Blu-Ray დისკი

ვიკიპედია-შე
Jump to navigation Jump to search

Blu-ray დისკი (ოფიციალური აბრევიატურა - BD) — ოპტიკური დისკი, ნამუთ გიმირინუაფ ინფორმაციაშ ოჩუალარო. ჯინჯიერო, თის რე ეკონია წანეფს გჷშულირი კინოფილმეფი, მორო ხოლო ხვადუ უმოსო ჯვეში ფილმეფიშ ეულა დო ათე ფორმატის გჷშაშქუმალა. Blu-ray ტექნოლოგია ირზენს დისკიშ თითო ფას 25 გიგაბაიტიშ მუზმაიანობაშ ინფორმაციაშ მითონტირაშ საშუელს, მუთით უკულ შილებე დისკეფს ვიდეოინნაჭარაშ გჷმოსახილუაშ მაქსიმალურო შესალებერი ხარისხით მითონტირა. მაჯინეს ატენა არზენს საშუელს, მიკაჯინას მუჭოთ ეკრანს დუმაქანცე ობიექტეფს, ხოლო თინეფიშ აკაბუცხა დეტალეფით სხუნას, მუჭომით რე ადამიერიშ სახეშ ხუნჭეფი ვარდა თოლიშ სტრუქტურა.

ფორმატიშ პროტოტიპეფქ მაართაშა წჷმორინელქ იჸუ 2000 წანაშ გჷმათუთას, მაართა კომერციული დისკიქ გიშართჷ 2003 წანაშ პირელს. თიში პოპულარობაქ გინულუ თეიშა ჸოფიერი HD DVD ფორმატის, მუშ გეშათ ათეჟამო HD DVD-იშ გიშაშქუმალაშ უციობა ვარე დო ათე ფორმატი გაუქვებული რე. ათეჟამო მეურს მუშობა ფორმატიშე Blu-ray 3D, ნამუთ მაჯინეს საშუელს მეჩანს, 3D ფილმეფი ძირას უმაღალაში ხარისხით დო სუმი გალენ ორთამი ფორმატის.

რესურსეფი ინტერნეტის[რედაქტირაფა | წყუშ რედაქტირაფა]

Commons-logo.svg
ვიკიოწკარუეს? რე ხასჷლა თემაშენ: