Touch and Go (ბუნა)

ვიკიპედია ხასჷლაშე
გეგნორთი: ნავიგაცია, გორუა
ვანესა ლანკასტერი

Touch and Go (მარგალურო: "ქიმეთხი დო მეუ") რე ბრიტანეთიშ ჯაზ-პოპური მუსიკალური ბუნა. თე ბუნაშ უპოპულარაში სინგლეფი რე: "Would You...?", "Straight... to Number One" დო "Tango in Harlem".

კარიერა[რედაქტირაფა]

1998 წანაშ გჷმათუთას ბირაქ "Would You...?" ბრიტანეთიშ სინგლეფიშ ერკებულს მასუმა ადგილი დეკინუ. ათე ბირას ირჩქილე ოსურიშ გიშაკერძაფილო ეროტიულ ხონარი, ნამუთ იჩიებუ: "მა ქეშგატვყი სი ჩქიმ გოხოლუასჷ, მანგარ მომხიბვლელი რექ, მალურქო ჩქიმწკჷმა ართო დანჯირშა? (ინგლისურო: "I've noticed you around / I find you very attractive / Would you go to bed with me?").[1]

ჯეიმს ლინჩი

თე ბირაქ ევროპას გინირთჷ ჰიტო, გჷშაკერძაფილო ბჟაეიოლ ევროპას, სოდგა ბუნას მონწყილი აფუდჷ ბრელი ტური. სინგლი "Would You...?" რდჷ ეშაგორილი ამერიკაშ ოტელევიზიე შოუშ, G String Divas-შ დო ბრიტანული სერიალიშ As If-იშ საუნდტრეკო. ათე ტრეკიქ თაშნეშე იჸუ გიშაგორილქ San Pellegrino-შ, Carlsberg-იშ, დო Nokia-შ რეკლამეფშო.[2] შინაფილი ბირაშ ლერსი, დახე იდენტური ტექსტით, გჷმორინაფილი რდჷ ფსიქოლოგიურ გურაფას (რკვიას) 1978 წანას. [3]

"Straight... to Number One" ხოლო რდჷ გიშაგორილი ნამთინე რეკლამაშო, ეფლიშ კომპიუტერიშ iTunes-იშ რეკლამაშ მეკოროცხილო.

Touch and Go პოპულარული რდჷ ბჟაეიოლ ევროპას, გიშაკერძაფილო რუსეთის, სოდგა დახე 50 კონცერტი უღუდუ წანმორწანაშ განმავლობას.[4] 2003 წანაშე, თე ბუნაქ იშარჷ რუსეთიშ დო ჸოფირი სხუნუეფიშ სოციალისტური რესპუბლიკეფიშ თარი ნოღეფშა, დოჭყაფილი მოსკოვით, თებული ვლადივასტოკით. ბუნა წჷმორინაფილი რე შინელ რეგიონს ექსკლუზიურო IKON-იშით.

ბუნაშ პროდიუსერი, დევიდ ლო (ინგ. David Lowe), რე ბი-ბი-სიშ ახალი ამბეფიშ (ინგ. BBC News) მუსიკეფიშ ავტორი 1998 წანაშე.

ბუნა[რედაქტირაფა]

მაკათურეფი[რედაქტირაფა]

  • ვანესა ლანკასტერი (ინგ. Vanessa Lancaster)
  • ჯეიმს ლინჩი (ინგ. James Lynch)

პროდიუსერეფი[რედაქტირაფა]

  • დავიდ ლო (ინგ. David Lowe)
  • ჩარლი ჯილეტი (ინგ. Charlie Gillett)
  • გორდონ ნელკი (ინგ. Gordon Nelki)

დისკოგრაფია[რედაქტირაფა]

ალბომეფი[რედაქტირაფა]

  • I Find You Very Attractive (1999)
  • Welcome Back (2011) (Waiting for release)

სინგლეფი[რედაქტირაფა]

  • "Would You...?" (1998)[1]
  • "Straight... to Number One" (1999)
  • "So Hot" (2000)
  • "Tango in Harlem" (2001)
  • "I Don´t Wanna Go Home" (2011)

სქოლიო[რედაქტირაფა]

  1. 1.0 1.1 Roberts, David (2006). British Hit Singles & Albums, 19th, London: Guinness World Records Limited, გვ. 5663. ISBN 1-904994-10-5. 
  2. Touch-and-go.net
  3. Elainehatfield.com
  4. Touch-and-go.com

რესურსეფი ინტერნეტის[რედაქტირაფა]