გიგანტიზმი

გიგანტი ოსური

გიგანტიზმი — ადამიერიშ პათოლოგიური ძინა სიმაღალაშა. რჩქვანელობურო 190-200 სმ-შე მაღალი ადამიერი გიგანტო იკოროცხჷ. ლიტერატურას ეჭარილი არძაშე მაღალი ადამიერიშ სიმაღალა რე 320 სმ. გიგანტიზმი ქომოლკოჩეფს უმოსი შხირი რე. მუკმორჩქინდჷ 9-10 წანაშ ხანს ვარ-და სქესობური მოჭიშაფილობაშ წჷმი დო იგჷნძორებუ ორგანიზმიშ ძინაშ თებაშახ. შილებე გიმიჭანუას გენეტიკური დო ენდოკრინული ფაქტორეფქ. კურნალობა გაჩქჷ გიმმაჭანაფალ ბაძაძეფს. რჩქვანელობურო გჷმირინაუნა რენტგენო დო ჰორმონოთერაპიას.

ლიტერატურა

• ქორთული სხუნუეფიშ ენციკლოპედია, ტ. 3, ხს. 152, ქართი, 1978 წანა.