იაპონიაშ პრეფექტურეფი
იაპონიაშ პრეფექტურეფი — იაპონიაშ უმაღალაში დონეშ 47 ადმინისტრაციული ართული. თინეფი აკოშაყარელი რე სისტემას ტოდოფუკენ (იაპონ. 都道府県 ტო-დო:-ფუ-კენ?). თე ვერსიაშ მეჯინათ, ქიანა აკმოდირთჷ 1 ნანანოღაშ პრეფექტურაშე ტო (იაპონ. 都?) — ტოკიო, 1 ოგუბერნატორეშე დო: (იაპონ. 道?) — ჰოკაიდო, 2 ონოღე პრეფექტურაშე ფუ (იაპონ. 府?) — კიოტო დო ოსაკა — დო 43 პრეფექტურაშე კენ (იაპონ. 県?). ბჟადალურ იაპონიაშმორჩქინალას მოხუჯაფილო ჟილემოჩამილი ართულეფშა პრეფექტურეფი უჯოხონა.
ირ პრეფექტურას დუდენს პრეფექტი (ჰოკაიდოს — გუბერნატორი) დო მუში დორხველი ოკანონმადვალე დო ადმინისტრაციული აპარატეფი უღჷ. უმოსი მოხუჯური ფორმათ, პრეფექტურეფს შხირას რეგიონეფო აკმობუჯგჷნა, ნამუეფჷთ ადმინისტრაციულ ართულეფს ვა წჷმარინუანა.
პრეფექტურეფი ირთჷნა უმოსი მორჩილ ადმინისტრაციულ ართულეფო. თენეფი რე ჰოკაიდოშ ოლქეფი, გჷშაკერზაფილი ნოღეფი, თარობაშ ზოჯუათ გოთანჯილი ნოღეფი დო მაზრეფი. ოლქეფი, ნამუეფიშ ედომუშამი მუდანობა რე 14, ხვალე ჰოკაიდოშ პრეფექტურას რე. შხვა პრეფექტურეფშო დორთუალაშ ართული რე მაზრა. თარობაშ ზოჯუათ გოთანჯილი გიშაკერზაფილ ნოღეფიშ აკოდგინალუაშა მიშმურს თი ნოღეფი, ნამუშ მახორობა 500 ვითოში ადამიერშე უმოსი რენ. ქიანაშ ნანანოღა ტოკიო, თეჯგურა ნოღეფიშ რანწკიშა ვენშმურს, თიშ გეშა, ნამჷ-და თინა ონოღე კონგლომერატი რე, დო ვართ ნოღა.
პრეფექტურეფიშ დო მაზრეფიშ მოხ, ქიანას რე მუნიციპალური დონეშ ადმინისტრაციული ართულეფი, ნამუეფსჷთ ფართო ავტონომია უღჷნა. თენეფი რე პრეფექტურეფიშ ცენტრალური ნოღეფუ, გიშაკერზაფილი ნოღეფი, ნოღეფი, ტოკიოშ 23 სპეციალური რაიონი, თაშნეშე დაბეფი დო ოფუტეეფი.
პრეფექტურეფიშ ერკებული
[რედაქტირაფა | წყუშ რედაქტირაფა]მოხუჯური ფორმათ, პრეფექტურეფს შხირას რეგიონეფო (ოლქეფო) ტიჰო: (იაპონ. 地方?) აკმობუჯგჷნა, ნამუეფსჷთ ვა უღჷნა ადმინისტრაციული აპარატი დო ადმინისტრაციულ ართულეფს ვა წჷმარინუანა. გიმე წჷმორინაფილი რე პრეფექტურეფიშ ერკებული ISO 3166-2:JP რანწკას, აკოკორობილი რე რეგიონეფის მეჯინათ.
| იაპონიაშ პრეფექტურეფიშ რუკა(1) | |||||||
|---|---|---|---|---|---|---|---|
| |||||||
|
|
2. აომორი |
8. იბარაკი |
15. ნიიგატა |
24. მიე |
|
|
40. ფუკუოკა |
| (1)კოკეფი, ნამუეფსჷთ იაპონია ოდაუ რუსეთისჷნ, ნარინჯიშფერო რე ეშანილი. | |||||||
რესურსეფი ინტერნეტის
[რედაქტირაფა | წყუშ რედაქტირაფა]- Япония. დოარქივაფილი რე ორიგინალშე 2011-08-21-ს. კითხირიშ თარიღი: 2010-07-05.
- იაპონიაშ ადმინისტრაციული დორთუალაშ რუკა(ინგლ.)
- Local government in Japan(ინგლ.)
- პრეფექტურეფიშ ტიპოლოგიზაციაშ პრობლემათარგი:Ref-ja
სქოლიო
[რედაქტირაფა | წყუშ რედაქტირაფა]- ↑ კოკი სახალინიშ დო კურილიაშ კოკეფიშ ედომუშამი რანწკი, იაპონიაშ ტერიტორია რდჷ 1907 წანაშე. მაჟირა მოსოფელიშ ლჷმაშ უკული თე ტერიტორიეფქ სსრრშ აკოდგინალუაშა გენშარჷ დო ასეშა რუსული იურისდიქციაშ გიმე რე. იაპონიაშ ხემანჭუალა თე ტერიტორიეფს იაპონიაშ ოდორხველეთ კოროცხჷნს.
- ↑ ტიუბუშ რეგიონი უმოს მორჩილ გიმენრეგიონო ირთჷ — ჰოკჯრიკჯ, კოსინტეცუ, ტოკაი დო ტიუკიუ.