კოლხური ქილორი

ვიკიპედია ხასჷლაშე
გეგნორთი: ნავიგაცია, გორუა
კოლხური ქილორი
Male and female pheasant.jpg
კოლხური ქილორი (დადული, მუმული)
მენცარული კლასიფიკაცია
ომაფე: ჩხოლარეფი
რანწკი: ქოთომიშობურეფი
ბუნა: კოლხური ქილორი
ლათინური ჯოხო
Phasianus colchicus
თხილუაშ სტატუსი
Phasianus colchicus
Phasianus colchicus

კოლხური ქილორი (Phasianus colchicus),(Phasis — წყ. რიონიშ ჯვ. ჯოხოდვალაშე), მაფურინჯე ქოთომიშობურეფიშ რანწკიშე. მუმულიშ მასა 1600 გ ოჭირინდუანს, დადულიშ — 800 გ. უღუნა ჯგირაშო გოვითარაფილი კუჩხეფი, კუნტა მოკვარკვალებური ფსუალეფი, გჷნძე ბოლო (გჷშაკერზაფილო მუმულს). მუმულს გალოს მოხამუზეფი უღჷ დო ძალამ სქვამი, კვათირ ფერით გჷშმეგორუ. ეჭარილი რე კოლხური ქილორიშ მიარე გიმენბუნა, ნამუეფშეთ ჸოფილ სსრრ-იშ ხურგეფს აფხვადუნა 13. კოლხური ქილორი ხე უთირე ვარა მორჩილ თირამ ლიბჷ კლიმატამ ზოლს პალეარქტიკაშ ობჟათე ნორთის. აკლიმატიზაფირ რე მოსოფელშ მიარე ქიანას. საქორთუოს წოხოლე მოდვალირი ჸოფე კოლხეთიშ რზენს, მტკვარიშ, იორიშ დო ალაზანიშ ჭალეეფს. ბრელ აბანს კჷნე ინტენსიურო იმიარებუ. ხე ჭალეშ ტყალეფს, ჩანარეფით დიდარ წყარონტირუეფიშ ოძგალე რზენეფს, ზუღაშ დონეშე 850 მ-შახ. ოგვაჯეს გიკეთენს ხუმლა ფურცელეფით დო ოდიარეთ დიხაშ ჭიჭე დურეშა. დვანს 8-12, ნამთინეშა 18 მარქვალს. ოგვაჯეს გეხე ხვალე დადული. გლახათ გილაფურინუნს. ოშქურანჯობაშ შვანას მითმინტებუ. ეთმიჯუმუაფუ ჯინჯიერო ჩანარეფით, უმოსო ჟვერიეფიშ თასით, ნაჸოფით, ვეგეტატიური ნორთეფით, თაშნეშე ჭიი-ჭიე ვალარეფით. მორგე მაფურინჯე რე.

ლიტერატურა[რედაქტირაფა]

  • კუტუბიძე მ., ქსე, ტ. 5, გვ. 598, თბ., 1980