დინორეშა გინულა

ელიას სტეინი

ვიკიპედიაშე
ელიას სტეინი
ინგლ. Elias M. Stein

ელიას მ. სტეინი 2008 წანას
დაბადებაშ თარიღი:

13 ღურთუთა, 1931

დაბადებაშ აბანი:

ანტვერპენი, ბელგია

ღურაშ თარიღი:

ქირსეთუთა 23, 2018 (87 წანერი)

ღურაშ აბანი:

სომერვილი, ნიუ-ჯერსი, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

მათემატიკა

სამუშაშ აბანი :

ფრინსთონიშ უნივერსიტეტი

ალმა-მატერი:

ჩიკაგოშ უნივერსიტეტი

ომენცარე ხემანჯღვერი:

ანტონი ზიგმუნდი

ჯოხოშინელი მოგურაფეეფი:

ჩარლზ ფეფერმანი
ფილიპ გრესმანი
ჰარტ ფრენსის სმიტი
ტერენს ტაო

ჯილდოეფი დო პრემიეფი:

როლფ შოკიშ პრემია მათემატიკას (1993)
ვოლფიშ პრემია მათემატიკას (1999)
მენცარობაშ ერუანული მენდალი (2001)
სტილიშ პრემია (2002)

ელიას მენახემ სტეინი (ინგლ. Elias Menachem Stein; დ. 13 ღურთუთა, 1931, ანტვერპენი, ბელგია — ღ. 23 ქირსეთუთა, 2018, სომერვილი, ნიუ-ჯერსი, ააშ) — ამერიკალი მათემატიკოსი, ნამუთ უმოსო მოღალენდჷ ჰარმონიული ანალიზიშ დარგის.

ბიოგრაფია დო მენცარული რკვიებეფი[რედაქტირაფა | წყუშ რედაქტირაფა]

ელიას სტეინიქ დებადჷ ბელგიაშ ნოღა ანტვერპენს. გერმანული ოკუპაციაშ უკულ სტეინიშ ფანიაქ ბელგია ქიდიტუ დო ოცხოვრებშა ამერიკაშა გეგნორთჷ. სტეინი გურაფულენდჷ ჩიკაგოშ უნივერსიტეტის, სოდეთ თხილუ ოდოქტორე დისერტაცია 1955 წანას, გიშარჩქინელი პოლონარი მათემატიკოსიშ ანტონი ზიგმუნდიშ ხემანჯღვერობათ. გურაფაშ თებაშ უკულ სტეინი მუშენდჷ მასაჩუსეტსიშ ტექნოლოგიაშ ინსტიტუტის, 1958 წანას დირთჷ ჩიკაგოშ უნივერსიტეტიშა დო 1963 წანაშე რდჷ ფრინსთონიშ უნივერსიტეტიშ მათემატიკაშ პროფესორი. სტეინიშ თარი კონტრიბუცია მათემატიკას (გიშაკერზაფილო ჰარმონიული ანალიზის) რე კალდერონი-ზიგმუნდიშ ლემაშ გოფართინაფა დო გოვითარაფა. ელიას სტეინი რე ჰარმონიული ანალიზიშ დარგის შხვადოშხვა წინგეფიშ დო პუბლიკაციეფიშ ავტორი. სტეინიშ თარი მენცარული ნახანდი რე პრინსტონიშ ლექციეფი ანალიზი-ს, ნამუქჷთ 4 წინგო, 2003-2011 წანეფს გიშართჷ. ელიას სტეინი რდჷ სტილიშ პრემიაშ, როლფ შოკიშ პრემიაშ, ვულფიშ პრემიაშ დო შხვა ჯილდოეფიშ ლაურეატი. 2001 წანას გინოჩეს ამერიკაშ პრესტიჟული ჯილდო მენცარობაშ ერუანული მენდალი. სტეინი რდჷ ამერიკაშ მენცარობეფიშ ერუანული აკადემიაშ, ამერიკაშ ხელუანობეფიშ დო მენცარობეფიშ აკადემიაშ, მენცარობაშ ერუანული ფონდიშ დო ამერიკაშ მათემატიკაშ ჯარალუაშ მაკათური. ღურუ 2018 წანას, 87 წანერქ, ნიუ-ჯერსიშ ნოღა სომერვილის.

ჯილდოეფი დო პრემიეფი[რედაქტირაფა | წყუშ რედაქტირაფა]

პიჯური რინა[რედაქტირაფა | წყუშ რედაქტირაფა]

ელიას სტეინიშ ოსური რდჷ ელი ინტრატორი. ჸუნდეს ჟირი სკუა: კარენ სტეინი დო ჯერემი ჩეიმ სტეინი. ჯერემი სტეინი რე შინელი ეკონომისტი, ჰარვარდიშ უნივერსიტეტიშ პროფესორი.

რესურსეფი ინტერნეტის[რედაქტირაფა | წყუშ რედაქტირაფა]