ხავიერ ბარდემი

ხავიერ ბარდემი
დაბადებაშ ჯოხო	ხავიერ ანხელ ენსინას ბარდემი
დაბადებაშ აბანი	ლას-პალმასი, ესპანეთი
დებადჷ	1 მელახი, 1969 (1969-03-01)
საქვარუა	არტისტი
აკოქიმინჯალაშ წანეფი	1990–ასეშა
ალმასქუ(ეფი)	პენელოპე კრუსი

ხავიერ ბარდემი (ესპ. Javier Bardem; 1 მელახი, 1969) — ესპანარი არტისტი. რე ოსკარიშ, ორქოშ გლობუსიშ, BAFTAშ დო გოიაშ ჯილდოეფიშ მაღვენჯი. თინა მაართა ესპანარი რე, ნამუქით ოსკარიშ ნომინანატი დო გომორძგვილქ იჸუნ.

ბიოგრაფია

ბარდემქ კარიერა დიჭყჷ ოდაბადე ესპანეთის. ჟირი ვითული როლიშ რსულებაშ უკული თიქ ოერეფოშქაშე დონეს ჩინებულქ იჸუ ჯულიან შნაბელიშ ფილმით „სოიშა დისერუნ“, სოდეთ არსულჷ კუბარი ჰომოსექსუალი ჭარუშ, რეინალდო არენაშ როლი. ათე როლიშო თიქ, მაართაქ ესპანარეფშე, დეინალუ ოსკარიშ ნომინაცია, ხოლო მიღჷ ვოლპიშ თასი. 2002 წანას თიქ მიღჷ მერზიება სტივენ სპილბერგიშ ფილმის „გიშაკერძაფილი არზი“ ვიტვერიშ როლს. თენა რდჷ როლი თხობელიშ, ნამუთ პოლიციარიშ, ანდერტონიშ (ტომ კრუზი) ჭოფუას ოცადუდჷ. ბარდემქ გაცხადჷ, ნამდა ვაულამუდჷ ტომ კრუზიშ თხოზინი დო როლი კოლინ ფარელს დაუთმჷ. 2004 წანას ბარდემქ მაჟირაშა მიღჷ ვოლპიშ თასი ფილმის „დინახლენ ზუღა“ რსულებური როლიშო. თაქ თინა ასახიერენდჷ ტეტრაფლეგიათ დოლეხაფირი რამონ სამპედროს. 2006 წანას თიქ ილაჸაფჷ მილოშ ფორმანიშ ფილმის „გოიაშ გეძირაფუეფი“, სოდეთ თიში პარტნიორი რდჷ ნატალი პორტმანი. ხოლო არსულჷ ფლორენტინო არისაშ როლი გაბრიელ გარსია მარკესიშ რომანიშ ეკრანიზაციას.

ბარდემიშ არძაშე დიდი წჷმოძინა რდჷ 2007 წანას ჯიმალეფი კოენეფიშ ფილმის „რჩინუეფიშო აკანი ვარე“ რსულებური ანტონ ჩიგურიშ როლი. ათე როლიშო თიქ მიღჷ ოსკარიშ, ორქოშ გლობუსიშ დო BAFTAშ ჯილდოეფი.

2008 წანას ქაკათჷ ვუდი ალენიშ ფილმის „ვიკი კრისტინა ბარსელონა“,სოდეთ ილაჸაფჷ მუმალი ალმასქუ პენელოპე კრუსწკჷმა ართო. 2012 წანას ქაკათჷ ჯეიმზ ბონდიშ სერიაშ ფილმის „სკაიფოლი“.

ფილმოგრაფია

წანა		მარგალურო	ოდაბადური ჯოხოდვალა	როლი
1991	ფ	მაღალი ქურეფი	Tacones Lejanos	ტელევიზიის თანამშრომელი
2000	ფ	სოიშა დისერუ	Before Night Falls	რეინალდო არენა
2002	ფ	თუთაშხეფი ბჟას	Los lunes al sol	სანტა
2004	ფ	დინახალენი ზუღა	Mar adentro	რამონ სამპედრო
2006	ფ	გოიაშ გეძირაფეფი	Goya's Ghosts	ძმა ლორენცო
2006	ფ	ჸოროფა ხოლერაშ ბორჯის	Love in the Time of Cholera	ფლორენტინო არისა
2007	ფ	რჩინუეფიშო აკანი ვარე	No country for old men	ანტონ ჩიგური
2008	ფ	ვიკი კრისტინა ბარსელონა	Vicky Cristina Barcelona	ხუან ანტონიო
2010	ფ	ჭკომი ილორსი ქიჸოროფე	Eat Pray Love	ფილიპი
2010	ფ	ზისნახე	Biutiful	უქსბალი
2012	ფ	სკაიფოლი	Skyfall	რაულ სილვა
2013	ფ	ალმაჩამალი	The Counselor	რეინე

პიჯული რინა

2007 წანაშე ბარდემი ურთიართობას რე ესპანარი არტისტი პენელოპე კრუსწკჷმა. თინეფქ 2010 წანას დიგურგინესჷ.

რესურსეფი ინტერნეტის

ვიკიოწკარუეს^? რე ხასჷლა თემაშენ:

ხავიერ ბარდემი

• ხავიერ ბარდემი — კინოფილმეფიშ ინტერნეტ მუნაჩემეფიშ ბაზას (ინგლისური)
• ხავიერ ბარდემი Archived 2011-10-07 ვებ-ხასჷლას Wayback Machine. Suspes Archived 2011-10-07 ვებ-ხასჷლას Wayback Machine. -ის ფილმების მონაცემთა ბაზაში