LTE

ვიკიპედია-შე
გეგნორთი: ნავიგაცია, გორუა
Disambig-dark.svg ზიტყვას „LTE“ უღჷ შხვა შანულობეფი ხოლო, ქოძირით LTE (მიარეშანულამი).
Shows the countries where 3GPP Long Term Evolution is available
LTE ტექნოლოგიაშ მიშაღალა 2014 წანაშ 7 ქირსეთუთაშ მუნაჩემეფით

██ ქიანეფი დო რეგიონეფი კომერციული LTE ნინალათ

██ ქიანეფი დო რეგიონეფი, სოდე კომერციული LTE რშვილეფიშ გოჭყაფა მეურს ვარდა დოგეგმილი რე

██ ქიანეფი დო რეგიონეფი, სოდე LTE იცადებუაფუ (სოიშახ LTE ტექნოლოგიაშ გოჭყაფაშ ვალდებულება მიშურსჷნ)

LTE სიგნალიშ ინდიკატორი Android-ის

LTE (ზიტყვაზიტყვათ ინგლ. Long-Term Evolution-შე — გჷრძეხანიანი გოვითარაფა, შხირას იშანუაფუ მუჭოთ 4G LTE) — თი მობილურ ტელეფონეფიშ დო შხვა ტერმინალიშ უკაბელო მაღასიჩქარიანი მუნაჩემეფიშ გჷნოჩამაშ სტანდარტი, ნამუთ ხანდენა თე მუნაჩემეფით. თე სტანდარტი გერსხილი რე GSM/EDGE დო UMTS/HSPA რშვილურ ტექნოლოგიეფს, ნამუთ უძინანს გჷმატარე შილებუამობას დო სიჩქარეს შხვა რადიოინტერფეისიშ გჷმორინაფაშ ხარჯიშა გოუჯგუშაფილი რშვილიშ ღერძიწკჷმა ართო[1][2]. სტანდარტიქ აკოხანდილქ იჸუ 3GPP (კონსორციუმი, ნამუთ აკმოხანდუნს სპეციფიკაციეფს მობილურ ტელეფონეფშო) დო გოთანჯილი რე დოკუმენტაცია Release 8 სერიას, ონდეთ გოუჯგუშაფილი, ნამუთ ეჭარილი რე დოკუმენტაციას Release 9.

LTE რე ორთაშობური გოახალაფა მუჭოთ GSM/UMTS რშვილიშ ოპერატორეფშო, თეშ CDMA2000 რშვილიშ ოპერატორეფშო. შხვადოშხვა ქიანას LTE-შო შხვადოშხვა სიშხირე დო დიაპაზონი გჷმირინუაფუ, ნამუთ ედომუშამ მოსოფელს ხვალე მიარედიაპაზონიანი ტელეფონეფით LTE რშვილეფშა მერსხუაფაშ საშვალებას ირძენს.

თიშ უმკუჯინალო, ნამჷ-და მარკირაფა 4G-ს მობილური ოპერატორეფი დო ტელეფონეფიშ მაწარმებელეფი გმირინუანან, LTE (მუჭოთ მეწურაფილი რე 3GPP კონსორციუმიშ დოკუმენტაციაშ Release 8 დო Release 9 სერიეფსინ) ვაუნარღელჸოფენს თი ტექნიკურ მოთხირეფს, ნამუთ 3GPP კონსორციუმქ მობილური რსხუშ ახალი ნოგორიშო მიღჷნ, თაშნეშე თი მოთხირეფს, ნამუთ დუდმაართაშე დჷნადგინა რდჷ ელექტრორსხუშ ოერეფოშქაშე რსხუშით (ეორ) (სპეციფიკაციას IMT Advanced). მარა, მარკეტინგული ჟიგენჭირაშ შედეგო, თაშნეშე შანულამი გოუჯგუშაფათ, ნამუთ WiMAX-ქ, HSPA+-ქ დო LTE-ქ 3G ტექნოლოგიაშ დუდმაართა ვერსიას მიშაღალა შილებუესჷნ , ეორ-ქ გჷნოჭყვიდ, ნამჷ-და LTE დო შხვა ჟილეეშინელი ტექნოლოგიეფს შეულებჷნა იმარკირან მუჭოთ 4G[3]. სტანდარტი LTE Advanced ფორმალურო აკმაყოფილენს ეორ-იშ დუდმაართა მოთხირეფს, ნამუთ გოთანჯილი რე IMT Advanced სპეციფიკაციას დო თიშ გიშაკერძებელო მიმალი 4G ტექნოლოგიაშე, ეორ-ქ გოთანჯუ LTE Advanced დო WiMAX-Advanced, მუჭოთ „ნანდული 4G“ („True 4G“)[4][5].

თაშნეშე ქოძირით[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]

  1. An Introduction to LTE. 3GPP LTE Encyclopedia. კითხირიშ თარიღი: December 3, 2010.
  2. Long Term Evolution (LTE): A Technical Overview. Motorola. კითხირიშ თარიღი: July 3, 2010.
  3. Newsroom • Press Release. Itu.int. კითხირიშ თარიღი: 2012-10-28.
  4. pressinfo (2009-10-21). Press Release: IMT-Advanced (4G) Mobile wireless broadband on the anvil. Itu.int. კითხირიშ თარიღი: 2012-10-28.
  5. Newsroom • Press Release. Itu.int. კითხირიშ თარიღი: 2012-10-28.