ბენჯამინ ჰარისონი

	ბენჯამინ ჰარისონი; Benjamin Harrison
	;
ააშ-შ 23-ა პრეზიდენტი
პოსტის გერინაშ ბორჯი
	4 მელახი, 1889 – 4 მელახი, 1993
ვიცე-პრეზიდენტი	ლევი მორტონი
წიმოხონი	გროვერ კლივლენდი
მონძე	გროვერ კლივლენდი
სენატორი ინდიანაშე
პოსტის გერინაშ ბორჯი
	4 მელახი, 1881 – 3 მელახი, 1887
ნაღურა	13 მელახი, 1901; ინდიანაპოლისი, ინდიანა
ერუანობა	ამერიკალი
პოლიტიკური პარტია	რესპუბლიკური პარტია
ალმასქუ	1. კაროლინა ჰარისონი; 2. მერი დიმიკ ჰარისონი
პროფესია	იურისტი
ხეშმოჭარუა

ბენჯამინ ჰარისონი (ინგლ. Benjamin Harrison; დ. 20 მარაშინათუთა, 1833 — ღ.13 მელახი, 1901) — ააშ-იშ სახენწჷფო მოღალე.

ბენჯამინ ჰარისონქ დებადჷ ოჰაიოშ წყარმალუშ გოხოლუაშ ფერმას, ცინცინატიშ ობჟათეთ. თინა რდჷ უილიამ ჰენრი ჰარისონიშ მოთა. გათჷ ოჰაიოს რინელი მაიამიშ უნივერსიტეტი დო ცინცინატის სამართალს ოგურუანდჷ. გვიანო ინდიანაპოლისიშა გჷნორთჷ, სოდეთ სამართალიშ პრაქტიკა მიკილჷ დო რესპუბლიკური პარტიაშ კამპანიას ოკათუდჷ. 1853 წანას კაროლინ ლავინია სკოტიწკჷმა იგურგინჷ. ჰარისონი ოკათუდჷ 1861-1865 ონოღერი ლჷმას. 1865 ბრიგადაშ გენერალიშ ჯოხო მეჩეს. ლჷმაშ უკული, 70–ა გილმაფაფინეეფიშ კუჩხით მალი ჯარიშ პოლკოვნიკი ინდიანაპოლისიშ ობიჯალეთ გინირთჷ, თიშ რეპუტაციას ყანთი იურისტიშ ჯოხო ხოლო უმოსო აჭყანიერენდჷ. 1880 წანას ააშ–იშ სენატის მოინალენდჷ, სოდეთ ინდიარეფს, ახალმახორუეფს დო ომენოღალე ლჷმაშ ვეტერანეფიშ ნებაშო ისოფუდჷ. 1881-1887 ააშ-შ სენატორი რდჷ რესპუბლიკური პარტიაშე. გჷშეშჷ ლოზუნგით „ამერიკა ამერიკელეფიშო“. უკული ლექციეფს კითხულენდჷ სტენფორდიშ უნივერსიტეტის დო ოკათუდჷ ქიანიშ პოლიტიკურ რინას, ობჟინუანდჷ ნახანდეფს.

ლიტერატურა

ქორთული სხუნუეფიშ ენციკლოპედია, ტ. 11, ხს. 603, ქართი, 1987 წანა.