ბჟაშ გეუკუმელაფა

ვიკიპედიაშე
ბჟაშ ედომუშამი გეუკუმელაფაშ გეომეტრია

ბჟაშ გეუკუმელაფა — ორთაშობური ფენომენი, ხვადუ თუთაშ მოხვალამაბორჯის ბჟა დო დიხაუჩა შქას, მუდგაშ გეშათ დიხაუჩას რენჯი ელმაჯინეშო ბჟა ედომუშამო ვარა ნორთობურო დოფორილიე. თექ შილებე მოხვადას ხვალე ახალ თუთაშ შვანს, მუჟამც ბჟა დო თუთა ართიანც ოწაწჷნა, მუჭოთ თენა დიხაუჩაშე რჩქჷნ. არძაშ უკულაში ჟირი დო მაქსიმუმ ხუთი ბჟაშ გეუკუმელაფაქ შილებე მოხვადას ირი წანას დიხაუჩას, ნამუეფშეთ ნამთინი ვარა მაქსიმუმ ჟირი ედომუშამი გეუკუმელაფა შილებე რდასჷნ. თეშ უმკუჯინუო, ედომუშამი გეუკუმელაფა ვანაფერი ჸოფირება რე ნამდგარდია აბანც, რახან ირი გეუკუმელაფაბორჯის სირსულე რე ხვალე ძალამ ცორქო კორიდორიშ მანგას თუთაშ უმბრაშ ალაზიმაფათ უკულაში ნორთის.

ბჟაშ ედომუშამი გეუკუმელაფა საჩემარი ორთაშობური ფენომენიე დო მიარე ადამიერი სპეციალურო შარალენც შორი მეძენაშე თე ჸოფირებაშ დაკვირებელო. ევროპას 1999 წანას ბჟაშ ედომუშამი გეუკუმელაფაქ შელებუანო გჷნაშქვჷ ჯარალუობური ფსენაშ ემაღალაფა თე ფენომენშენ. ეკონია ბჟაშ ედომუშამი გეუკუმელაფაქ მოხვადჷ 2009 წანაშ 22 კვირკვეს.

ქოძირით თაშნეშე[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]


wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.