ოფოსტე ინდექსი

ვიკიპედიაშე
სსრრ-იშ მარკა (1977): ნაჭარა დო ოფოსტე ინდექსიშ კონვერტის გეჭარილი მინუში

ოფოსტე ინდექსი — ასოეფიშ ვარდა ცირფეფიშ წოროგეჸვენჯალა, ნამუთ გჷთმიაძინჷ ოფოსტე მიოწურაფუს კორესპონდენციაშ სორტირაფაშ, თინეფს შქას ავტომატურიშ, გოლექინაფაშ ღანკით. ასე ერუანული ოფოსტე ნინალეფიშ უმენტაშობა ოფოსტე ინდექსეფს გჷმირინუანს.

გჷმორინაფა[რედაქტირაფა | წყუშ რედაქტირაფა]

შხვადოშხვა ქიანეფიშ ოფოსტე ნინალეფი თარო გჷმირინუანა ოფოსტე ინდექსიშ გოფორმაფაშ დო ინოდვალუაშ შხვადოშხვა წესეფს.

ინგლისურნინამი ქიანეფიშ უმენტაშობას ოფოსტე ინდექსი დოხორელი პუნქტიშ ჯოხოდვალაშ უკული იჭარუ, ევროპას ოფოსტე ინდექსი, თარო, წჷმი აწოჸუნს დოხორელი პუნქტიშ ჯოხოდვალას დო კანკალე იკათუანს ქიანაშ ანბანურ კოდის. ასე, სამანგათ, ევროპაშ რსხუშ ქიანეფს იჭარუ ართ-ჟირასოამი კოდი (კაბეტი ასოეფით):

D-80331 München — გერმანია

A-1010 Wien — ავსტრია

თიშ უმკუჯინალო, ნამჷ-და, მუჭოთ წესი, ოფოსტე ინდექსი კონკრეტულ გეოგრაფიულ რეგიონს მიაჩამუნ, გჷმნარკეფჷთ რე. სამანგათ, ოფოსტე ინდექსი შილებე მიაჩას თიჯგურა ორგანიზაციეფს, ნამუეფსჷთ კორესპოდენციეფიშ კაბეტი მუდანობა უღუ (ოთარობე ორგანიზაციეფს, შხუ კომპანიეფს დო თ.უ.).

რესურსეფი ინტერნეტის[რედაქტირაფა | წყუშ რედაქტირაფა]