ჰემატოლოგია

ვიკიპედიაშე

ჰემატოლოგია (ჰემატო... დო ...ლოგია) — მენცარობა, ნამუთ დჷთმიგურუანს ზისხირს, ზისხირმბად სისტემას, თინეფიშ აკოგაფას, ფუნქციეფს, ლახარეფს დო სქილადაშ მეთოდეფს, თაშნეშე ზისხირიშ გოჭყაფაშ პროცესეფს დო თინეფიშ თირუეფს ორგანიზმიშ პათოლოგიური დგომარობაშ ბორჯის, ათე პროცესეფშა ენდო- დო ეგზოგენური ფაქტორეფიშ გაულას, მორფოლოგიას დო თოლდინოხოლენი პროცესეფს, პლაზმაშ მუშობურობეფს, ზისხირიშ სისტემურ ეტიოლოგიას, პათოგენეზის, კლინიკას დო სქილადას.

ჰემატოლოგია, მუჭოთ მენცარობა, გიჭყჷ XVII ოშწანურას, ნამუთ მერსხილი რე შხვადოშხვა მენცარეფიშით (თ.შ. ანტონ ვან ლევენჰუკი) ზისხირიშ თოლეფიშ მეგორაფაწკჷმა. ჰემატოლოგიური ლახარეფიშ ელაზჷმაფილი რსულჸოფური ეჭარუა XIX ოშწანურაშ 30-იან წანეფშე დიჭყჷ.

ლიტერატურა[რედაქტირაფა | წყუშ რედაქტირაფა]