დიდი სხუნუეფიშ ენციკლოპედია

დიდი სხუნუეფიშ ენციკლოპედია (რუს. Большая советская энциклопедия, БСЭ) — ართ-ართი არძოშე გოფაჩილი დო ირიშმაკათური ენციკლოპედია, გჷშაშკუმალირი სხუნუეფიშ ენციკლოპედიაშ სახენწჷფო გჷშაშკუმალაფაშე.

გვალო გჷშართჷ სუმი გჷშაშკუმალაქ. მაართა გჷშაშკუმალაქ 65 ტომით (65.000 თემათ, პლუს გეძინელი ტომი სსრკ-შ გეშა) გჷშართ 1926-47 წანეფც, თარი რედაქტორი რდჷ ოტო შმიდტი (1941-შახ). მაჟირა გჷშაშკუმალაქ 50 ტომით (100.000 თემა, პლუს გეძინელი ტომი) გჷშართჷ 1950-58 წანეფც; თარი რედაქტორეფი: სერგეი ვავილოვი (1951-შახ) დო ბორის ვედენსკი (1969-შახ); ჟირი ოინდექსე ტომი თე გჷშაშკუმალაშო გჷშეშკვინჷ 1960 წანას. მასუმა გჷშაშკუმალაქ იბეშტუ1969-78 წანეფც დო იკათუანდ 30 ტომს (100.000 თემა, პლუს ოინდექსე ტომი, ნამუქუთ 1981-ს გჷშართჷ; თაშნეშე ტომი 24 რე ჟირი წიგნო, ართ-ართი თინეფშეიანი სქელტანამი წიგნიე სსრკ-შ გეშა), 50 მილიონი ზიტყვათ, თარი რედაქტორი - ალექსანდრე პროხოროვი (1969-შე).

მასუმა გჷშაშკუმალაქ ითანგჷ ინგლისურო 1973 წანაშე. ირი ტომი ზოხო ითანგუდჷ დო ოხვილუდჷ ოინდექსე ტომიშ გჷმორინაფას ირი თემაშ ოგორალო.

1957-1990 წანეფც დიდი სხუნუეფიშ ენციკლოპედიაშ ირწანური გჷშაშკუმალა იბეშტუდჷ, სოდეთ სტატიეფი დო თემეფი სხუნუეფიშ კავშირშე დო საგებიო მონოხვამილეფშე გოახალაფირი ინფორმაციათ მიშმეშჷ.

მაართა ონლაინ გჷშაშკუმალა, მასუმა (თ.გ. ჭითა) გჷშაშკუმალაშ ტექსტიშ დო გრაფიკაშ ზუსტი რეპლიკა გჷშაშკჷ Rubricon.ru-ქ 2000 წანას.

მაჟირა გჷშაშკუმალაშ ტომეფი

ბიბლიოგრაფია

• დიდი სხუნუეფიშ ენციკლოპედია, ა. მ. პროხოროვიშ რედაქციათ (ნიუ-იორკი: მაკმილანი, ლონდონი: კოლიე მაკმილანი, 1974-1983), 31 ტომი, სუმი ოინდექსე ტომი.

რესურსეფი ინტერნეტის

• დსე არძო სურათით დო სტატიათ რუბრიკონიშ ვებხასჷლას
• დიდი სხუნუეფიშ ენციკლოპედია, რუსულო.

თე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გოფაჩათ.