ქოძირით წყუ ხასჷლაშო ელიას სტეინი

{{ინფოდაფა მენცარი 
| ჯოხო                  = ელიას სტეინი
| ოდაბადური ჯოხო       = [[ინგლისური ნინა|ინგლ.]] Elias M. Stein
| ფოტო                 =Elias Stein.jpeg
| სიგანა               =250პქ
| მუკნაჭარა              = ელიას მ. სტეინი 2008 წანას
| დაბადებაშ თარიღი        = {{დაბადებაშ თარიღი|13|1|1931}}
| დაბადებაშ აბანი       = [[ანტვერპენი]], [[ბელგია]]
| ღურაშ თარიღი          = {{ღურაშ თარიღი დო ხანი|2018|12|23|1931|1|13}}
| ღურაშ აბანი         = [[სომერვილი (ნიუ-ჯერსი)|სომერვილი]], [[ნიუ-ჯერსი]], [[ააშ]]
| მენოღალობა          = {{შილა|ააშ}}
| ომენცარე სფერო        = [[მათემატიკა]]
| მუშობაშ აბანი         = [[ფრინსთონიშ უნივერსიტეტი]]
| ალმა-მატერი         = [[ჩიკაგოშ უნივერსიტეტი]]
| ომენცარე ხემანჯღვერი = [[ანტონი ზიგმუნდი]]
| ჯოხოშინელი მოგურაფეეფი   = [[ჩარლზ ფეფერმანი]]<br>[[ფილიპ გრესმანი]]<br>[[ჰარტ ფრენსის სმიტი]]<br>[[ტერენს ტაო]]
| ჩინებული რე მუჭოთ         = 
| ჯილდოეფი დო პრემიეფი          =[[როლფ შოკიშ პრემია]] მათემატიკას (1993)<br>[[ვოლფიშ პრემია მათემატიკას]] (1999)<br>[[მენცარობაშ ერუანული მენდალი]] (2001)<br>[[სტილიშ პრემია]] (2002)
| ხეშმოჭარუა         = 
| სიგანა     =
| საიტი                 = 
}}

'''ელიას მენახემ სტეინი''' ([[ინგლისური ნინა|ინგლ.]] Elias Menachem Stein; დ. [[13 ღურთუთა]], [[1931]], [[ანტვერპენი]], [[ბელგია]] — ღ. [[23 ქირსეთუთა]], [[2018]], [[სომერვილი (ნიუ-ჯერსი)|სომერვილი]], [[ნიუ-ჯერსი]], [[ააშ]]) — [[ამერიკალეფი|ამერიკალი]] [[მათემატიკა|მათემატიკოსი]], ნამუთ უმოსო მოღალენდჷ [[ჰარმონიული ანალიზი]]შ დარგის. 

==ბიოგრაფია დო მენცარული რკვიებეფი==
ელიას სტეინიქ დებადჷ ბელგიაშ ნოღა ანტვერპენს. გერმანული ოკუპაციაშ უკულ სტეინიშ ფანიაქ ბელგია ქიდიტუ დო ოცხოვრებშა ამერიკაშა გეგნორთჷ. სტეინი გურაფულენდჷ [[ჩიკაგოშ უნივერსიტეტი]]ს, სოდეთ თხილუ ოდოქტორე დისერტაცია 1955 წანას, გიშარჩქინელი პოლონარი მათემატიკოსიშ [[ანტონი ზიგმუნდი]]შ ხემანჯღვერობათ. გურაფაშ თებაშ უკულ სტეინი მუშენდჷ [[მასაჩუსეტსიშ ტექნოლოგიაშ ინსტიტუტი]]ს, 1958 წანას დირთჷ ჩიკაგოშ უნივერსიტეტიშა დო 1963 წანაშე რდჷ [[ფრინსთონიშ უნივერსიტეტი]]შ მათემატიკაშ პროფესორი. სტეინიშ თარი კონტრიბუცია მათემატიკას (გიშაკერზაფილო ჰარმონიული ანალიზის) რე [[კალდერონი-ზიგმუნდიშ ლემა]]შ გოფართინაფა დო გოვითარაფა. ელიას სტეინი რე ჰარმონიული ანალიზიშ დარგის შხვადოშხვა წინგეფიშ დო პუბლიკაციეფიშ ავტორი. სტეინიშ თარი მენცარული ნახანდი რე ''პრინსტონიშ ლექციეფი ანალიზი''-ს, ნამუქჷთ 4 წინგო, 2003-2011 წანეფს გიშართჷ. ელიას სტეინი რდჷ სტილიშ პრემიაშ, როლფ შოკიშ პრემიაშ, ვულფიშ პრემიაშ დო შხვა ჯილდოეფიშ ლაურეატი. 2001 წანას გინოჩეს ამერიკაშ პრესტიჟული ჯილდო [[მენცარობაშ ერუანული მენდალი]]. სტეინი რდჷ ამერიკაშ მენცარობეფიშ ერუანული აკადემიაშ, ამერიკაშ ხელუანობეფიშ დო მენცარობეფიშ აკადემიაშ, მენცარობაშ ერუანული ფონდიშ დო ამერიკაშ მათემატიკაშ ჯარალუაშ მაკათური. ღურუ 2018 წანას, 87 წანერქ, ნიუ-ჯერსიშ ნოღა სომერვილის.

==ჯილდოეფი დო პრემიეფი==
* 1982: ამერიკაშ ხელუანობეფიშ დო მენცარობეფიშ აკადემიაშ მაკათური
* 1993: [[როლფ შოკიშ პრემია]] მათემატიკას
* 1999: [[ვოლფიშ პრემია მათემატიკას]]
* 2001: [[მენცარობაშ ერუანული მენდალი]]
* 2002: [[სტილიშ პრემია]] 
* 2005: სტეფან ბერგმანიშ პრემია
* 2012: ამერიკაშ მათემატიკური ჯარალუაშ მაკათური

==პიჯური რინა==
ელიას სტეინიშ ოსური რდჷ ელი ინტრატორი. ჸუნდეს ჟირი სკუა: კარენ სტეინი დო [[ჯერემი ჩეიმ სტეინი]]. ჯერემი სტეინი რე შინელი ეკონომისტი, [[ჰარვარდიშ უნივერსიტეტი]]შ პროფესორი.

==რესურსეფი ინტერნეტის==
* [https://www.ams.org/notices/200204/comm-steeleprz.pdf Citation for Elias Stein for the 2002 Steele prize for lifetime achievement]
* [http://www.math.princeton.edu/WebCV/SteinCV.pdf Elias Stein Curriculum Vitae] {{Webarchive|url=https://web.archive.org/web/20110927013617/http://www.math.princeton.edu/WebCV/SteinCV.pdf |date=2011-09-27 }}

[[კატეგორია:ამერიკალეფი]]
[[კატეგორია:ამერიკალი მათემატიკოსეფი]]
[[კატეგორია:დუნაბადი 1931]]
[[კატეგორია:ნაღურა 2018]]