შარლ VII (საფრანგეთი)
| შარლ VII ფრანგ. Charles VII | ||
 | ||
| საფრანგეთიშ მაფა | ||
|---|---|---|
| პოსტის გერინაშ ბორჯი | ||
| 21 გჷმათუთა, 1422 – 22 კვირკვე, 1461 | ||
| წიმოხონი | შარლ VI | |
| მონძე | ლუი XI | |
| დუნაბადი | 22 ფურთუთა, 1403 პარიზი, საფრანგეთი | |
| ნაღურა | 22 კვირკვე, 1461 (58 წანერი) მეენ-სიურ-ევრი, საფრანგეთი | |
| ნთხორუ აბანი | სენ-დენიშ ბაზილიკა | |
| მუმა | შარლ VI | |
| ნანა | იზაბელა ბავარიალი | |
| ალმასქუ | მარია ანჟუარი | |
| სქუალეფი | ლუი XI, რადეგონდ დე ვალუა, კატრინ დე ვალუა, იოლანდ დე ვალუა, ჟანა დე ვალუა, მადლენ დე ვალუა, შარლ დე ვალუა დო შხვეფი | |
| რელიგია | კათოლიციზმი | |
| ხეშმოჭარუა | .PNG){kind=small} | |
შარლ VII (ფრანგ. Charles VII, დ. 22 ფურთუთა, 1403 — ღ. 22 კვირკვე, 1461), შინელი რე მუჭოთ გომორძგვილი (ფრანგ. le Victorieux) — საფრანგეთიშ მაფა 1422-1461 წანეფს, ვალუაშ დინასტიაშ წჷმმარინაფალი. თიში მართუალათ გეთუ ოშწანიანი ლჷმაქ დო ფაქტიურო მეჭყორდჷ ინგლისარეფიშ პრეტენზიეფქ საფრანგეთიშ ომაფე ხვისტაშო.
შარლ VII-ქ ხვისტაშა ეშართუნჷ, საფრანგეთის კრიზისული დგომარება უღუდჷ. ოშწანიანი ლჷმა იბურჯანდჷ, ინგლისარეფს დო დო ბურგუნდიალეფს ოკუპირაფილი აფუდეს გიენი დო ოორუე საფრანგეთი, პარიზიშ მეკოროცხილო, თაშნეშე რეიმსი - ნოღა, სოდეთ ტრადიციულო აკურთხენდეს საფრანგეთიშ მაფეფს. 1420 წანას შარლ VII-შ მუმაქ შარლ VI-ქ, ნამუსჷთ ხანგა შარლის უძახუდეს დო მენტალური პრობლემეფი უღუდჷ, საფრანგეთიშ ხვისტაშ მონძეთ ოფიციალურო ქიჩინჷ ინგლისიშ მაფა ჰენრი V. ჸათე პერიოდის, ართობჯულო საფრანგეთის მიშჷ ომენოღალე ლჷმა, ართიანს ოლიმუდეს არმანიაკეფი (ვალუეფიშ მოხუჯეეფი) დო ბურგუნდიალეფი (ვალუა-ბურგუნდიალეფიშ დინასტიაშ მოხუჯეეფი, ნამუეფით ინგლისარეფს ალურდეს).
მართუალაშ დაჭყაფუშე, შარლ VII აკონტროლენდჷ ხვალე ბურჟიშ რეგიონს დო შხვა ჭიჭე ტერიტორიული ნორთეფს. ჸათეშ გეშათ შარლის ირონიულო მიშინუანდეს მუჭოთ "ბურჟიშ მაფა"-ს. მარა ჟანა დ'არკიშ მუკორჩქინაშ უკულ, ძალამს გეუჯგუშჷ შარლიშ მუჭოთ ოურდუმე, თაშნეშე პოლიტიკური პოზიციეფქ. ჟანა დარკიშ დო ჟან დე დიუნუაშ ხემანჯღვერობათ ფრანგული არმიაქ მიოჭირინუ შანულამი გომორძგუეფს. ინგლისარეფქ ორლეანიშ ქართა მონწყეს. ორლეანიშ მოხ, ფრანგეფქ შხვა სტრატეგიული ნოღეფი ხოლო დირთინეს. გინმაჭყვიდალი ლჷმაქ მოხვადჷ ნოღა პატეშ გოხოლუას სოდეთ ფრანგეფქ ეტენ დე ვინიოლიშ დო პოტონ დე სენტრაიშ ხემანჯღვერობათ კონწარო დამარცხეს ინგლისარეფი. ინგლისარეფქ უკახალე დიკინეს, თინეფიშ კავალერიაქ ინტუ. უკულ რეიმსიშ მახორუეფქ ნოღაშ კარეფი ფრანგეფს გუნჯეს. 1429 წანაშ 17 კვირკვეს შარლ VII საფრანგეთიშ მაფათ აკურთხეს რეიმსიშ ოკათედრე ოხიდას. 1430 წანას ბურგუნდიალეფქ ხეშა ქაშეჸოთეს ჟანა დ'არკი დო ინგლისარეფს გეგნოჩეს. ჟანა გასამართეს, ერესი ქეკადვეს დო დაჩხერს დოჭვეს. შარლის საართოთ მუთუნჷ ვაუკეთებუ თიში დარსხებელო. 1435 წანას, შარლიქ ქუდოდვუ ოთინჩალე ხეკულუა ბურგუნდიაწკჷმა. ბურგუნდიაშ ჰერცოგიქ ფილიპ III-ქ შარლი საფრანგეთიშ მაფათ ქიჩინჷ. საგამათ, ფილიპიქ ომაჟიშე გედუდიშულჷ. ჸათაშ აკოცუ ინგლის-ბურგუნდიაშ ალიანსიქ. 1436 წანას შარლიქ პარიზი დირთინუ დო 1440-იან წანეფიშე ახალი ორგანიზაფილი არმიათ ჭიეჭიეთ ქიდიჸუნუ ნორმანდია. 1453 წანაშ 17 კვირკვეშ კასტიონიშ ლჷმას ფრანგეფქ ხოლო ართიშა დამარცხეს ინგლისარეფი. ფრანგეფქ გომორძგუას მიოჭირინეს ვეშ არტილერიაშ გჷმორინაფათ. ჸათე მარცხიშ უკულ ფრანგეფქ დირთინეს გასკონი დო შხვა შანულამი ტერიტორიეფი. ინგლისარეფს ხვალე კალექ ქასკიდეს.
მართუალაშ ეკონია წანეფს შარლის ძალამს გლახა ურთიართალა უღუდჷ მუში სქუა, მუმალი მაფა ლუი XI-წკჷმა, ნამუთ მუმას ვამორჩილუდჷ. შარლიქ ღურუ 1461 წანაშ 22 კვირკვეს, 58 წანერქ. დასაფულებური რე სენ-დენიშ ბაზილიკას.