განხილვა:ოქიანუ

ზიტყვა ქიაჩი სამყაროს ნიშნენსინ, სოვრეშე თენა? წყუ მუ რე?

ხოლო ართ მუდგარენი: ქორთულ სტატიას გიშმარჩქინდუ ზიტყვა ნაწილაკი დო თაშ ხოლო ნაწილი. მარგალურო ჟირხოლო თარგმნილი რე, მუჭოთ ნორთი, ვარინ გვალო შხვადოშხვა რე ნაწილი დო ნაწილაკი. მარგალურს ვა რე ნაწილაკი-და, ხო ვა უჯგუ ქიბსხათ ქორტულშენ, ვინემ არაზუსტო ბჭარათინ?

--Demythicizator 10:22, 3 ღურთუთა 2012 (GET)

ჩილათირო ჭარუას რსხება უჯგუ, თე შათხუალას, უჯგუშუ ზიტყვა ქჷგებგით და, ხელათ შილებე უკული თჷრუა. --ოდაბადე 10:34, 3 ღურთუთა 2012 (GET)

ქიაჩის ხვარენს ბენედიქტე ჯალაღონიათ მუში ყილოშტყებამც, თაშნე გიორგი შენგელია მუშ ნათანგეფც დო ხოლო ბრელშე გამგებ თე ზიტყვა. ნაწილაკის მუთ ოხუნი, "ნორთია" იი ნაწილაკიშ მანგი დო თეს ბჭარუნთ. --მარგალონა 20:32, 14 ღურთუთა 2012 (GET)

სამყაროშენი

ბოშეფი, თი ლექსიკონეფს ნამუთ გიღუნანი ქიგაჯინით დო ქოძირით ზიტყვა ნერჩი (მაგალთო, ჟინიშ ნერჩი) დო არძო თინა მუ კონტექსტის იხვარუაფუნი :) დო სამყაროშო ვაუჯგუნო ზიტყვა ო-ნერჩ-ე? კილავაგორა — 20:30, 27 კვირკვე 2012 (GET)

თე ზიტყვა მასუმაშა მაფუნა უკვე თირელი :) მა, Aramxutu-ქ დო ოდაბადექ, თი ლერსიკონეფშე არძო ზიტყვეფი ფსხუნით, მარა ბოლოს ოქიანუ-შა აკიაბლით იშენით. ონერჩე, ვამუხუჯანს თაქ მემჩქუნი.

უქიანო - დაუსახლებელი სამყარო, კოსმოსი. ქიანა - ქვეყანა; სამყარო; ბევრი, ქვეყნის. ა.ქობალია, მეგრული ლექსიკონი.

თიშ გეშა, ნამდა ქიანა -ს ქვეყანაშო ფხვარენთჷნ, ქიანა ვეშჷ სამყაროშ აბანშა, ათეშენი, ოქიანუ-ს ქიგებჩენდით, მუთ მემჩქუნ მუშ ორაგადეს გიმოხანტუნს თეშიო, თაშიო. --მარგალონა (განხილვა) 20:41, 27 კვირკვე 2012 (GET)

გასაგები რე, ნერჩი მუ დო მუ კონტექსტის იხვარებუნი, მარა სამყაროშო ოქიანუ უჯგუ, მემიჩქ. ნერჩიშ ჯინჯი მოურს ”რჩ-შე”, ”რჩაფაშე”, სამყაროშო ჭიჭე უხუჯური გიშურს თე ჯინჯიშ ზიტყვაშ ხვარება.ოდაბადე (სხუნუა) 21:00, 27 კვირკვე 2012 (GET)

ოქიანუ ქორთულშა გინუურს მუჭოთ სა-ქვეყნ-ელი. დო ნერჩი რე ფუძე, ძირი, თი აბანი ნამუსუთ გეპონჷ ირფელი. კონტექსტის ხოლო ქჷდეკვირებუთ-და ირიათო სამყაროშ თემატიკა ირთუუ:

1. ჟინიშ ნერჩი — ზესკნელი, ზეციური სამყარო, მამაზეციერის სამყოფლო.
2. შქაშ ნერჩი — შუასკნელი; შუაფენა;
3. თუდონ ნერჩი — ქვედა სკნელი, ქვესკნელი, მიწისქვეშა სამყარო;

ასე ლექსიკონს გჷვოჯინედი დო ქჷმარაგუ თე ზიტყვაქ, მიმოჩქჷ კოკობო მეურე... თირუა ვარე პრობლემა, ჯგირი ზიტყვაქ დიგორას-დო :D კილავაგორა — 21:06, 27 კვირკვე 2012 (GET)

თირუა ვარე პრობლემა, ჯგირ ვარიანტიშ გორუაშ შვანც ოდაბადე (სხუნუა) 21:08, 27 კვირკვე 2012 (GET)

უკული, ჩქი ნამუ ბჭარათ ასე, ჟინი ნერჩი დო ვარი შქაშ, ვარა თუდონი ? ოქიანუ -ს კალკირაფილო ენწყუმას მუშენ უჯინექ, მუჟამცჷთ თვითან ქიანა ზიტყვა რე ქვეყანა-შ მოხ სამყაროშ აზრიშ მაღვენჯითინ. ზოგადო, ზიტყვა ქიანა, უმოსი ირიშმაკათაფუ რე, ვინდარო ხვალე ქვეყანაშ დო თენა ამარ ქობალიაშ ლერსიკონს ხოლო ქო რჩქჷ. ქიანა ვამახვარინენა, დო ვართ ოქიანე, დაკებული რენა თენეფი შხვა აზრეფითინ თიშენ, მარა ზოგადო მარგალურს ზიტყვაშ ბოლოს ეკოჸუნელი უ - იგივე ე -შ შანულობათ რე. ქორთულიშ სა- ე დო მარგალურიშ ო-ე, ო - უ -ს ომანგჷ. სამანგათ, ოღურუ - სასიკვდილო, ონგარუ - სატირალი, ოჩხომუ - სათევზაო, ობირუ - სასიმღერო, ოთხილუ - სადარაჯო, ონთხორუ - სამარხი, ოკითხუ - საკითხი, ოსინდალუ - სასიძო დო ა.უ. --მარგალონა (განხილვა) 21:30, 27 კვირკვე 2012 (GET)

თენა რე ვერსია დო მიმოჩქჷ, გლახა ოკო ვარდას :) დო ო-ნერჩ-ე რე ჟინი, შქაშ დო თუდონი ნერჩეფიშ ართობა — სამყარო... დო -უ რე ქორთული -ელი ('-ალი'), ვარდა -ო (-აო): ონგარუ — სატირალი; ოჩხომუ — სათევზაო; ობირუ — სამღერელი... კილავაგორა — 21:54, 27 კვირკვე 2012 (GET)