განხილვა:მოსოფელი

Warning! Warning! Severe Janjgism detected!

ათე საგებიო რე ჯანჯღიზმი დო რე გინარაგვაფალი :D კილავაგორა — 23:34, 27 კვირკვე 2012 (GET)

ქიმიღი უჯგუში ართით-და. მაჟირათ-და, მა თეშ მათირალი ვავორექ, რობოტეფი გამშუაშქვათ, უჯგუში ზიტყვა დიგორუნი ოდაბადე (სხუნუა) 23:41, 27 კვირკვე 2012 (GET)

აიეტიქ დოფთხილუან ე ზიტყვაშ თირუაშე, თისხი რე ირფელშა ჯანჯღიზმია დო ვა რე ოლჷმარი. დუანებათ თეს დუდი. :)) --მარგალონა (განხილვა) 23:47, 27 კვირკვე 2012 (GET)

ბოტის დათირე დასურო თენეფი და ამარ ქობალიაშ ლერსიკონშე ეშნაღელი ზიტყვეფი მსოფლიოშო -

1. მოსოფელი - მსოფლიო, ხმელეთი. 2. მოსოფილი - მომსკდარი, მოვარდნილი, მომწყდარი, მოხეთქილი, მოგლეჯილი, მოხეული; მსოფლიო. 3.საირქიანო - საყოველთაო, საქვეყნო, მსოფლიო. ისხუნენო თენეფშე ნამთინი? ვარ და კინი თელქიანა-ს დუართათ ოკო, მუთ ინწრო გაგებაშ მაღვენჯო, კონკრეტულო ართი ქიანაშ გურმახონარაფუთ მიმოჩქ, თელი-ქიანა - მთელი ქვეყანა. დო ვარ და ოძირაფალი რე თი კოჩი სარსაფოთ! :) --მარგალონა (განხილვა) 23:55, 27 კვირკვე 2012 (GET)

ათე ”მოსოფელის” მუთა უჭირსო ითამ, ა?ოდაბადე (სხუნუა) 00:01, 28 კვირკვე 2012 (GET)

მოსოფელი ვაუჯგუდას-და, მა ვორდა გორდი. მარა გიჩქჷდანი, სოიშახ ვიკის ეკონია დოუსაბუთებელი ჯანჯღიზმი იპალუუნი, ვეჩგეთხიებუთ :P კილავაგორა — 00:07, 28 კვირკვე 2012 (GET)

ქილინჯი ხოლო ვო ? :D ეშ ქილინჯუა, გიშაქილინჯუა შე რენია უტქუალუ დო , ქო დიტებე თენა ნეოლოგიზმო, მარა საგებიო-შო მუთუნი სერიოზული გამა ვა ნოღვე დო ბუტი ბუტი ვერგ, მარა ეშ თირუაშ ამბე ვამიჩქ. --მარგალონა (განხილვა) 00:10, 28 კვირკვე 2012 (GET)

საგებიოშე ვეჩი მურთაზ პატონს წოხოლენი, მაფუნია გუნაგონი სამარგალოს დო უკული გუარკვია დო ეგვიპტურს ”გებ” დიხა რენია. მოსოფელი ძამი რე.--ოდაბადე (სხუნუა) 00:11, 28 კვირკვე 2012 (GET)

ვართ ქილინჯი რე ტატალი :P ქილინჯუა მუ რე ვამიჩქ, მარა ლინჯი სპილენძი რე დო თიშე ოკო რდასჷნი მიმოჩქჷ. ეშ, რუსულს რე памятник, ინგლისურს — monument; ჟირხოლო თენა შანენს გაშინალს დო თეშ მანგათ გიტებე გაშინუ. ქორთულს ძეგლის ეტიმოლოგია რე ორკვიებელი დო თიშ მეჯინათ ხოლო შილებე მუდგარენიშ მოფირქება :) კუნტას, ბოტეფი რე ეიორთინაფალი :D კილავაგორა — 03:27, 28 კვირკვე 2012 (GET)

ეშ, დუვეკვირი ასენი მოსოფელი ჯგირი, ენა რე "мир", მარა "мировой" მუჭო ოკო რდას? ქორთულს მსოფლიო -ო-თ ითებუ, დო "мировой" ხოლო მსოფლიო რე. დო ებობრჯი მოსოფელშე მუ გუშუურს? მოსოფელურიო? :D კილავაგორა — 05:29, 28 კვირკვე 2012 (GET)

