ქოძირით წყუ ხასჷლაშო პენსილვანიაშ უნივერსიტეტი

{{ინფოდაფა უნივერსიტეტი
|ჯოხო = პენსილვანიაშ უნივერსიტეტი
|ოდაბადური ჯოხო = [[ინგლისური ნინა|ინგლ.]] University of Pennsylvania
|ლათინური ჯოხო = Universitas Pennsylvaniensis
|სურათი = [[File:UPenn shield with banner.svg|150px]]<br>[[File:Penn campus 2.jpg|250px]]
|დევიზი = ''Leges sine moribus vanae'' ([[ლათინური ნინა|ლათ.]])
|დირსხუ = [[1740]]
|ტიპი = კერზო
|ფონდეფი =  $ 20.5 მლრდ. (2021)
|წორომახანდე = 4,793 (აკადემიური)
|რექტორი = 
|პრორექტორი = 
|კანცლერი = 
|პრეზიდენტი = უენდელ პრითჩეტი
|პროვოსტი = ბეთ უინკელშტაინი
|დეკანი = 
|პროფესორი = 
|სტუდენტი = 22,432 (2019)
|ჩარიცხუა = 
|ბაკალავრი = 
|მაგისტრი = 
|სადოქტორო = 
|პროფესიონალი = 
|კურსთებული = 
|ნოღა= {{flagicon|ააშ}} [[ფილადელფია]]
|შტატი= [[პენსილვანია]],
|პროვინცია = 
|ქიანა= [[ააშ]]
|კამპუსი= ურბანული 
|ფერეფი = ჭითა დო ცაშფერი
|მიოწურაფალი = 
|ტელეფონი =   
|თილისმა = 
|შხვა ჯოხო = 
|რსხუეფი = 
|ფილიალეფი = 
|საიტი = {{URL|upenn.edu}}
|ლოგო= [[File:University of Pennsylvania wordmark.svg|150px]]
}}

'''პენსილვანიაშ უნივერსიტეტი''' ([[ინგლისური ნინა|ინგლ.]] University of Pennsylvania, Penn, UPenn) — კერზო, [[აივი ლიგა]]შ მაკათური უნივერსიტეტი [[ააშ]]ს, [[პენსილვანია]]შ შტატიშ ნოღა [[ფილადელფია]]ს. დირსხჷ [[1740]] წანას, მუჭოთ ფილადელფიაშ კოლეჯიქ. უნივერსიტეტიშ დჷმარსხუაფალი დო მაართა პრეზიდენტი რდჷ [[ბენჯამინ ფრანკლინი]]. პენი ამერიკას დო მოსოფელიშ ართ-ართი რეიტინგული დო პრესტიჟული უნივერსიტეტი რე.

პენსილვანიაშ უნივერსიტეტი იკათუანს შხვადოშხვა სკოლეფს. არძაშე უმოსო პრესტიჟული სკოლეფი რე: პენიშ იურისპრუდენციაშ სკოლა, ინჟინერიაშ დო გჷმორინაფონი მენცარობეფიშ სკოლა, ხელუანობეფიშ დო მენცარობეფიშ სკოლა დო შხვეფი. პენსილვანიაშ უნივერსიტეტიშ ფინანსური ფონდეფი 20.5 მლრდ. ამერიკული დოლარი რე, ბიუჯეტი 3.5 მლრდ. დოლარი. 2020 წანაშ მუნაჩემეფით უნივერსიტეტის ჸუნს 22,500 სტუდენტი დო 39,859 პერსონალი, ჸათავრეშე 4,793 აკადემიური პერსონალი რე.

2018 წანაშ მუნაჩემეფით პენსილვანიაშ უნივერსიტეტიშ კურსნათებუეფი დო უნივერსიტეტიწკჷმა აფილირებულეფი რდეს: ააშ-იშ 32 სენატორი, ააშ-იშ წჷმმარინაფალეფიშ პალატაშ 163 მაკათური, ააშ-იშ თარობაშ კაბინეტიშ 12 მელამოსე, 46 გუბერნატორი, ააშ-იშ ზოხორინელობაშ დეკლარაციაშ 8 ხეშმუმაჭარალი, ააშ-იშ კონსტიტუციაშ 7 ხეშმუმაჭარალი, კონტინენტური კონგრესიშ 24 მაკათური, შხვადოშხვა ქიანეფიშ თარობებიშ 9 მადუდე, 51 ელჩი, ააშ-იშ ჟირი პრეზიდენტი. 2019 გჷმათუთაშ მუნაჩემეფით უნივერსიტეტიწკჷმა აფილირებულეფი რდეს: [[ნობელიშ პრემია]]შ 36 ლაურეატი, ამერიკაშ ხელუანობეფიშ დო მენცარობეფიშ აკადემიაშ 80 მაკათური, 64 მილიარდერი, 21 მარშალიშ სტიპენდიანტი, 33 როდსიშ სტიპენდიანტი, [[პულიცერიშ პრემია]]შ 16 ლაურეატი, 20 ტონიშ ჯილდოშ ლაურეატი, გრემიშ ჯილდოშ 16 გომორძგვილი, ემიშ ჯილდოშ 11 გომორძგვილი, ოსკარეფიშ ჯილდოშ 4 გომორძგვილი, ააშ-იშ ღირსებაშ ორდენიშ 5 კავალერი დო ოლიმპიადეფიშ 43 მედალოსანი.

''U.S. News & World Report''-იშ 2020 წანაშ რეიტინგეფს პენსილვანიაშ უნივერსიტეტის უკინებჷ მაბრუო აბანი ააშ-იშ მასშტაბით. მოსოფელიშ უნივერსიტეტეფიშ რეიტინგეფიშ ცენტრიშ მუნაჩემეფით პენის უკინებჷ მაბრუო აბანი მოსოფელიშ მასშტაბით. ''QS World University Rankings''-იშ 2019 წანაშ მოსოფელიშ უნივერსიტეტეფიშ რეიტინგეფს პენის უკინებჷ მავითოხუთა პოზიცია. 2019 წანაშ უნივერსიტეტეფიშ აკადემიურ რეიტინგეფს (ARWU) პენსილვანიაშ უნივერსიტეტი მავითოშკვითა რე.

==რესურსეფი ინტერნეტის==
{{Commons category|University of Pennsylvania}}
* [https://www.upenn.edu/ ოფიციალური ვებსაიტი]

[[კატეგორია:ააშ-იშ უნივერსიტეტეფი]]
[[კატეგორია:ამერიკული უნივერსიტეტეფი]]