ჩანდრასეკარა ვენკატა რამანი

ჩანდრასეკარა ვენკატა რამანი
	ჩანდრასეკარა ვენკატა რამანი
	ტამ. சந்திரசேகர வெங்கடராமன்
	; ჩანდრასეკარა ვენკატა რამანი 1930 წანას
დაბადებაშ თარიღი:	7 გერგობათუთა, 1888
დაბადებაშ აბანი:	ტირუჩირაპალი, ბრიტანეთიშ ინდოეთი
ღურაშ თარიღი:	გერგობათუთა 21, 1970 (82 წანერი)
ღურაშ აბანი:	ბანგალორი, ინდოეთი
მენოღალობა:	ინდოეთი
ომენცარე სფერო:	ფიზიკა
სამუშაშ აბანი :	კოლკატაშ უნივერსიტეტი; მენცარობაშ ინდოეთიშ ინსტიტუტი; რკვიებეფიშ რამანიშ ინსტიტუტი
ალმა-მატერი:	მადრასიშ უნივერსიტეტი
ჯოხოშინელი მოგურაფეეფი:	გოპალასამუდრამ ნარაიანან რამაჩანდრანი; კარიამანიკამ სრინივასა კრიშნანი; კალპათი რამაკრიშნა რამანათანი
ჯილდოეფი დო პრემიეფი:	ლონდონიშ ომაფე ჯარალუაშ მაკათური (1924); მატეუჩიშ მენდალი (1928); რაინდი-ბაკალავრი (1930); ჰიუზიშ მენდალი (1930); ნობელიშ პრემია ფიზიკაშ დარგის (1930); ბჰარატ რატნა (1954); საირქიანო ლენინური პრემია (1957)
ხეშმოჭარუა:

ჩანდრასეკარა ვენკატა რამანი (ტამ. சந்திரசேகர வெங்கடராமன், დ. 7 გერგობათუთა, 1888, ტირუჩირაპალი, ბრიტანეთიშ ინდოეთი — ღ. 21 გერგობათუთა, 1970, ბანგალორი, ინდოეთი) — ინდოარი ფიზიკოსი, სინთეშ კომბინაციური გოფაჩუაშ პრინციპიშ ძირაფაშ დო მენცარული რკვიებაშ გეშა 1930 წანას გინოჩეს ნობელიშ პრემია ფიზიკაშ დარგის. ფენომენს, ნამუთ რამანიქ გიმირკვიუ რამანიშ ეფექტის უძახუნა. რამანიქ დებადჷ ტამილეფიშ ფანიას. გურაფულენდჷ მადრასიშ უნივერსიტეტის, სოდეთ მიპალუ მაგისტრიშ ხარისხი. გურაფაშ თებაშ უკული მუშენდჷ შხვადოშხვა ომენცარე ინსტიტუტეფს. რამანიშ მაართა მენცარული რკვიება რდჷ სინთეშ დიფრაქციაშ გეშა. რამანი უმოსო მოღალენდჷ აკუსტიკაშ დო ოპტიკაშ დარგეფს. 1926 წანას რამანიქ დარსხუ ფიზიკაშ ინდური ჟურნალი. 1933 წანას რამანიქ ოცხოვრებშა დო ომუშებუშა ბანგალორიშა გეგნორთჷ დო მუშობა ქიდიჭყჷ მენცარობაშ ინდოეთიშ ინსტიტუტიშ დირექტორო. 1948 წანას რამანიქ დარსხუ რკვიებეფიშ ინსტიტუტი, სოდეთ ღურაშახ იმუშუ. რამანი რე შხვადოშხვა პრესტიჟული ჯილდოეფიშ დო პრემიეფიშ ლაურეატი. რდჷ ლონდონიშ ომაფე ჯარალუაშ მაკათური.