ-ხასჷლას Wayback Machine.