ცერბერი

ვიკიპედია-შე
Jump to navigation Jump to search


ცერბერი. დიხაშთუდოიანი ოქიანუშ კარეფიშ ყარული.

ცერბერი ვარდა კერბერი, (ბერძნ. Κέρβερος) — ტიფონიშ დო ექიდნეშ სკუა. დიხაშთუდოიანი ოქიანუშ (ჰადესიშ) კარეფიშ ყარული თოისერი ორჩხოლი. თის უღუდჷ სუმი დუდი, თიშ კისერს გვერეფი იწკუმონტუდეს დო კუდი ლერჩქვღირთონილი გვერვეშაპიშ დუდით ითებუდჷ. ცერბერი ჰადესშა ირკოს მინაშქვანდჷ, თეჸურეშე აშო — აკას ვაუტენდჷ. ხვალე ართიქ — ორფეოსიქ ჯადოსანური ბირათ დარულუ კერბერი დო გიმუტყობუდუკო დიხაშთუდონშე.

ჰერაკლეშ გერგეზალა[რედაქტირაფა | წყუშ რედაქტირაფა]

გჷმოსახულება კოტოს. ჰერაკლექ მეუჸონჷ კერბერი მიკენეშ მაფა, ევრისთევსის

მიკენეშ მაფაქ — ევრისთევსიქ დავალჷ ჰერაკლეს ჰადესიშე კერბერიშ ეშაჸონაფა. დიდი ხანს გილულაშ დო ბრელი დუდსგინალუშ უკული ჰერაკლექ მერთჷ დიხაშთუდონიშ მაფა ჰადესწკჷმა დო კერბეროსიშ ჸონაფა მოთხუ. ჰადესიქ ეჸონჷ ჰერაკლეშ ძირაფათ დო ოთხუალით, ჰოიაქ უწუ, მარა თი პიჯალათ, გერგეზი კერბერს ცალიერი ხეთ დემორჩილენდჷდა. რკინაცალი მანგარი ხეეფი ქუგუდჷ ჰერაკლექ ორჩხოლს დო მოთხჷ ქაჸუნუკონჷ, მარა კერბეროსი ვაღირიკჷნდჷ კითის. ბრელხანს აწამჷ ორჩხოლი ჰერაკლექ დო ბოლოს გვერდო ღურელი ქიხვამილუ დო მოლეჸონჷ. ნაპტანი დაშქურინუ წკვარამიშ მარენჯი დღაშ სინთექ, თის გვალო რგილი უფი გინასოფანდჷ, ცანცალქ ეუოლჷ დო ლერჩქვეფშე მაწამალარი ლეზვა მანტუდჷ, ლეზვაშე შხამამი ოდიარეეფი ირდუდჷ. ჰერაკლექ კერბერი მიკენშა იჸონჷ დო ევრისთევსის მეუჸონჷ, მარა მაფა მუჭო ქოძირუნჷ დოშქურდჷ დო ოხვეწუდჷ გერგეზის, კინ ჰადესშა უჸონაფუდუკონ ათე ოშქურანჯობა. ჰერაკლექ ქიგეგონჷ დო კინ მუში ომაფეშა დართინუ კერბეროსი.

გინოღალირი შანულობათ კერბერს უძახუნა ჸალა, ზანკოჩის. თინა რე ლათინურო ცერბერი. [1]

სქოლიო[რედაქტირაფა | წყუშ რედაქტირაფა]

  1. ნოდარ გაფრინდაშვილი. მითოლოგიური ლერსიკონი. ხას. 158 - ქართი, „განათლება“, 1972.
Commons-logo.svg
ვიკიოწკარუეს? რე ხასჷლა თემაშენ: