შანხაი (ჩინ.: 上海, Shànghǎi) — იდვალუაფუ წყარმალუ იანძის დო ჩინეთიშ უდიდაში ნოღა. შანხაი ქიანაშ უშანულამაში კულტურული, კომერციული, ფინანსური, ინდუსტრიული დო ოკომუნიკაციე ცენტრი რე. ადმინისტრაციულო შანხაი ჩინეთიშ ართ-ართი მუნიციპალიტეტი რე, ნამუსჷთ პროვინციაშ დონეშ სტატუსი უღუ. შანხაის იდვალუაფუ თაშნეშე მოსოფელიშ არძაშე დოხარგელი ოზუღე ონიშოლი სინგაპურიშ დო როტერდამიშ უკული.
დუდმაართაშე ართი მიკოჸოთამილი მეჩხომეეფიშ ოფუტე, შანხაიქ ჩინეთიშ უშანულამაშ ნოღათ გჷნირთჷ მა-20 ოშწანურაშ დაჭყაფუს. თინა რდჷ რესპუბლიკაშ პოპულარული კულტურაშ, ინტელექტუალური გოთირუაშ დო პოლიტიკური ინტრიგეფიშ ცენტრი. 1949 წანას კომუნისტეფიშ მულაშ უკული ნოღაშ რინაშ რიტმიქ ქიმკირჩქალჷ ცენტრალური თარობაშით მიშაღალირი მონკა ოგაფურეფიშ დო ბურჟუაზიული ელემენტეფიშ რაჸუაშ გეშა. 1992 წანას თარობაშით ობაზარე-ეკონომიკური გოვითარაფაშ კურსიშ ეჭოფუაშ უკული შანხაიქ უცმას გეკოროფუ სიჩქარა დო მალას უწორუ ჟენშენს დო გუანჯჟოუს დო ჩინეთიშ ეკონომიკური ძინაშ ფორპოსტო გჷნირთჷ. XXI ოშწანურაშ დაჭყაფუს შანხაიშ თარი ღანკი თიში მოსოფელიშ კლასიშ ნოღაშ სტატუსიშ დორთინაფა დო თიში მენოღალეეფიშო კომფორტული დარინალი პიჯალეფიშ აკოქიმინუა რდჷ.
ვიკიოწკარუეს
? რე ხასჷლა თემაშენ:
