ანდრეი ბელი

ანდრეი ბელი
	ანდრეი ბელი
	; ანდრეი ბელი 1912 წანას
დაბადებაშ თარიღი:	26 გჷმათუთა, 1880
დაბადებაშ აბანი:	მოსკოვი, რუსეთიშ იმპერია
ღურაშ თარიღი:	ღურთუთა 8, 1934 (53 წანერი)
ღურაშ აბანი:	მოსკოვი, რსფსრ, სსრრ
ერუანობა:	რუსი
საქვარუა:	ჭარუ, ნოველისტი, პოეტი, ესეისტი, ლიტერატურული კრიტიკოსი
პერიოდი :	1900—1934
Magnum opus:	ვარჩხილიშ ტორონჯი (1909); პეტერბურგი (1913/1922)
ჟანრი:	რომანი დო პოეზია
ნინა:	რუსული ნინა

ბორის ნიკოლაიშ სქი ბუგაევი (რუს. Бори́с Никола́евич Буга́ев; დ. 26 გჷმათუთა [ჯვ. სტ. 14 გჷმათუთა], 1880, მოსკოვი, რუსეთიშ იმპერია — ღ. 8 ღურთუთა, 1934, მოსკოვი, რსფსრ, სსრრ), უმოსო შინელი რე ფსევდონიმით ანდრეი ბელი, რუს. Андре́й Бе́лый — რუსი ჭარუ, ნოველისტი, სიმბოლისტი პოეტი, ესეისტი დო ლიტერატურული კრიტიკოსი.

დებადჷ მოსკოვს, ინტელექტუალეფიშ ფანიას. გურაფულენდჷ მოსკოვიშ უნივერსიტეტის. ოინტერესუდჷ მათემატიკა, ბიოლოგია, ქიმია, მუსიკა, ფილოსოფია დო ლიტერატურა. ლიტერატურული კარიერა 1900-იან წანეფიშე დიჭყჷ. ბელიშ არძაშე უმოსო შანულამი ნახანდი რე რომანი პეტერბურგი, ნამუთ რუსული ლიტერატურაშ შედევრო რე მერჩქინელი. რომანს ფშხირას ადარენდეს ულისეს დო ბერლინი, ალექსანდერპლაცის. გიშარჩქინელი რუსი ნოველისტის ვლადიმერ ნაბოკოვს რომანი პეტერბურგი მიოჩქუდჷ მოდერნისტული ლიტერატურაშ ართ-ართ საუჯგუშო ნაწარმებო.

ანდრეი ბელი რე ავტორი რომანეფიშ, კუნტა თხობელუეფიშ, ლერსეფიშ, პოემეფიშ, სიმფონიეფიშ, ესეეფიშ დო შხვადოშხვა პუბლიკაციეფიშ. ბელიშ ჯოხონობაშ რე ართ-ართი პრესტიჟული რუსული ლიტერატურული პრემია, ნამუქჷთ 1978 წანას დირსხუ.