დიდი ცაშხა

დიდი ცაშხა – ნებაშ მარაშ ცაშხა დღა. დაწესჷ ქირსიანულ ოხვამექ თი დღაშ ეიოშინალო, მუჟამსჷთ იოსე ქირსექ ეკონია სერობა (სერუა) უმანჯჷ 12 მოშქვაფილსჷნ. თე მოლინაშ სახარებაშული ინტერპრეტაცია თეჯგურა რე:

”მონძღვარქ დიო თინეფს თითო-თითოთ გუბონჷ კუჩხი, უკული თქუ: ართი თქვანშე გაგჷმობჩანსია. არძა გოზარზალაფირი რდჷ დო იკითხეს: „ნუთუ მა ვორექ“. „ზუსტად სი“, უგამჷ ქირსექ იუდას დო ქელაფურცქინჷ: „მუ საქვარით გაფუ ოკეთებელინ, გაკეთი ორდოშე“. უბადო იუდაქ გედირთჷ, პაპათარეფშა მიდესანჭაფუ, ქირსექ — ქობალი გუტახჷ მოჩქვაფირეფს, ქემიოჭირინუ დო თქუ:„თენა რე ხორცი ჩქიმი თქვანო მუკოტახილი“, უკული ღვინი ქიგუბუ: „თენა რე ზისხირი ჩქიმი, თქვანო დო მიარეშო დობუნელი“.

თაშ მირსულჷ მაართა ზიარობაქ.