დიუკიშ უნივერსიტეტი
| დიუკიშ უნივერსიტეტი ინგლ. Duke University | |
| |
| დევიზი | Eruditio et Religio (ლათ.) |
|---|---|
| დირსხუ | 1838 |
| ტიპი | კერძო |
| ფონდეფი | $ 12.7 მლრდ. (2020) |
| წორომახანდე | 3,982 (აკადემიური) |
| პრეზიდენტი | ვინსენტ პრაისი |
| პროვოსტი | სალი კორნბლატი |
| სტუდენტი | 16,780 (2021) |
| ორენი |  დარემი, ოორუე კაროლინა, ააშ
|
| კამპუსი | ურბანული |
| ფერეფი | ცაშფერი დო ჩე |
| საიტი | duke.edu |
დიუკიშ უნივერსიტეტი (ინგლ. Duke University) — კერძო უნივერსიტეტი ააშს, ოორუე კაროლინაშ ნოღა დარემს. უნივერსიტეტი 1838 წანას დარსხუეს მეთოდისტეფქ დო კვაკერეფქ, ოორუე კაროლინაშ ნოღა ტრინიტის. 1892 წანას უნივერსიტეტიქ გინილჷ ნოღა დარემიშა. უნივერსიტეტი ამერიკალი ბიზნესმენიშ დო ფილანთროპიშ ვაშინგტონ დიუკიშ ჯოხონობაშ რე.
დიუკიშ უნივერსიტეტი ააშ-იშ ართ-ართი პრესტიჟული დო რეიტინგული უნივერსიტეტი რე. ვოლსტრიტ ჟურნალიშ 2021 წანაშ რეიტინგეფს დიუკიშ უნივერსიტეტის მახუთა აბანი უკინებჷ ააშ-იშ მასშტაბით. U.S. News & World Report-იშ 2020 წანაშ მოსოფელიშ უნივერსიტეტეფიშ რეიტინგეფს დიუკიშ უნივერსიტეტის უკინებჷ მაეჩა პოზიცია. QS World University Rankings-იშ 2022 წანაშ მოსოფელიშ უნივერსიტეტეფიშ რეიტინგეფს დიუკიშ უნივერსიტეტი 52-ა რე. Academic Ranking of World Universities-იშ მოსოფელიშ უნივერსიტეტეფიშ 2019 წანაშ რეიტინგეფს დიუკიშ უნივერსიტეტის უკინებუდჷ ეჩდომაბრუო პოზიცია.
2019 წანაშ მუნაჩემეფით დიუკიშ უნივერსიტეტიშ კურსნათებუეფი დო უნივერსიტეტიწკჷმა აფილირებულეფი რდეს: ნობელიშ პრემიაშ 15 ლაურეატი, ტიურინგიშ პრემიაშ 3 ლაურეატი, 50 როდსიშ სტიპენდიანტი დო 14 მილიარდერი. დიუკიშ უნივერსიტეტის გურაფულენდჷ ააშ-იშ პრეზიდენტი რიჩარდ ნიქსონი.
2021 წანაშ მუნაჩემეფით დიუკიშ უნივერსიტეტის ჸუნს 16,780 სტუდენტი, 3,982 აკადემიური პერსონალი დო 8,498 ადმინისტრაციული პერსონალი.
რესურსეფი ინტერნეტის[რედაქტირაფა | წყუშ რედაქტირაფა]
