ჭითა წინგი
ჭითა წინგი — ვანაფერი დო გჷნოლაფაშ პიჯის მერინელი ჩანარეფიშ დო ჩხოლარეფიშ ბუნეფიშ ერკებული, თინეფიშ ალმახანური სიტუაციაშ კუნტა დოხასიათაფათ. რე ჭითა წინგიშ ინტერნაციონალური, ნაციონალური დო აბანობური ვარიანტი.
ისტორია
[რედაქტირაფა | წყუშ რედაქტირაფა]წინგიშ აკოქიმინუაშ იდეაქ XX ოშწნაურაშ I გვერდის გორჩქინდჷ. თიში მუწმაჭყაფალი რდჷ ორთაშ თხილუაშ ინტერნაციონალური რსხუ, ნამუქჷთ 1949 წანას გიოდირთჷ ინფორმაციაშ მოპალაფას ჩანარეფიშ დო ჩხოლარეფიშ ვანაფერი ბუნეფიშ გეშა. 1966 წანას უკვე მიხაზირჷ მაართა გჷშაშქუმალეფქ ძუძუშმაწუალეფიშ დო მაფურინჯეეფიშ ვანაფერი ბუნეფიშ გეშა.
ჭითა წინგი საქორთუოს
[რედაქტირაფა | წყუშ რედაქტირაფა]საქორთუოს ჭითა წინგიქ 1982 წანას გჷშეშქვინჷ. თიშ I ნორთი ფორუნს ვანაფერ ჩხოლარეფს, II ნორთი - ჩანარეფს, III ნორთი - ვაორგანული ორთაშ ძეგლეფს.