SARS-CoV-2 დელტა ვარიანტი
ლეგენდა:
██ 5,000+ დოდასურაფილი შვანი
██ 1,000–4,999 დოდასურაფილი შვანი
██ 100–999 დოდასურაფილი შვანი
██ 10–99 დოდასურაფილი შვანი
██ 2–9 დოდასურაფილი შვანი
██ 1 დოდასურაფილი შვანი
██ ვა რე ვარ-და ვა რე მუნაჩემეფი
კორონავირუსი SARS-CoV-2 დელტა ვარიანტი (შტამი B.1.617.2[1]) — SARS-CoV-2 ვირუსიშ ართ-ართი ვარიანტი, ნამუთ გჷმმიჭანუანს COVID-19-ს.
პირველაშე მეგორაფილქ დო ეჭარილქ იჸუ ინდოეთის[2].
ვირუსიშ თე ვარიანტიშ გინოდვალა შხვადოშხვა ხანერობაშ ბუნეფს შქას მეჸურს, თინეფს შქას 12 წანაშე 20 წანაშახ ინდივიდეფს[3]. ვირუსიშ დელტა ვარიანტიშ საინკუბაციე პერიოდი 3—7 დღას ვარინ, 1—3 დღას იგჷნძორებჷ[4]. თაშნეშე იძირებე ვირუსიშ მაღალი დოხარგუა (ვირუსიშ შხვა ვარიანტეფს შქას). გჷმმაჭანაფალიშ ორგანიზმიშე გიშაჸონაფაშ პერიოდი 13—15 დღას აკმადგინანს, თინწკჷმა, მუჟამსჷთ შხვა ვარიენტეფს 7—9 დღა რენ.
დელტა ვარიანტი გჷმიჭანუანს რთულ ფორმაშ გორგილაფაშ სიმპტომეფს, თინეფს შქას სისუსტეს, მაღალ სინჩხეს, შანგიტახას (დუდიშ ჭუას), ჸალიშ (კინჩხიშ) ჭუას, ხვალუას დო რინიტის[5]. ჰოსპიტალიზაციაშ რისკი ალფა ვარიანტწკჷმა ელაზჷმაფათ 1,85-შახ უმოსი რე.
ვირუსიშ მუტაციეფი[რედაქტირაფა | წყუშ რედაქტირაფა]
ვირუსიშ დელტა ვარიანტის გჷმურჩქინდჷ მუტაციაქ P681R. შედეგო დითირჷ S-ცილაშ მორჩილ ფრაგმენტიქ, დო ვირუსიქ უმოს გინმადვალუო გჷნრითჷ.
„დელტა„ ვარიანტის გჷმურჩქინდჷ გიმენღოზიქ „დელტა პლიუსი“ (B.1.617.2.1 ვარ-და AY.1). „დელტა პლიუსის“ უღუ მუტაცია K417N სპაიკურ ცილას (ანუ ვირუსიშ პეპლომერს), ნამუშ შედეგო ვირუსი ბიწორას არსხუაფუ ადამიერიშ ფიჟვეფიშ თოლეფს. რე მოარზაფა, ნამჷ-და K417N თაშნეშე ვირუსის ოხვარჷ მანეიტრალაფარი ანტირსხულეფშე დუდიშ აღებას. მოგვენი მუტაციეფი უღჷნა „ბეტა“ დო „გამა“ ვარიანტეფს.[6]
გოფაჩუა[რედაქტირაფა | წყუშ რედაქტირაფა]
2021 წანაშ კვირკვეშ დაჭყაფუშე, ჭყანთხილუაშ მოსოფელიშ ორგანიზაციაქ ვირუსიშ დელტა ვარიანტი 98 ქიანას დაფიქსირჷ, მუჭოთ მახორობაშ ვაქცინაციაშ მაღალინ, თეშ დაბალი ტემპით მიმალ ქიანეფს, ანდა ქიანას თინა დომინანტი ვირუსიშ ვარიანტო გჷნმირთჷ[7].
საქორთუოს[რედაქტირაფა | წყუშ რედაქტირაფა]
მუჭოთ იმუნიზაციაშ ტექნიკურ სხუნუშ ერუანული ბუნაშ მადუდექ, პროფესორ ივანე ჩხაიძექ გაცხადჷნ, მარაშინათუთას ალბეთ კორონავირუსიშ „დელტა ვარიანტიშ“ დომინანტალა მაღვენჷნა [8].
რესურსეფი ინტერნეტის[რედაქტირაფა | წყუშ რედაქტირაფა]
სქოლიო[რედაქტირაფა | წყუშ რედაქტირაფა]
- ↑ ჭყანმოქ კორონავირუსიშ შტატმეფშა ბერძენული ანბანიშ ჯოხეფით გედვალა გჷნოჭყვიდჷ. ციტატა: „კორონავირუსი COVID-19 ვარიენტეფს ბერძენული ანბანიშ ასოეფიშ ჯოხოეფს გიოდვანა, თიშ გეშა, ნამჷ-და თი ქიანეფიშ დისკრიმინაციაქ ვეგშართას, სოდე თე შტამეფს პირველაშე მიოგორესჷნ, დო ომენცარე რაგადუას გჷმორაგადაფალო უჯგუშიქ იჸუასჷნ, გჷმაცხადჷ ჭყანთხილუაშ მოსოფელიშ ორგანიზაციაქ (ჭმო). ახალი სისტემაშ მეჯინათ, „ბრიტანული“ კორონავირუსიშ ვარიანტის B.1.1.7 ჯოხოთ გიადვალჷ „ალფა“, ვარიანტის B.1.351, ნამუსჷთ პირველაშე ობჟათე აფრიკაშ რესპუბლიკას მიოგორესჷნ, ჯოხოთ გიადვალჷ „ბეტა“, ბრაზილიურს P.1 — „გამა“. „ინდური“ ჟირი კორონავირუსიშ ვარიანტის — B.1.617.2 დო B.1.617.1 — ჯოხო გიადვალჷნა „დელტა“ დო „კაპა“ ომანგეთ.“
- ↑ Александр Ершов (19.06.2021). Рассказываем все, что известно ученым о варианте дельта, из-за которого Россия переживает небывалую вспышку ковида. Meduza.
- ↑ Названы группы населения, которые в первую очередь поражает дельта-штамм коронавируса.
- ↑ Эпидемиолог из КНР назвал три главных особенности штамма «Дельта» COVID-19.
- ↑ Германия: Симптомы индийского штамма коронавируса отличаются от типичных.
- ↑ "Дельта плюс" вызывает все больше опасений. Что мы знаем об этом штамме коронавируса?.
- ↑ ВОЗ зафиксировала штамм COVID «дельта» в 98 странах // Интерфакс, 02.07.2021.
- ↑ https://1tv.ge/news/ivane-chkhaidze-varaudobs-rom-agvistoshi-saqartveloshi-e-w-delta-variantis-shemtkhvevebi-moimatebs/ ივანე ჩხაიძე ვარაუდობს, რომ აგვისტოში საქართველოში ე.წ. დელტა ვარიანტის შემთხვევები მოიმატებს