ვეგშურსო მუჭოთ ქორთულს რენ თეშ, მსოფლიო დო მსოფლიოს, მოსოფელი დო მოსოფელიშ. მსოფლიო მემკვიდრეობის ძეგლები - მოსოფელი მონძეობაშ ქილინჯეფი. ძეგლიშ ეტიმოლოგიაშ გაგება ჯგირი რე დო ვარდა უკული, ქილინჯი ქორდას, დო ქანდაკება იჸუაფჷ ნოჭახნაკუ. ქობალიას უჭარჷ - ნაწახნაკა - ნაწახნაგები, დაწახნაგებული; ქანდაკება. მარა ნაწახნაკას ნოჭახნაკუ უჯგჷ, დო კუპრაშ გიშნაშქუმელ ჟურნალს ხოლო ნოჭახნაკუ რდჷ ხვარებული. წ -შ აბანს ჭ რე ორთაშობური უმოსო ა -შ აბანს ო = ნოჭახნაკუ. თაშინ, ქილინჯუა, გიშაქილინჯუაშე შილებე ქილინჯი ნეოლოგიზმო იფხვარათჷნ მემჩქუნ. - --მარგალონა (განხილვა) 10:49, 28 კვირკვე 2012 (GET)

მუს იბჩიებუქ, რუსულს ვიკის "მსოფლიო მემკვიდრეობის ძეგლები" რე — Oбъекты Всемирного наследия. თაქ всемирный რე გიორთალი ჯოხო (ზედსართავი) დო მსაზღვრელი. ქორთულს ხოლო მსოფლიო რე მსაზღვრელი თე შემთხვევას. მარა ვოკვირუქჷნი, მუდგარენი შხვანერი ზიტყვა რე, ფორმაშ უთჷრალო დიტებე :) მაგალთო, ქინახუნე ქვეყანა, ვარდა სოფელი, ვარდა რაიონი, ვარდა სამყარო თიშ აბანს. იი სოფლის, ვარდა სასოფლო; ქვეყნის, ვარდა საქვეყნო; სამყაროს დო თაშ მემკვიდრეობის ძეგლები. მარა მარგალურს ხოლო კონდაკო ბთარგმუნთუნი, ფორმაშ უთურუო დოტება კალკი ვარენო? ჩქი ქორთულო ბფიფქრენთ დო თაშ გინომღუნა, მარა მუშენ ოკო რდას თაში იშენ-იშენი?

ძეგლის მუთ ოწაწჷ, ძეგლი ქორთულს მანტირუ ზიტყვა რე, ქოთ ქანდაკებას შანენს, ქოთ მუდგარენი კულტურული ობიექტის. ქილინჯი, ჯანჯღიზმი რენი თის ჩევერცხათჷნი, ფიქფქრე ოკო რდას ძეგლი მუჭოთ ქანდაკება. კილავაგორა — 22:14, 28 კვირკვე 2012 (GET)

აბა, მოსოფელური ვერგუნ ქოიჩქ დო მუ ოკო ღოლე? მსოფლიო მუჭოთ რენ თეშ საგებიო ირგუდ სამანგათ, მარა რახან ბთირანთინ, მუდგა იჸინ თიცალ მიღუდან ოკო ნამუთ მეუდირთუ თენეფს ირფელისჷნ. ათეშენ ქობალიაშ საირქიანო - საყოველთაო, საქვეყნო, მსოფლიო. ათენა იფხვარათინ ვაუჯგუნო ირფელს? ოღონდ საირქიანო ვარინ, ოირქიანე. გიშეშჷ - ოირქიანე მონძეობაშ ქილინჯეფი. საყველაქვეყნო რე ბონას ბთარმათინ, მარა უჯგუშის მუს თქუანთ?

ასე მუთ ოწაწჷ თის, ნამდა ქანდაკება დო ძეგლით ართი ზიტყვათ მიღუდანინ, ვაგშურს, ნოჭახნაკუ ვაგშურს მაგალთო მუდგარენ ორთაშობურიშენ, სამანგათ ათეშენ. ნოჭახნაკუ რე გიშათოლირი, გიშაჸუნაფილი ქუა, მუდგარენი თეცალი, ქანდაკება რა დო ძეგლიშ აბანშა ვაურს. --მარგალონა (განხილვა) 22:30, 28 კვირკვე 2012 (GET)

მარგალონას ვოალუქ თე ამბეშე, ნოჭახნაკუ ვერგჷ ჟირხოლო შანულობათ.ოდაბადე (სხუნუა) 23:00, 28 კვირკვე 2012 (GET)

მოსოფელური ვაგშუურს, მარა მოსოფელიშ შილებე: მოსოფელიშ მონძებაშ მუდგარენი თაქ. ხოლო "მონძეობას" ო ვაკონი ფიფქრე. ეშ, ინგლისურს რე "world heritage sites". რუსულო რე Oбъекты დო ვარე უციო იშენ-იშენი ძეგლის კინკიბხვილათჷნი ასე. Site-შ მანგი ვარა დიგორე :) კილავაგორა — 23:20, 28 კვირკვე 2012 (GET)