ჭაჭმენტი
ჟიგუმატარე ჭაჭმენტი — სოლენოიდი ვარ-და ელექტროჭაჭმენტი, ნამუშ გარგაზი ჟიგუმატარე მასალაშე რე კეთებული. გარგაზის ჟიგუმატარობაშ დგომარობას ვა უღჷ აქტიური (ომური) ადგადგა. დო გარგაზიშ ტემპერატურა, თიშე გიშმალი დენიშ ნძალა ვარ-და გარგაზიშა მოქმიმინჯე ჭაჭმენტური ვეშ ნჭირა სადენიშ მასალაშო დჷმახასიათაფალ კრიზისულ შანულობაშ უმოს ქორე-და, გარგაზი ოდინუანს ჟიგუმატარობაშ ანდის. ათეშენ ჟიგუმატარე სადენეფიშო თიჯგურა მასალას გჷმირინუანა, ნამუსთ ეშანილი პარამეტრეფი მაღალი უღჷნ. დენიშ გვიგვიქ წორწოთ დირთასჷნ, ჟიგუმატარე სადენეფს აკეთენა ჭიფე, ვითობათ მკმ დიამეტრიშ სინეფშე, ნამუეფჷთ ართიანშა რე მეწკუმონტილი დო ტიბურ სტაბილიზაციაშ ღანკით მენდღულაფირი რე კაბეტი ტიბურ- დო ელექტროგუმატარობაშ მოღვენი ლენტშა. ელაზჷმაფათ მორჩილი ზჷმაშ ჟიგუმატარე ჭაჭმენტის, ნამუსჷთ გეშაყარელი ენერგია მუსხირენ ოშობათ კჯ-შე უმოსი ვა რენ, აკეთენა მეჭედათ წკუმონტილი გარგაზიშე; თე ეკონია 30-50% ჟიგუმატარეს იკათუანს. კაბეტი ზჷმაშ ჟიგუმატარე ჭაჭმენტიშ გარგაზი ხვალე 5-10% ჟიგუმატარე მასალას იკათუანს.
იროიანი ჭაჭმენტი წიმიწორე დოჭაჭმენტელი ფერო- ვარ-და ფერიჭაჭმენტურ მასალაშე ნაკეთებუ რე. რე ნალიშობური, ღოზიშობური დო შხვა სახეშ ჭაჭმენტი. ფართოთ გჷმირინუანა იროიანი ჭაჭმენტური ვეშ ავტონომიურ წყუთ ელექტროტექნიკას, რადიოტექნიკას, ავტომატიკას.
ლიტერატურა[რედაქტირაფა | წყუშ რედაქტირაფა]
- ახალკაცი ვ., ქორთული სხუნუეფიშ ენციკლოპედია, ტ. 6, ხს. 327, ქართი, 1983 წანა.