The New England Journal of Medicine
The New England Journal of Medicine (NEJM) რე მედიცინაშ ჟურნალი, ნამუსჷთ ირ მარას გიშმაშქვანს მასაჩუსეტსიშ მედიცინაშ ჯარალუა. NEJM რე არძოშე უმოსო პრესტიჟული ომედიცინე ჟურნალი მოსოფელს. ჟურნალქ დირსხუ 1811 წანას ბოსტონარი ექიმიშ დო ქირურგიშ ჯონ კოლინზ უორენიშ ინიციატივათ. ჟურნალიშ ჯოხოდვალა რდჷ "The New England Journal of Medicine and Surgery and Collateral Branches of Science". ჟურნალიშ მაართა ნომერქ გიშართჷ 1812 წანაშ ღურთუთას. ჟურნალი გიშმეშჷ სუმ თუთაშე ართიშა. 1828 წანას ჟურნალიშ რედაქტორეფქ ქიჸიდეს 600 $-შა შხვა ჟურნალი "The Boston Medical Intelligencer". ჟირხოლო ჟურნალიშ გოართოიანაფათ დირსხუ ჟურნალქ ნამუშ ჯოხოდვალა რდჷ "The Boston Medical and Surgical Journal", ნამუქჷთ დიჭყჷ გიშულა ირ მარას. 1921 წანას მასაჩუსეტსიშ მედიცინაშ ჯარალუაქ ქიჸიდჷ ჟურნალი 1 $-შა დო 1928 წანას ჟურნალს ქიგიოდჷ ასეიან ჯოხოდვალა The New England Journal of Medicine. ჟურნალიშ პოლიტიკათ, სტატია ნამუთ ჟურნალს იბეჭდუ ვარდას ოკო შხვადო გჷმობჟინაფილი. 2019 წანაშე ჟურნალიშ რედაქტორი რე მიკრობიოლოგი, მედიცინაშ დოქტორი ერიკ რუბინი.