ქოძირით წყუ ხასჷლაშო ბაჰრეინი

{{ქიანა|
|ოდაბადური_ჯოხო = مملكة البحرين
|ედომუშამი_ჯოხო = ბაჰრეინიშ ომაფე
|ოართე_ჯოხო =ბაჰრეინი
|შილა = Flag of Bahrain.svg
|გერბი =Coat_of_arms_of_Bahrain.svg
|რუკა = LocationBahrain.png
|ჰიმნი = <big> بحريننا </big>&nbsp;(''[[ბაჰრაინონა]]'')<br /><small>"ჩქინი ბაჰრეინი"</small><br/>{{small|}}<br/><center>[[File:Bahraini Anthem.ogg]]</center>
|დევიზი =
|ოფიციალური_ნინეფი = [[არაბული ნინა|არაბული]]
|ნანანოღა= [[მანამა]]
|latd=26 |latm=13 |latNS=N |longd=50 |longm=35 |longEW=E
|უდიდაში_ნოღა = [[მანამა]]
|თარობაშ_ტიპი = [[კონსტიტუციური მონარქია]]
|ლიდერიშ_ტიპი_1 = [[ბაჰრეინიშ მაფა|მაფა]]
|ლიდერიშ_ჯოხო_1 =[[ჰამად იბნ ისა ალ-ჰალიფა]]
|ლიდერიშ_ტიპი_2 = 
|ლიდერიშ_ჯოხო_2 =
|ლიდერიშ_ტიპი_3 = 
|ლიდერიშ_ჯოხო_3 =
|რანგი_ფართობით = 189-ა
|ფართობი =741
|წყარი_% =
|ოეგებიე_მახორობა =708,573 <sup>1</sup>
|ოეგებიე_მახორობა_რანგი = 164-ა
|მახორობა_ოეგებიეთ_წანას = 2007
|მახორობაშ_ცენზი = 
|მახორობაშ_ცენზი_წანას = 
|მახორობაშ_მეჭედალა = 987 ად.
|მახორობაშ_მეჭედალა_რანგი = მა-10
|ედპ_ppp_წანა = 
|ედპ_ppp = $17,68 მილიარდი
|ედპ_ppp_რანგი = 118-ა
|ედპ_ppp_ართ_მახორუშე =$23,604 
|მშპ_ppp_ართ_მახორუშე_რანგი = 32-ა
|აგი =0.866 
|აგი_ტენდენცია =({{ძინა}}
|აგი_კატეგორია = <font color="#009900">მაღალი</font>
|აგი_რანგი =41-ა
|აგი_წანა = 2007
|ვალუტა= [[ბაჰრეინიშ დინარი]]
|ვალუტაშ_კოდი =BHD
|ქიანაშ_კოდი =BHR
|ბორჯიშ_ორტყაფუ = (UTC+3)
|cctld = [[.bh]]
|ოტელეფონე_კოდი =973
|სქოლიო= <sup>1</sup>იკათუანს 235,108 ვამენოღალეს (კვირკვე 2005 მუნაჩემეფით).
}}
'''ბაჰრეინი''' (ედომუშამი ჯოხოდვალა — '''ბაჰრეინიშ ომაფე''') — [[სახენწჷფო]] [[ობჟათე-ბჟადალი აზია|ობჟათე-ბჟადალ აზიას]], მილარე [[სპარსეთიშ ჸუჯი|სპარსეთიშ ჸუჯის]], კინე მუშ ჯოხოდვალაშ არქიპელაგის. არძაშე უჭიჭაში არაბული სახენწჷფო. ბაჰრეინი იდვალუაფუ სუმ დიდ დო ბრელ ჭიე-ჭიე კოკის, ნამუთ [[საუდიშ არაბეთი|საუდიშ არაბეთიშ]] წყარპიჯიშ ღოზის 16 კილომეტრითიე მოჩილათირი დო თე ქიანას მითმიარსხუ ოავტომობილე ხინჯით.

== ისტორია ==
ჩქინ ფარანშახ III ვითოშწანურას, ბაჰრეინიშ ტერიტორიას გოფაჩილი რდჷ გოვითარაფილ ცივილიზაცია, ნამუშოთ დჷმახასიათაფალი რდჷ ინწრო მახორობა. უჯვეშაში სახენწჷფო, ნამუსჷთ ჯოხოდჷ '''დილმუნი''', წჷმარინუანდჷ ოზუღე ვაჭარუაშ უშხუაშ ცენტრის, თაჸურეშე ართიანს მითმიარსხუაფუდეს [[შუმერეფი|შუმერეფი]] დო შქაწყარმალონაშ შხვა კათეფი [[ინდი]]შ ვეშ კათეფწჷკმა.
[[ფაილი:Bellin - Karte von der Küste von Arabien c.1745 (crop).png|thumb|A 1745 [[Jacques-Nicolas Bellin|Bellin]] ბაჰრეინიშ ისტორიული რეგიონიშ რუქა]]
* IV—VI ოშწანურა — მიშმურს [[სასანიანეფი]]შ სახენწჷფოშა, უკული - არაბეფიშ ოხალიფეშა. 
* IX—XI ოშწანურა — კარმატეფიშ სახენწჷფოშ ცენტრი. 
* XIII ოშწანურაშ ოშქაშე — ეთმოჭფუნს ზოხორინალას, მარა მალას ორმუზეფიშ ემირატეფიშ ნორთიშა მიშმურს.
* 1521 წანა—1602 წანა — პორტუგალიაშ დუდალაშ თუდო.
* XVII—XVIII ოშწანურეფი — სეფემიდურ [[ირანი|ირანიშ]] აკოდგინალუაშა მიშმურს.
* 1780-იანეფი — კინე გჷმოცხადაფილიე ზოხორინალა.
* XIX ოშწანურა — ბაჰრეინშა ინგლისარეფი მიშმულა.
* 1871 წანა — დიდი ბრიტანეთი ბაჰრეინს პროტექტორატის ორსხუანს, მარა ფაქტიურო კოლონიათიე გინორთელი. 
* მაართა მოსოფელიშ ლჷმა — აკოქიმინელი რე ბრიტანეთიშ შხუ ოურდუმე ბაზა. ბაჰრეინი, ირანიშ თარობას მიოჩქჷ, უკანონეთ ეჭოფილი ირანიშ ტერიტორიათ. 
* მაჟირა მოსოფელიშ ლჷმა — ბრიტანეთიშ თარობა ბაჰრეინშა გინმიჸონანს შხუ მალჷმორ კონტიგენტეფს. 1946 წანაშე მანამა - ბრიტანეთიშ ადმინისტრაციაშ უნჩაშიშ რეზიდენცია სპარსეთიშ ჸუჯიშ რაიონს.
* 1968 — [[ყატარი|ყატარწჷკმა]] ართო დო [[ომანი|ომანწჷკმა]] აპიჯაფათ, აცხადენს სპარსეთიშ ჸუჯიშ არაბული ოხანეშ ფედერაციაშ აკოქიმინუას.
* 14 მარაშინათუთა 1971 წანა — ეჭოფილი რე ზოხორინალა.
* 1975 წანა — ქიანაშ პარლამენტიშ აკოფაჩუა.
* 14 ფურთუთა 2011 წანა — ქიანას ქიდიჭყჷ მასიური ოკათე არყებეფქ, ნამუთ გიმიჭანუ [[ტუნისი|ტუნისიშ]] დო [[ეგვიპტე|ეგვიპტეშ]] რევოლუციეფქ. ახალ მასიურ ოპროტესტე აქციეფქ 2012 წანაშ დალიას დიჭყჷ.
[[ფაილი:AradFort.jpg|thumb|არადიშ ჯიხა, ნ. არადი, ბაჰრეინი]]
[[ფაილი:Protesters gathering in Pearl roundabout.jpg|thumb|ოპროტესტე აქცია ბაჰრეინს, 15 ფურთუთა 2011.]]
ქიანას დიპლომატიური რსხუ უღუ [[საქორთუო |საქორთუოწჷკმა]].

== მახორობა ==
2007 წანაშ მუნაჩემეფით, ქიანაშ მახორობა 708 573 ვითოში კოჩი რდჷ, თაურეშე დოხოლაფირო გვერდი - მუშა-იმიგრანტეფი დო თინეფიშ ფანიაშ მაკათურეფიე, ნამუთ უმენტაშო ირანშე რენა მუნაულა. ქიანას, ევროპაშ დო ობჟათე აზიაშ ქიანეფიშ ბრელი მენოღალე ოხორანს. ოფიციალური ნინა - არაბული, თეწჷკმა ართო გიმირინუაფუ [[ინგლისური ნინა|ინგლისური]], [[ფარსი (ნინა)|ფარსი]] დო [[ურდუ (ნინა)|ურდუ]].

დოხოლაფირო მახორობაშ 30%, 15 წანაშახ ხანიშ ბუნას აკმადგინაანს, 68% —  15-შე  65-შახ (თაჸურეშე 44% — [[ვარეზიდენტი | ვარეზიდენტეფი]] რენა), 3,2% — 65 წანაშ ეკი. 2003 წანას დაბადება ლოგინელი რდჷ 19,02 1000 მახორუშო, ღურა — 3,99  1000 მახორუშო, იმიგრაცია — 1,07 1000 მახორუშო, მახორობაშ წარმოწანური ნაძინა ეკმადგინანს 1,61%. მახორობაშ თელარაშ ოშქაშე მუდანობა — 73,7 წანა, ქომოლკათა — 71,3 წანა დო ოსურკათა — 76,2 წანა. მახორობაშ ოშქაშე ხანი — 28,7 წანა (ქომოლკათეფი — 31,6, ოსურკათეფი— 25,1). ქიანაშ მახორობაშ მეჭედალა აკმადგინანს 1142,9 კოჩი/კმ²-ს. ქიანაშ ნანანოღა, ონიშოლე ნოღა [[მანამა|მანამა]] (137 ვითოში მახორუ), იდვალუაფუ კოკი ბაჰრეინიშ ოორუე-ბჟაეიოლს, - შხუ ოვაჭარე ცენტრი (სუმშე, ართ-ართი დუდიშულური ოვაჭარე ზონა სპარსეთიშ ჸუჯიშ რაიონს).

=== რელიგია === 
ქიანაშ მახორობაშ დოხოლაფირო 80% სახენწჷფო რელიგიას — [[ისლამი|ისლამს]] გეჸუნს, თაჸურეშე 75% შიიტეფი დო 25% სუნიტეფი რენა (თენეფს ორხველჷ ქიანაშ მანჯღვერე ფანიაშ მაკათურეფი). მახორობაშ 10% ქირსიანეფი რენა, დოსქილადირი 10% — იუდეველეფი, ბაჰაისტეფი, ინდუსეფი, ბუდისტეფი დო ზოროასტრალეფი რენა.

== სახენწჷფო მონწყუალა ==
[[ფაილი:Hamad-Bin-Isa-Al-Khalifa.jpg|thumb|right|შეიხ ჰამად ბინ ისა ალ ხალიფა, ბაჰრეინიშ მაფა]]

ბაჰრეინი — კონსტიტუციური ომონძე მონარქია რე. სახენწჷფოშ მადუდე რე [[ბაჰრეინიშ მაფა|მაფა]] (2002 წანაშახ - ემირი). თარობაშ მანჯღვერი რე პრემიერ-მინისტრი. ოთარობე ომინისტრე კაბინეტი აკმოდირთუ 23 მინისტრიშე.

ქიანაშ პარლამენტი ჟირპალატიანი რე. გიმენ პალატა - მაკათურეფიშ პალატა ეშმიგორუაფუ ოირკოჩე ხონარიშ მეჩამათ, ჟიდონ პალატა - ოკონსტიტუციე რსხუს (მეჯლისი აშ-შურა) მაფა დჷთმარინუანს. ჟირხოლო პალატას 40 კოჩი რე. პოლიტიკური პარტიეფი ვაშინერს.

== ეკონომიკა ==
1932 წანას ნვთობიშ ობადიშ მეგორაფაშახ, ბაჰრეინიშ ეკონომიკაშ თარი ნორთი რდჷ მირგატიშ ჭოფუა (ნამუთ, ასე ხოლო, ართ-ართ თარ დარგო სკიდუ). ნავთობიშ ეშაღალა დო გინომუშება, წოხოლე ქიანაშ [[ედპ]]-შ 60% იკენდჷ, ასე - 30%-ს. ბაჰრეინიშ ,,უჩა ორქოშ" აბანდვალეფი რკებულენს. თეწკჷმა ართო, ქიანას ეშმიღალუაფუ დო გინმიმუშებუაფუ  ორთაშობური გაზი, ნამუშ ნოზირეფი ირკენს. გოვითარაფილიე ოფშორული ობანკე ბიზნესი.

ქიანაშ ნანანოღას, მანამას მილარე ბრელი არაბული ტრანსნაციონალური კორპორაციეფიშ შტაბ-ორენჯი. ბაჰრეინს მეურს სუპერტანკერეფიშ რემონტეფი, თაქ რე ალუმინიშ ქარხანა (მადენი მითმიჭირინუაფუ [[ავსტრალია|ავსტრალიაშე]]).

მახორუეფს ოაზისეფს მოჸუნს ფინიკიშ პალმეფი (დამუშებული დიხაშ 2/3-ს იკენს), ციტრუსეფი, ხილი, პამინდორი, ლაიტი, ორტვინობა, თხირი. მახორუეფი, თეწჷკმა ართო, დაკებული რენა ჩხომიშ დო კრევეტეფიშ ჭოფუათ. ქიანას გოვითარაფილი რე ოერეფოშქაშე ტურიზმი.

ოექსპორტეთ ქიანაშე გინმუღუნა: ნავთობი დო ნავთობპროდუქტეფი, ალუმინი დო მირგატი.

ქიანაშ ხემანწყუე: ნავთობიშ დო გაზიშ ობადეფი. გოვითარაფილიე ოფშორული ობანკე სექტორი, დინოხოლენი ინვესტიციეფი, ტურიზმი, ალუმინიშ წარმება.

ქიანაშ დაღარი კუნთხუეფი: ნავთობიშ რეზერვეფიშ რკება, ეკონომიკაშ შხვა ნორთეფშა ორიენტირაფაშ ვაბაღება. უმუშელობაშ მაღალი დონე (15%) დო სახენწჷფოშ გალენი ვალი.

ქიანაშ ვალუტა — ბაჰრეინული დინარი, ომანგჷ 1000 ფილსამს.

== გეოგრაფია ==
[[ფაილი:Bahrain map - 2.png|thumb|ბაჰრეინიშ რუქა 2014]]
[[ფაილი:Bahrain14.JPG|left|thumb|პლიაჟი მუჰარაქის, ბაჰრეინი]]
ბაჰრეინი მილარე 33 კოკის.
ქიანას უკინებუ ბაჰრეინიშ არქიპელაგი, ნამუთ აკმოდირთუ 33 ცაწკვერტა კოკიშე. არძაშე უდიდაში კოკი რე ბაჰრეინი, ნამუთ ოორუეშე ობჟათეშახ გინოზინდილიე 50 კილომეტრის, ბჟადალშე ბჟაეიოლშახ - 15 კილომეტრის. კოკიშ ცენტრის მილარე პლატო, ნამუშ სიმაღალა 30-35 მეტრიე, არძაშე უმაღალაშ კონკა რე - გვალა [[ედ-დუჰანიშ გვალა | ედ-დუჰანი]].

=== კლიმატი ===
ქიანას კლიმატი სქირე რე, ტროპიკული. დიდ კოკეფს დო წყარპიჯიშ ზონეფს ზუღაშ ქვინჯიშე ეშმასოფუნს ოშუმალი წყარიშ წყურგილეეფი. ბაჰრეინიშ ტერიტორია უმენტაშო ტიოზეფს უკინებუ. ზუღაშ წყარს მიარე [[მარჯანი|მარჯანეფიე]]. ბაჰრეინი მილარე ტროპიკულ არიდულ კლიმატურ ზონას. ზოთონჯი ტიბუე (ღურთუთაშ ოშქაშე ტემპერატურა - +17° С), ზარხული ძალამი ჩხე რე (კვირკვეშ ოშქაშე ტემპერატურა - +40°С). წანამოწანას ოშქაშეთ 90 მმ ნოლექი გუნმურს.

=== ფლორა დო ფაუნა ===
[[ფაილი:Birds in Al-Areen Wildlife Park.jpg|thumb|''Phoenicopterus roseus'' (დიდი ფლამინგოეფი) ბაჰრეინს.]]
ბაჰრეინიშ არქიპელაგიშ ფლორა (წვანე ოფორე) ალაზიმაფათ შხავდოშხვანერიე. ტიოზეფს ჩანს თიჯგუა გოლოფაგუმარძინე ჩანარეფი მუნერით რე - საკსაული, აქლემიშ ძიგირი, ტამარისკი, ასტრაგალი დო შხვა. გრუნტიშ წყარეფიშ დიხაპიჯიშ ეშალუეფს იდვალუაფუ ოაზისეფი ფინიკიშ პალმეფით დო შხვა კულტურული ჩანარეფით. დაღარი ფაუნას მილარე - მაფურინჯეფი, მაღირღონალეფი დო ხოხუეფი. ქიანაშ წყარპიჯეფს დოხოლაფირო 400 გვარობაშ ჩხომი დინოხე, თენეფ შქას ორეწუე ჩხომეფი ხოლო. გოფაჩილიე ზუღაშ კორკილეფი. მარჯანიშ რაქეფი ეფშა რე ზუღაშ [[ღაჭაჭია|ღაჭაჭიეფით]], [[ომარი (ჩხომი)|ომარეფით]], მოლუსკეფი, თენეფ შკას მირგატიშ მოლუსკეფი. შხვადოშხვა მარჯანიშ მიარე გვარობა (2000 გვარობაშე მეტი).

== ადმინისტრაციული გორთუალა ==
[[ფაილი:Governorates of Bahrain.svg|thumb|left|256px]]
ბაჰრეინი ირთუ 5 [[მუხაფაზა|მუხაფაზათ]]:
* ნანანოღაშ მუხაფაზა
* ცენტრალური მუხაფაზა
* მუხაფაზა მუჰარრაკი
* ოორუე მუხაფაზა
* ობჟათე მუხაფაზა
2002 წანაშ 3 კვირკვეშახ, ბაჰრეინი ირთუდჷ 12 [[მუნიციპალიტეტი | მუნიციპალიტეტო]]:
[[ფაილი:Bahrain municipalities numbered.png|thumb|right|200px]] 
* ალ-მანამა (Al Manamah)
* ალ-მინტაკა ალ-ბუსტა (Al Minţaqah al Wusţá)
* ალ-მინტაკა ალ-ღარბია (Al Minţaqah al Gharbīyah)
* ალ-მინტაკა ალ-შამალიაА (Al Minţaqah ash Shamālīyah)
*ალ-ხადი
* არ-რიფა ვა ალ-მინტაკა ალ-ჯანუბია
* ჯიდი ჰაფსი
* ჯუზურ ჰავარი
* ისა, მუჰარაკი
* სიტრა
*ჰამადი

== კულტურა ==
ბაჰრეინიშ მახორობაშ კულტურა ინწრასიე მიკორსხილი ისლამურ ტრადიციეფს. ამდღანერდღარი ლიტერატურა, ბაჰრეინიშ ჯარალუაშ სოციალურ დო პოლიტიკურ სინანდულეს ოძირანს. ბაჰრეინიშ ოგიმოგონებუე ხელუანობა გიშეგორუაფუ მუშ ,,ზოხორინელი ბაჰრეინული სტილით" ფერჭარუას დო ქარგუას. ბაჰრეინიშ თარ ოქინაფუეფშა მიშმურს ისლამური არქიტექტურაშ შედევრეფი - ობიშხაშ დიდი მეჩეთი მანამას, ყურანიშ ჸუდე, ნაციონალური მუზეუმი.

=== დღახუეფი ===
2006 წანაშ [[1 ეკენია]]შე, ბაჰრეინქ დოთირუ ოფიციალური მოსვანჯაშ დღალეფი ცააშხა დო ობიშხაშე, ობიშხა დო შურიშახაშა, მუშ ღანკით რდჷ შხვა ქიანეფწჷკმა მარაშ ციკლიშა დოხოლაფა. ბაჰრეინიშ ვარელიგიური დღალეფი:

*1 ღურთუთა — ახალი წანა
*1 მესეფი — ხანდაში დღა
*16 ქირსეთუთა — ერუანული დღა
*17 ქირსეთუთა — მაფათ კურთხუაშ დღა

== სპორტი ==
2004 წანაშე ქიანას იმანჯებუაფუ ბაჰრეინიშ ფორმულა-1-იშ გრან-პრი, ნამუშ შარათ დოგაფილიე სახენწჷფო ავტოდრომიშ ცენტრალურ ნორთის - ტიოზი საჰირიშ ოშქაშეთ.

2008 წანაშ გერგობათუთას ბაჰრეინს იმანჯჷ სნუკერიშ ტურნირქ, ნამუქუთ სეზონიშ ტურნირეფიშ ორეიტინგე რიცხუშა მიშართუ.

== აკოანჯარაფილი ნძალეფი ==
[[File:RBNS Sabha (FFG 90) Bahrain.jpg|thumb|right|ნოში RBNS Sabha FFG-90 ბაჰრეინიშ ომაფეშ ოზუღე ნძალეფი]]
ბაჰრეინს ვართფერი დიდი, მარა ჯგირო აკოანჯარაფილი ბაჰრეინიშ დუდთხილუაშ ნძალეფი ჸუნს. თარო აკოანჯარაფილი რენა [[ააშ|აშშ-ს]] წარმებული აკონჯარუათ (ფურინჯეფი F-16, F-5, ვერტმაფურინჯეფი UH-60, ტანკეფი M60, დო ფრეგატი ოლივერ ჰაზარდ პერი RBNS Sabha-შ კლასიშ). ბაჰრეინიშ თარობაქ აპიჯაფა დოდუ ააშ-იშ აკოანჯარაფილ ნძალეფწჷკუმა ართო ხანდუაშე დო 1990-იანი წანეფიშ დაჭყაფუშე აკოართაფილ შტატეფს ბაზას არძენს ჯუფეირს. თე ბაზას იდვალუაფუ ააშ-შ აკონჯარაფილი-ოზუღე ნძალეფიშ ცენტრალური ოდუდალე (მახუთა ფლოტიშ ოდუდალე).

== გონათაფა ==
XX ოშწანურაშ დაჭყაფუს ისლამური სკოლეფი (ქუთაბეფი) რდჷ გონათუაშ ხვალე ართი ფორმა ბაჰრეინს. თენეფი რდჷ ტრადიციული სკოლეფი, სოდეთ ბაღანეფს დო ახალმარდუეფს ყურანიშ კითხირს ოგურუანდეს. მაართა მოსოფელიშ ლჷმაშ უკული ბაჰრეინს ბჟადალიშ გოლინათ დარსხუ ამდღარდღარი ოგონათაფე გოჭყაფილობეფქ.

== მასობური ინფორმაციაშ მეშქაშალობეფი ==
ქიანას მასიური ტირაჟეფით არაბულ დო ინგლისურ ნინეფშა გიშმურს ვითურშე უმოს პერიოდული გიშაშქუმალუეფი. დახე არძა პოლიგრაფიული გოჭყაფილობეფი იდვალუაფუ ქიანაშ ნანანოღას, მანამას. არძაშე უმოს რჩქინელი ირდღალური გაზეთეფიე: ,,ალ-აიამი" (,,დღალეფი", 37 ვითოში ეგზემპლარი), ,,ახბარ ალ-ხალიჯი" (,,ჸუჯიშ ციორი", 25 ვითოში ეგზ.), ,,გალფ დეილი ნიუს" (20 ვითოში ეგზ.). მანამას მილარე სპარსეთიშ ჸუჯიშ ქიანეფიშ ოინფორმაციე ოაგენტეეშ შტაბ-ორენჯი (ბაჰრეინი, [[ერაყი |ერაყი]], [[ყატარი |ყატარი]], [[ქუვეითი | ქუვეითი]], [[არაბეფიშ გოართოიანაფილი საემიროეფი|არაბეფიშ გოართოიანაფილი საემიროეფი]], [[საუდიშ არაბეთი|საუდიშ არაბეთი]]), ნამუქჷთ დირსხუ 1978 წანას. ქიანას უჭყაფულენს რადიო მონტე-კარლო დუალია (არაბული ომოინალე).

== ბაჰრეინი ოლიმპიურ ლაჸაფეფს ==
1984 წანაშე, ბაჰრეინი ოკათჷდჷ 7 ზარხულიშ ოლიმპიურ ლაჸაფეფს, მარა ართშა ხოლო ვაუკათინჷ ზოთონჯიშ ოლიმპიურ ლაჸაფეფშა. ბაჰრეინშე ხვალე ართი ოლიმპიური პრიზიორი რე '''მარიამ იუსუფ ჯამალი''' -  2012 წანას, [[ლონდონი|ლონდონს]], მიგჷ ბრონზეშ მედალი ქექე ათლეტიკას.

== ტურიზმი ==
[[ფაილი:Muharraq and Manama.jpg|thumb|350px|left|ნოღეფი [[მუჰარაქი]] (წოხოლენი აბანი) დო [[მანამა]] (უკახალენი აბანი).]]
ბაჰრეინს წარმოწანას ოსურუ 8 მილიონშე უმოს ტურისტი. ტურისტეფიშ უმენტაშობა - მეძობელ არაბული ქიანეფიშ მახორუეფი რენა. ბოლო პერიოდის შხვა რეგიონეფშე ტურისტეფიშ მუდანობა ირდუ. ტურისტეფი თე ქიანაშა მოულა ბაჰრეინიშ ისტორიული მონძალაშ ოძირაფუშა, ლიბერალური სახენწჷფოშ დო ქიანაშ ჯგირი რეპუტაციაშ გეშა.

ბაჰრეინიშ ომაფე აკმაშქვანს არაბულ კულტურას, სპარსეთიშ ჸუჯიშ ბარჩხალს დო ხუთი ვითოში წანაშ ცივილიზაციაშ არქეოლოგიურ მონძალას. ბაჰრეინს იდვალუაფუ მუსხირენ რანწკი ჯიხაზურგეფი, კერზოთ, [[კალატ-ალ=ბაჰრეინი|კალატ-ალ=ბაჰრეინი]], ნამუთ იუნესკოშ მოსოფელიშ მონძალაშ ერკებულშა მიშმურს. ბაჰრეინიშ ნაციონალური მუზეუმი თხილანს თე ქიანას ადამიერიშ მუკორჩქინაშე 9 ვითოში წანაშ წოხოლე შაყარელი მატერიალურ კულტურაშ მეკონეფს.

== რესურსეფი ინტერნეტის ==
* {{Official website|www.e.gov.bh|ბაჰრეინიშ თარობაშ ოფიციალური პორტალი}}
* [http://www.bbc.co.uk/news/world-middle-east-14540571 Bahrain profile] from the [[BBC News]]
* [http://www.ifs.du.edu/ifs/frm_CountryProfile.aspx?Country=BH Key Development Forecasts for Bahrain] from [[International Futures]]
* [http://mfa.gov.ge/index.php?lang_id=GEO&sec_id=640 საქორთუოშ გალენ საქვარეფიშ ომინისტრე]
[[კატეგორია:ბაჰრეინი]]
[[კატეგორია:აზიაშ ქიანეფი]]
[[კატეგორია:ობჟათე-ბჟადალი აზიაშ ქიანეფი]]
[[კატეგორია:გოეროშ მაკათური სახენწჷფოეფი]]