ჯუჯა პლანეტა
| ||
ჯუჯა პლანეტეფო მერჩქინელი რე მაართა ოთხი პლანეტა (ჟიდო კვარჩხანშე):
|
ჯუჯა პლანეტა — ოერფოშქაშე ასტრონომული რსხუშ გჷნოჩამაშ მეჯინათ რე კოსმოსური ობიექტი ბჟაშ სისტემას, ნამუთ თე ოთხი კრიტერიუმს ინოხენანი:
- ირთანსჷ ჩხანაშ გორინათ;
- უღჷ დასაბაღი წონა მუშ გრავიტაციაშო გალენ პლანეტეფიშ გრავიტაციაშ ძალაშ ორჯგინალო დო ჰიდროსტატური წონასწორობაშ (დოხოლობათ კვარკვალია) ფორმაშ მიოღებელო;
- ვარე მუშ ორბიტაშ დომინანტი (ვეშულებუ მუშ ორბიტა გოწიმინდუასჷ შხვა რსხულეფშე);
- ვარე ალმაშარე.
ტერმინი „ჯუჯა პლანეტა“ მიშიღეს 2006 წანას, მუჭოთ ართ-ართი ნორთი ბჟაშ გორინათ გჷლმაულარი რსხულეფიშ. რსხულეფი, ნამუსჷთ თისხი ძალა უღჷნა, მუჭოთგა თინეფიშ მელე-მოლე გოხოლუ გოწიმინდუანი შხვა რსხულეფშენი, პლანეტეფი ჯოხონა, შხვეფს, ნამუთ ზედმეტო ჭიჭელეფი რენან, ჰიდროსტატური წონასწორობაშონი მითმირჩქინანა, მუჭოთ ბჟაშ სისტემაშ კუნტა რსხულეფი.
კატეგორია „ჯუჯა პლანეტა“ ვარე პლანეტაშ კატეგორიაშა მიშმალი თუდონი კატეგორია. თინა რე გვალო შხვა ახალი კატეგორია. თენა თის რაგადანს, ნამჷ-და ჯუჯა პლანეტა პლანეტა ვარე.
ასეიან ბორჯის ოერფოშქაშე ასტრონომული რსხუს დიოდღარო გჷშაგორილი აფუ ხუთი ჯუჯა პლანეტა: ცერერა, პლუტონი, ჰაუმეა, მაკემაკე დო ერისი.[1]
ქოძირით თაშნეშე [რედაქტირაფა | წყუშ რედაქტირაფა]
რესურსეფი ინტერნეტის[რედაქტირაფა | წყუშ რედაქტირაფა]
- NPR: Dwarf Planets May Finally Get Respect (David Kestenbaum)
- BBC News: Q&A New planets proposal