აბაზეფი
აბაზეფი |
|
|---|---|
| ედომუშამი მახორობა | |
| მეხ. | 50 000 |
| ნინეფი | |
| აბაზური ნინა,რუსული ნინა | |
| რელიგია | |
| მუსლიმი-სუნიტეფი | |
აბაზეფი (დორხველი ჯოხობუ - აბაზა , აფხაზურო - აშვი ) - აფხაზეფიშ ხოლას მოჯგირე კათა, ოხორანა რუსეთიშ ფედერაციას (1989 წანაშ მუნაჩამეფით 33 ანთასი კოჩი , ედომუშამი მუდანობა – 43 ანთასი კოჩი).ჯინჯიერო, დოხორინელ რენა ოორუე კავკაციას (ყარაჩაი-ჩერქეზეთის) - 27, 5 ანთასი კოჩი. მეხოლაფირო 10 ანთასი აბაზა ხოლო-ელახის (თურქეთის, სირიას, იორდანიას, ლიბანს) ოხორანს, სოდგათ თინეფი მუჰაჯირობაშ ჟამს, 1862-1864 წანეფს გინახორუეს. ხოლო-ელახის გინოხორილ აბაზეფიშ მენორსამი ნორთიქ აფხაზეთიშე დო ადიღეშე გინოხორილ მახორობაწკჷმა აკიშქუ. ოორუე კავკაციას აბაზეფიშ ოხორუე ტერიტორია ეკადგინანს დიდი დო ჭე იენჯუგიშ, ყუბანიშ დო გუმიშ ოდუდეეფს. იჩიებუნა აბაზურ ნინაშა ნამუთ ორხველუ კავკაციურ ნინეფიშ აფხაზურ-ადიღურ ანუ ოორუე-ბჟადალუ ბუნას.
ამდღანერ ტერიტორიას აბაზეფი XIV ოშწანურშენ ოხორანა, აბაზა კათაშ მაართა შურობუმუ დო ოხორუ აბანი ობჟათე კავკაცია, საქორთუოშ უჩა ზუღაშპიჯეთი, ამდღანერი აფხაზეთიშ ტერიტორია დო ადლერი - სოჭიშ აკანი რდჷ, თინეფი თი აფხაზეფიშ გამნარყეფი რენა, ნამუთ XIV ოშწანურას აფხაზეთიშე ოორუე კავკაციას წყარმალუ ყუბანიშ ლეხერშა გინიხორეს დო ჟამიშ ულაწკჷმა გიჭყჷ მუჭოთ ,,აბაზა,,კათა. თინეფი ჟირი ეთნოგრაფიულ ბუნეფო ტაპანთარეფო დო აშხარარეფო ირთუნა, ტაპანთარეფი ყარაჩაი-ჩერქეზეთიშ 9 პუნქტის რენა დოხორინელი. თე ოფუტეეფიე: ფსიჟი, ყუბინა, ინჯიქ-ჩკუნი, ელბურგანი, ტაფანთა, აბაზი-ხაბლი, კარაპაღო, კრასნო-ვოსტოჩნოე, კოიდანი. აშხარარეფი გვალო 3 ოფუტეს (აულს) სტარო-კუვინსკოე, ნოვო-კუვინსკოესი დო აფსუას ოხორანა. აბაზეფი მუსლიმი სუნიტეფი რენა.
[რედაქტირაფა] ლიტერატურა
ანჩაბაძე ზ., ქორთული სხუნუეფიშ ენციკლოპედია, ტ. 1, ხასჷლა 11, ქართი, 1975 წანა.
[რედაქტირაფა] რესურსეფი ინტერნეტის
ანაიდ გოგორიანი, სოხუმი. აბაზეფი აფხაზეთშა ირთუნა, ჟურნალი „ლიბერალი“, 3 გერგობათუთა, 2009.
