ჰალიდე ედიბ ადივარი
| ჰალიდე ედიბ ადივარი | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ღურთუთა 9, 1964 (79 წანერი) |
| ღურაშ აბანი: | |
| ერუანობა: | |
| საქვარუა: | |
| პერიოდი : |
1909–1963 |
| ნინა: | |
ჰალიდე ედიბ ადივარი (ოსმ. خالده اديب; დ. 11 მანგი, 1884, კონსტანტინოპოლი, ოსმალეთიშ იმპერია — ღ. 9 ღურთუთა, 1964, სტამბოლი, თურქეთი) — თურქი ჭარუ, ნოველისტი, მაგურაფალი, ულტრანაციონალისტი დო ფემინისტი ინტელექტუალი. მუში ნაჭარეფს ადივარი აკრიტიკენდჷ ოსურეფიშ დაბალი სოციალური სტატუსის თურქულ ჯარალუას. ადივარი რდჷ ოსურეფიშ ნებეფიშ აღიარაფაშ ართ-ართი თარი ინიციატორი თურქეთის. მუჭოთ ნაციონალისტი პანთურქისტი, ადივარი ადვოკატირენდჷ თურანიზმიშ იდეეფს.
ჰალიდე ედიბ ადივარი გურაფულენდჷ სტამბოლიშ ამერიკულ კოლეჯის, ნამუთ გათუ 1901 წანას. ჭარალუათ ორდოიანი წანეფიშე დეინტერესჷ. მაართა ნაწარმებეფი 1900-იან წანეფს გჷმაბჟინუ. მაართა მოსოფელიშ ლჷმაშ ბორჯის ადივარი ლექციეფს კითხულენდჷ სტამბოლიშ უნივერსიტეტს. 1916-1917 წანეფს რდჷ ოსმალეთიშ იმპერიაშ გონათაფაშ სისტემაშ ინსპექტორი დამასკოშ დო ბეირუთიშ სკოლეფს. თურქეთიშ ზოხორინელობაშო ლჷმაშ ბორჯის, ადივარი თურქი ნაციონალისტეფს ალურდჷ. 1920 წანას ადივარიშ დო ჟურნალისტიშ იუნუს ნადი აბალიოღლუშ ინიციატივათ დირსხუ საინფორმაციო სააგენტოქ "ანადოლუ".
1926 წანას ადივარის ღალატი ქეკაბრალეს. ჸათეშ გეშათ თიქი დო თიში ქომონჯიქ ევროპაშა ინტეს. 1926-1939 წანეფს ადივარი ინგლისის დო საფრანგეთის ცხოვრენდჷ. ადივარი ბრელს შარალენდჷ დიო ევროპას დო უკული ამერიკას, თაშნეშე ლექციეფს კითხულენდჷ.
ჰალიდე ედიბ ადივარიქ თურქეთიშა 1939 წანას დირთჷ დო მუშობა ქიდიჭყჷ სტამბოლიშ უნივერსიტეტის, ინგლისური ლიტერატურაშ პროფესორო. ადივარი 1950-1954 წანეფს რდჷ თურქეთიშ დიდი ერუანული ასამბლეაშ მაკათური.
გიშნაგორა ნახანდეფი
[რედაქტირაფა | წყუშ რედაქტირაფა]- Seviye Talip (1910)
- Handan (1912)
- Mevut Hükümler (1918)
- Yeni Turan (1912)
- Son Eseri (1919)
- Ateşten Gömlek (1922)
- Çıkan Kuri (1922)
- Kalb Ağrısı (1924)
- Vurun Kahpeye (1926)
- The Memoirs of Halide Edib (1926)
- The Turkish Ordeal (1928)
- Zeyno'nun Oğlu (1928)
- Turkey Faces West (1930)
- The Clown and His Daughter (1935)
- Inside India (1937)
- Türk'ün Ateşle İmtihanı (1962)
რესურსეფი ინტერნეტის
[რედაქტირაფა | წყუშ რედაქტირაფა]
- Notable Ladies: Halide Edib Adivar
- Halide's Ordeal
- Halide Edip Adivar by Turkish Cultural Foundation.