შეჰერიზადა

ვიკიპედია-შე
Jump to navigation Jump to search
მაფა შაჰრიარი აპატიენს დიაფალ შეჰერიზადას

შეჰერიზადა (შეჰერეზადა, შაჰირაზადა, შაჰრაზადა) — ლაგენდარული თარი გერგეზი „თხობელუეფი მაფა შაჰრიარშე დოთიში ჯიმაშ გეშა“, საინტერესე სპარსული არიკეფიშ ციკლიშე „ვითოშ ართი სერი“, გერგეზი ნამუთ შხვა თხობელუეფს შქას მიმარსხუაფალიშ როლს არსულენს.

შეჰერიზადა — ომაფე ვეზირიშ უნჩაში ცირასქუა, ოშა-გოშა სისქვამეშ დო დიდი სიჭკვერაშ მაღვენი ძღაბი, ნაუქჷთ კათა გადუდიშულუ მაფა შაჰრიარიშ ართიანიშ გემაჸვენჯი ოსურიშ მოჸონაფეფიშ მარცხეფშე (მაფა შაჰრიარქ გჷნიღჷ ჩილიშ ღალატი, მაფაქ ოსურეფიშ უდუნდობელობაშე დერწუმჷ, მარა თინეფიშ უმუშო ხოლო ვეგშჷმურდჷ რინა, შაჰრიარი ირ სერს ირ ძღაბის ოსურო ეკმიხუნუანდჷ დო ოჭმარეშო თინეფს ჸვილუნდჷ).

მუჭოთ გეჸვენჯი მაფაშ ოკიბირე-ჩილქ, შეჰერიზადაქ ნთელი მუშ ჭკვერზიტყვიერება გჷმირინუ, მაფას არიკეფს ურაგადუდჷ ბჟაშ ეშულაშა (ნამუთ უგუთანჯუო თხობელუაშ საინტერესო ბორჯის უხუჯანდჷ). ინოკიკინუაქ მაფა შაჰრიარს ირიათო გჷნუღჷ ზისხირდობუნაშ კორინი, დო თინა შეჰერიზადას მაჟრა სერშო არზენდჷ ხანს, თიშ გეშა, ნამჷ-და მაფას არიკიშ თებაშ გაგება ოკოდჷ, მარა გეჸვენჯი სერს ირფელი იმაჟირებუდჷ. თეშნერო ოღრაში ცირა ბორჯის ობაღინეთ ზჷინდუნდჷ, თეიშა სოიშახ მაფა შაჰრიარშა ჭკუაქ ვამორთჷნ დო ოსურეფიშ მასობური მოჯილიგუაშე ივარუნჷ.

თაშნეშე ქოძირით[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]

Commons-logo.svg
ვიკიოწკარუეს? რე ხასჷლა თემაშენ: