ნიკოლაი ალექსიშ სქი ბერდიაევი (რუსულო: Никола́й Алекса́ндрович Бердя́ев) (დ. 18 მელახი, 1874 წ. - ღ. 24 მელახი, 1948) რდჷ რუსი რელიგიური დო პოლიტიკური ფილოსოფოსი. ეგზისტენციალიზმიშ წჷმმარინაფალი.

ბიოგრაფია

ახალობა დო გონათაფა

ბერდიაევქ დებადჷ კიევს მალიმარიშ არისტოკრატიულ ფანიას. ბერდიაევქ ბაღანობა ხვალე მუკორთჷ ჸუდეს. ჸუდეს, მუშ მუმაშ დიდ ბიბლიოთეკაქ ბერდიაევს მეჩჷ თიშ მეშქაშალა, ნამდა ბრელი უკითხირუდჷკონი. თიქ იკითხჷ ჰეგელი, შოპენჰაუერი დო კანტი მუჟამსჷთ თინა რდჷ ხვალე 14 წანერი. ჰალა-ჰალას გურაფულენდჷ ნინეფს.

რევოლუციური აქტივობეფი

ბერდიაევქ გინოჭყვიდჷ ქომეჸუნაფუდჷკო ინტელექტუალურ კარიერასჷნ დო 1894 წანას მიშელჷ კიევიშ უნივერსიტეტიშა. თენა რდჷ სტუდენტეფი დო ინტელიგენციაშ შქას რევოლუციური გენწყილობეფიშ ფუნაშ ბორჯი. ბერდიაევქ გინირთჷ მარქსისტო დო 1898 წანას ჭოფილი რდჷ სტუდენტური დემონსტრაციაშა კათინიშ გეშა დო იჸუ უნივერსიტეტიშე გჷშაკოროცხილქ. უმოს გვიანო, უკანონე აქტივობეფიშ კათინიშ გურშენი ბერდიაევი გეგგინახორუეს სუმ წანათ ცენტრალურ რუსეთშა; თენა რდჷ ლიბუ სარჯელი რევოლუციური აქტივობეფიშენ თი ბორჯიშ შხვა სარჯელეფიშ გინაწონს.

1904 წანას ბერდიაევქ ჩილო მიჸონჷ ლიდია ტრუშეფი დო უღულქ გეგნორთჷ ოხორინალო სანქტ-პეტერბურგიშა, თი ბორჯის რუსეთიშ ნანანოღაშა დო ინტელექტუალურ დო რევოლუციურ ატქტივობეფიშ ცენტრიშა. ბერდიაევი ოხოლუდჷ ინტელექტუალურ დო შურიელ დებატეფს. ეკონიას, დეთხუ რადიკალურ მარქსიზმის დო მუშ ჸუჯალაშ ფოკუსირაფა მართინუ ფილოსოფიაშა დო სპირიტუალიზმიშა. ბერდიაევი დო ტრუშეფი ართმაჟირაშო ართგურიელი რდეს, სოიშახ ლიდიაქ ვა ღურჷ 1945 წანასინ.

ბერდიაევი რდჷ ორთოდოქსული ქირსიანობაშ მიმათხოზინალი, მარა შხირას კრიტიკულო უჯინედჷ ინსტიტუციონალურ ეკლესიას. 1913 წანას ნიკოლაიქ გიშაშქჷ რუსეთიშ მართლმადიდებელი ეკლესიაშ წიმინდე სინოდიშ კონწარას გჷმაკრიტიკაფალი სტატია. თე სტატიაშ გეშა, ბერდიაევს ბრალო მიწურინეს ღორონთიშ გორაფა, მუშოთ სარჯელი რდჷ ირიათონო ციმბირიშა გინოხორაფა. მაართა მოსოფელიშ ლჷმაშ დო ბოლშევიკური რევოლუციაშ გეშა ბერდიაევიშ გასამართებაქ ვაკოდირთჷ.

ბერდიაევი რდჷ უნივერსალისტი ქირსიანი.^[1]^[2]

ბერდიაევი ჭარუნსჷ მოწონებათ, ნამდა:

ეკლესიაშ ბჟაეიოლიშ მაგურაფალეფიშ დიდი ნორთი, დოჭყაფილი კლემენტი ალექსანდრიალით მაქსიმე აღმსარებელიშახ, რდეს უნივერსალური გინოსქილადაშ დო თანაფაშ აპოკატასტასიშ ხუჯიშ დჷმაკინეეფი... ორთოდოქსულ არზი დღას ვა რდჷ შქირატილი ღორონთიშიერი სამართიანობაშ იდეათ დო თე არზის დღას ვა გუჭყოლიდაფუაფჷ ღორონთიელი ჸოროფა. თარო - ორთოდოქსული არზის ადამიერი დღას ვა გუხურგუ ღორონთიშიერი სამართიანობათ, ვარინ ადამიერიშ დო კოსმოსიშ ტრანსფიგურაციაშ დო დეიფიკაციაშ იდეაშე. ^[3]

რუსეთიშე გინორაჸუა

ბერდიაევს ვეიაჭოფჷ ბოლშევიკურ რეჟიმქ თე რეჟიმიშ ავტორიტარიზმიშენი დო ინდივიდიშ დუდიშულობაშე სახენწჷფოშ დომინირაფაშ გურშენი; მარა ბერდიაევქ ედომუშამო გინიღჷ რევოლუციური პერიოდიშ კაჭულობეფი: მუდგარენ პერიოდით მეჩეს ჭარუაშ დო ლექციეფიშ კითხირიშ გოგინძორაფაშ ნება.

ბერდიაევიშ ფილოსოფია დოხასიათაფილი რდჷ მუჭოთ ქირსიანული ეგზისტენციალიზმი. ბერდიაევი დიდი ჸუჯალას არზენდჷ კრეატიულობას დო კერძოთ დუდიშულობას ირფელშე, მუდგა კრეატიულობას უდვანდჷ ხურგისჷნ. თაჸურეშე მიშჷ თიშ ოპონირაფა "კოლექტივიზაფირ დო მექანიზირაფილ ჯარალუაშ" იდეაშა.

1922 წანას ბერდიაევი რდჷ 160 გიშარჩქინელი, ჯგირო გიშაგორილი, ჭარუეფიშ, მენცარეფიშ დო ინტელექტუალეფიშ ბუნას, ნამუეფიშ იდეეფქ ბოლშევიკური თარობაშე იჸუ ვარაფილქ. თე კათა აძვილეს ქუდუტებუდესკო რუსეთი, მუჭოთ თი ბორჯის უძახჷდესჷნ "ფილოსოფოსეფიშ ხვამარდით". მუჭოთ თაშინ, თე კათა ვართ ცარიზმიშ დო ვართ ბოლშევიზმიშ ხუჯიშ დუმაკინეეფი რდეს დო უმოსო უხუჯანდეს ნორკებო ავტოკრატული თარობაშ დოდგინაფას. გინოხორაფილი/ნტებული კათაშა მიშმეშეს თინეფი, მიდგა დორხველ დუდიშულობას, შურიელ გოვითარაფას, ქირსიანულ ეთიკას, გაღათ ნაკარნახებუ დო რწუმათ მანჯღვერაფილ თარობას უკინენდეს ხუჯისჷნ.

გინოხორაფა საფრანგეთშა

დუდშე, ბერდიაევქ დო შხვა ნტებულეფქ იდეს ბერლინშა, მარა ვაიმარიშ გერმანიას ეკონომიკურ დო პოლიტიკურ ბაძაძეფქ აძვილჷ ბერდიაევი დო თიში ჩილი გეგნურთუმუდესკო პარიზიშა 1923 წანას. თექ ბერდიაევქ აუხვადჷ საფრანგეთიშ აკადემიურ ჯარალუას, ოგურუანდჷ, ლექციეფს კითხულნდჷ, ჭარჷნდჷ დო ხანდენდჷ ფრანგ ინტელექტუალეფწკჷმა.

მაჟირა მოსოფელიშ ლჷმაშ ბორჯის გერმანალეფშე საფრანგეთიშ ოკუპაციაშ გოლინას, ბერდიაევი აგინძორენდჷ წინგეფიშ ჭარუას, ნამდგაქ გჷმობჟინაფილქ იჸუ ლჷმაშ უკული - ნამთინექ ნიკოლაიშ ღურაშ უკული. თი წანეფიშ გოლინას, ნამუთ ბერდიაევქ მუკორთ საფრანგეთისჷნ, ნიკოლაიქ ჭარჷ ვითოხუთი წინჷი, თი წინგეფიშ მეკოროცხილო, ნამუთ იკოროცხუ ბერდიაევიშ უშანულამაშ ნახანდონ. ბერდიაევქ მიკოღურჷ მუშ ოხანდებელ ტაბაკის პარიზიშ ხოლოს, 1948 წანაშ მელახის.

ნახანდეფი

ლიტერატურა

Л. И. Шестов, «Николай Бердяев (гнозис и экзистенциальная философия)»
В. В. Розанов, «На чтениях г. Бердяева»
Ал. Мень, Николай Александрович Бердяев, фонограмма
Свящ. Г. Кочетков, «Гений Бердяева и Церковь»
Шенталинский В. «Философский пароход»
Вениамин (Новик) Иг. «Мужество человека, публициста, философа» (К 50-летию земной кончины Николая Бердяева)
«Я понять тебя хочу, смысла я в тебе ищу…» (Н. А. Бердяев и оккультизм)
Райхельт, Штефан. Николай Бердяев в Германии 1920—1950. Исследование по истории влияния. (Отрывки из книги)// Coincidentia oppositorum. От Николая Кузанского к Николаю Бердяеву. — СПб.: Алетейя, 2010. — с.397—426.
Юрий Семёнов. О русской религиозной философии конца XIX — начала XX века
Шулятиков В. М. Критические этюды (о Бердяеве) // Курьер. — 1901. — № 201.
Свенцицкий В. П.Ответ Бердяеву (1907).

რესურსეფი ინტერნეტის

Биографические данные и библиография на сайте «Религиозные деятели русского зарубежья»
Журнал «Путь. Орган русской религиозной мысли» на сайте Руниверс.
Н. А. Бердяев — интеллектуальная биография
Бердяев Н. А. О назначении человека. — Париж: Изд. «Современные записки», 1931 на сайте Руниверс в форматах DjVu и PDF.
Бердяев Н. А. Я и мир объектов. Опыт философии одиночества и общения на сайте Руниверс.
Николай Александрович Бердяев, видеофильм
Сочинения Бердяева в библиотеке Я. Кротова
Сочинения Бердяева в библиотеке «Вехи»
Н. А. Бердяев «Основы религиозной философии», издано впервые в 2007 году в Библиотеке ImWerden
Русская идея Николая Бердяева Archived 2012-02-10 ვებ-ხასჷლას Wayback Machine.
Бердяев, Николай Александрович — Биография. Мировоззрение. Афоризмы Archived 2013-05-24 ვებ-ხასჷლას Wayback Machine.
Черный Ю. Ю. Философия пола и любви Н. А. Бердяева. Монография (2004)
Жизнь Бердяева Николая Александровича^{[ღურელი რსხილი]}
Журнал «Путь. Орган русской религиозной мысли», номера с 1 по 61 за 1925—1939 гг.
Berdyaev Online Library and Index Archived 2020-09-21 ვებ-ხასჷლას Wayback Machine.
Philosopher of Freedom Archived 2020-02-20 ვებ-ხასჷლას Wayback Machine.
ISFP Gallery of Russian Thinkers: Nikolay Berdyaev Archived 2019-01-05 ვებ-ხასჷლას Wayback Machine.

სქოლიო

↑ Apokatastasis at Theandros, ორთოდოქსული ქირსიანობაშ თეოლოგიაშ დო ფილოსოფიაშ ონლაინი ჟურნალი. ეკონია მიშულა 12 მარაშინათუთა, 2007 წ.
↑ მიხაილ სერგეევი."პოსტმოდერნისტული თემეფი ნიკოლაი ბერდიაევიშ ფილოსოფიას". რელიგია ბჟაეიოლ ევროპას. ეკონია მიშულა 12 მარაშინათუთა, 2007 წ.
↑ Berdyaev, Nikolai. "The Truth of Orthodoxy Archived 2011-11-20 ვებ-ხასჷლას Wayback Machine. ". ეკონია მიშულა 12 მარაშინათუთა, 2007 წ.

[1] Apokatastasis at Theandros, ორთოდოქსული ქირსიანობაშ თეოლოგიაშ დო ფილოსოფიაშ ონლაინი ჟურნალი. ეკონია მიშულა 12 მარაშინათუთა, 2007 წ.

[2] მიხაილ სერგეევი."პოსტმოდერნისტული თემეფი ნიკოლაი ბერდიაევიშ ფილოსოფიას". რელიგია ბჟაეიოლ ევროპას. ეკონია მიშულა 12 მარაშინათუთა, 2007 წ.

[3] Berdyaev, Nikolai. "The Truth of Orthodoxy Archived 2011-11-20 ვებ-ხასჷლას Wayback Machine. ". ეკონია მიშულა 12 მარაშინათუთა, 2007 წ.

[1]

[2]

[3]