პენსილვანიაშ უნივერსიტეტი

ვიკიპედიაშე
პენსილვანიაშ უნივერსიტეტი
ინგლ. University of Pennsylvania


ლათ.: Universitas Pennsylvaniensis
დევიზი Leges sine moribus vanae (ლათ.)
დირსხუ 1740
ტიპი კერზო
ფონდეფი $ 20.5 მლრდ. (2021)
წორომახანდე 4,793 (აკადემიური)
პრეზიდენტი უენდელ პრითჩეტი
პროვოსტი ბეთ უინკელშტაინი
სტუდენტი 22,432 (2019)
ორენი ამერიკაშ აკოართაფილი შტატეფიშ შილა ფილადელფია, პენსილვანია, ააშ
კამპუსი ურბანული
ფერეფი ჭითა დო ცაშფერი
საიტი upenn.edu

პენსილვანიაშ უნივერსიტეტი (ინგლ. University of Pennsylvania, Penn, UPenn) — კერზო, აივი ლიგაშ მაკათური უნივერსიტეტი ააშს, პენსილვანიაშ შტატიშ ნოღა ფილადელფიას. დირსხჷ 1740 წანას, მუჭოთ ფილადელფიაშ კოლეჯიქ. უნივერსიტეტიშ დჷმარსხუაფალი დო მაართა პრეზიდენტი რდჷ ბენჯამინ ფრანკლინი. პენი ამერიკას დო მოსოფელიშ ართ-ართი რეიტინგული დო პრესტიჟული უნივერსიტეტი რე.

პენსილვანიაშ უნივერსიტეტი იკათუანს შხვადოშხვა სკოლეფს. არძაშე უმოსო პრესტიჟული სკოლეფი რე: პენიშ იურისპრუდენციაშ სკოლა, ინჟინერიაშ დო გჷმორინაფონი მენცარობეფიშ სკოლა, ხელუანობეფიშ დო მენცარობეფიშ სკოლა დო შხვეფი. პენსილვანიაშ უნივერსიტეტიშ ფინანსური ფონდეფი 20.5 მლრდ. ამერიკული დოლარი რე, ბიუჯეტი 3.5 მლრდ. დოლარი. 2020 წანაშ მუნაჩემეფით უნივერსიტეტის ჸუნს 22,500 სტუდენტი დო 39,859 პერსონალი, ჸათავრეშე 4,793 აკადემიური პერსონალი რე.

2018 წანაშ მუნაჩემეფით პენსილვანიაშ უნივერსიტეტიშ კურსნათებუეფი დო უნივერსიტეტიწკჷმა აფილირებულეფი რდეს: ააშ-იშ 32 სენატორი, ააშ-იშ წჷმმარინაფალეფიშ პალატაშ 163 მაკათური, ააშ-იშ თარობაშ კაბინეტიშ 12 მელამოსე, 46 გუბერნატორი, ააშ-იშ ზოხორინელობაშ დეკლარაციაშ 8 ხეშმუმაჭარალი, ააშ-იშ კონსტიტუციაშ 7 ხეშმუმაჭარალი, კონტინენტური კონგრესიშ 24 მაკათური, შხვადოშხვა ქიანეფიშ თარობებიშ 9 მადუდე, 51 ელჩი, ააშ-იშ ჟირი პრეზიდენტი. 2019 გჷმათუთაშ მუნაჩემეფით უნივერსიტეტიწკჷმა აფილირებულეფი რდეს: ნობელიშ პრემიაშ 36 ლაურეატი, ამერიკაშ ხელუანობეფიშ დო მენცარობეფიშ აკადემიაშ 80 მაკათური, 64 მილიარდერი, 21 მარშალიშ სტიპენდიანტი, 33 როდსიშ სტიპენდიანტი, პულიცერიშ პრემიაშ 16 ლაურეატი, 20 ტონიშ ჯილდოშ ლაურეატი, გრემიშ ჯილდოშ 16 გომორძგვილი, ემიშ ჯილდოშ 11 გომორძგვილი, ოსკარეფიშ ჯილდოშ 4 გომორძგვილი, ააშ-იშ ღირსებაშ ორდენიშ 5 კავალერი დო ოლიმპიადეფიშ 43 მედალოსანი.

U.S. News & World Report-იშ 2020 წანაშ რეიტინგეფს პენსილვანიაშ უნივერსიტეტის უკინებჷ მაბრუო აბანი ააშ-იშ მასშტაბით. მოსოფელიშ უნივერსიტეტეფიშ რეიტინგეფიშ ცენტრიშ მუნაჩემეფით პენის უკინებჷ მაბრუო აბანი მოსოფელიშ მასშტაბით. QS World University Rankings-იშ 2019 წანაშ მოსოფელიშ უნივერსიტეტეფიშ რეიტინგეფს პენის უკინებჷ მავითოხუთა პოზიცია. 2019 წანაშ უნივერსიტეტეფიშ აკადემიურ რეიტინგეფს (ARWU) პენსილვანიაშ უნივერსიტეტი მავითოშკვითა რე.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: