ბრუკლინი
ბრუკლინი (Brooklyn) ნოღა ნიუ-იორკიშ 5 რაიონშე არძაშე უმოს მეჭედას დოხორინელი აბანიე (2,6 მილიონი მახორუ). 1898 წანაშახ ზოროხინელი ნოღა რდჷ დო ეშაფალჷ ჰოლანდიარეფითთ დოხორელ მახორობაშე ”ბრუკელენ” (Breuckelen) ლონგ-აილენდიშ წყარმალუ ისტიშ ოძგაშეს. ზოროხინელი ნოღაშ სტატუსიშ კჷნოტებაშ შეთხუალას ბრუკლინი თეჟამიშო ააშ-შ სიდიდათ მანთხა ოხორე იჸუაფუდუ ნიუ-იორკიშ, ლოს-ანჯელესიშ დო ჩიკაგოშ გეჸვენჯო. ნიუ-იორკწკჷმა მერსხუაფა ვენკუჯინალუო ბრუკლინს ზოროხინელი ხასიათი დო დორხველი ნოღური სტილი უღუ ბრონქსიშე გოშხვანერაფათ, ნამუთ ისტორიულო დო ხასიათობრივო უმოსო მანჰეტენიშ ოორუე გეძინას გჷ. ბრუკლინი ქუინსიწკჷმა ართო ლონგ-აილენდიშ ბჟადალუ ბოლოს ისვალუ.
კინგსიშ ქაუნთი, ნამუთ ტერიტორიულო ბრუკლინს ომთხვიუ, ნიუ-იორკიშ შტატიშ არძაშე დოხორინელი ოლქიე. თის ჯოხო ინგლისიშ მაფა ჩარლზ II-შ პატიშოცემელო გიოდვეს. აბანური მახორობა ბრუკლინს ხფშხირას ”მაფეფიშ ნოღას” (City of Kings) უძახჷ თე ჯოხოშ გურშენი.
