პომპეი

პომპეიშ არქეოლოგიური ზონა, ჰერკულანუმი დო ტორე-ანუნციატა*
იუნესკოშ მოსოფელიშ მონძალაშ ობიექტი
ქიანა	იტალია
ტიპი	კულტურული
კრიტერიუმეფი	iii, iv, v
ერკებული	იუნესკოშ ერკებული
რეგიონი**	ევროპა
კოორდინატეფი	40°45′04″ ოორ. გ. 14°29′24″ ელ. გ.
კათაფაშ ისტორია
კათაფა	1997 (მა-21 სესია)
ნომერი	829
* ქძ. ინგლ. ჯოხო UNESCO-შ ერკებულც.
** იუნესკოშით კლასიფიცირაფილი რეგიონი.

პომპეი (ლათინურო: Pompeii) — ნოღა ჯვეშ რომს. მიჯალაგჷ ნოღა ჰერკულანუმწკჷმა ართო 79 წანაშ 24 მარაშინათუთას ვულკან ვეზუვიშ ეშაგორგოთიშ გეშა. ოშწანურეფიშ მალობას ვულკანური ფრაველით რდჷ ფორილი. იდვალუაფუ იტალიას ალმახანურ ნეაპოლწკჷმა ხოლოს, ნეაპოლიშ ჸუჯის.

ნოღას მოიგორეს 1748 წანას. თიშ უკული, მუჭოთ ანტიკური ნოღაშ არძოშე ჯგირო მუკოჩუალირი აკნაციმეფი, ანტიკური ქიანაშ დოგურაფაშ უშანულამაშ წყუს წჷმარინუანს. ნოღაშ სისტემატურ დოგურაფაქ ხვალე 1860 წანას დიჭყჷ იტალიარი ჯუზეპე ფიორელიშ ხემანჯღვერალათ დო თე რკვია ამდღარშახ იგინძორებუ. ფიორელიქ თელი ტერიტორია კვადრატეფო დორთჷ (თე მეთოდის ამდღა ხოლო ირინუანა), ირი ძირაფილი ჸუდეშ ხიბა დონომერუ, ფრაველს დო ლავას გორჩქინელი სიჩოლიარა თაბაშირით აკაფშჷ. თეთ შელებუანო გინირთჷ კატასტროფაშ გეშა ღუფილი დო გოსქანჩილი ადამიერეფიშ დო შურდგჷმილეფიშ ენაბეშტეფიშ ეჭოფუაქ.

1997 წანას, ნოღაშ ნოსქილედეფი ჰერკულანუმწკჷმა დო ტორე-ანუნციატაწკჷმა ართო, იუნესკოქ მოსოფელიშ მონძალაშ ობიექტეფიშ ერკებულშა გემშეღჷ.