ჯონ გრინლიფ უიტიერი
| ჯონ გრინლიფ უიტიერი | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ეკენია 7, 1892 (84 წანერი) |
| ღურაშ აბანი: |
ჰემპტონ-ფოლსი, ნიუ-ჰემპშირი, ააშ |
| ერუანობა: | |
| საქვარუა: | |
| Magnum opus: |
დუდიშალაშ ხონარეფი (1846) |
| ჟანრი: |
პოეზია |
| ნინა: | |
|
| |
ჯონ გრინლიფ უიტიერი (ინგლ. John Greenleaf Whittier; დ. 17 ქირსეთუთა, 1807, ჰეივრილი, მასაჩუსეტსი, ააშ — ღ. 7 ეკენია, 1892, ჰემპტონ-ფოლსი, ნიუ-ჰემპშირი, ააშ) — ამერიკალი კვაკერი დო აბოლიციონისტი პოეტი. შინელი რე პოეტური კათელეფით: "დუდიშალაშ ხონარეფი", "ხანდაშ ობირეში", "მოდ მალერი", "ლჷმაშ ბორჯის", "თირს სკილადირეფი", "ახალი ინგლისიშ ბალადეფი" დო "ბჟაშ ელულას".
ჯონ გრინლიფ უიტიერიქ დებადჷ მასაჩუსეტსიშ შტატიშ ნოღა ჰეივრილს, ფერმერეფიშ ფანიას. უმაღალაში გონათაფა ვემუღებჷ. გურაფულენდჷ ჰეივრილიშ აკადემიას 1827-1828 წანეფს. ჭარალუათ ორდოიანი წანეფიშე დეინტერესჷ. უიტიერიშ ნაჭარეფი იბეჭდუდჷ ლიტერატურულ ჟურნალ-გაზეთეფს. 1830-იან წანეფს გიშაგორუეფს მონაწილენდჷ, მარა კონგრესიშ გიშაგორუეფი წაგჷ დო პოლიტიკას ხოლო ართი პერიოდის დუდი დანებუ. უიტიერი რდჷ აბოლიციონისტი დო რდჷ 1833 წანას დორსხუაფილი "American Anti-Slavery Society"-შ ართი-ართი დუმარსხუაფალი-მაკათური. უიტიერი 1830-იან დო 1840-იან წანეფს რდჷ აბოლიციონისტური გაზეთეფიშ "Pennsylvania Freeman"-იშ დო "The National Era"-შ რედაქტორი.
ამერიკაშ ომენოღალე ლჷმაშ ბორჯის უიტიერი ელურდჷ აბრაამ ლინკოლნის. უიტიერი რდჷ 1860 დო 1864 წანეფიშ ამერიკაშ ოპრეზიდენტე გიშაგორუეფიშ ელექტორი.
უიტიერიქ მაართა ნახანდეფი 1830-იანი წანეფიშ დაჭყაფუს გიშაშქჷ. 1831 წანას გიშართჷ "ახალი ინგლისიშ ლეგენდეფქ" დო 1832 წანას "მოლ პიტჩერი"-ქ. 1833 წანას ანონიმურო გჷმაბჟინუ პოემა "ვერმონტალეფიშ ობირეში, 1779". ჯონ გრინლიფ უიტიერიშ არძაშე უმოსო ჩინებული ნახანდი რე პოემა "თირს სკილადირეფი", ნამუქჷთ 1866 წანას გიშართჷ. პოემაშ მაართა გიშაშქუმალაქ ავტორს 10,000 დოლარიანი ფინანსური მოგება მოუღჷ. 1856 წანას გიშართჷ პოემაქ "მოდ მალერი", ნამუთ უიტიერიშ ართ-ართი პოპულარული პოემა რე.
1870 წანაშე უიტიერი რდჷ ამერიკაშ ფილოსოფიური ჯარალუაშ მაკათური. უიტიერიქ ღურუ 1892 წანაშ 7 ეკენიას, 84 წანერქ. ნთხორილი რე ეიმსბერიშ სასაფლას.
რესურსეფი ინტერნეტის
[რედაქტირაფა | წყუშ რედაქტირაფა]
- Whittier autobiography & poems
- Whittier biography & hymns Archived 2016-05-18 ვებ-ხასჷლას Wayback Machine.
- ჯონ გრინლიფ უიტიერი - ნახანდეფი პროექტ „გუტენბერგის“
- The Whittier Bi-centennial Recording Project, featuring the poem "Snow-Bound" read by Michael Maglaras
- John Greenleaf Whittier letters. Available online through Lehigh University's I Remain: A Digital Archive of Letters, Manuscripts, and Ephemera.
- John Greenleaf Whittier Manuscript Collection held by the Friends Historical Library of Swarthmore College
- John G. Whittier Photograph Collection held by the Friends Historical Library of Swarthmore College