ლავა

ვიკიპედია ხასჷლაშე
გეგნორთი: ნავიგაცია, გორუა
ლავური ბუმაშ ნინა ჰავაი.

ლავა (იტალ. lava < ლათ. labes – სვიმონი, გჷმოსვიმონაფა) — დაჩხირამი სილიკატური ნანდღულეფი, ნამუთ ეშასოფუნს დიხაუჩაშ ჟიდოხიშა ვულკანური ეშაგორგოთუეფიშ ბორჯის. მაგმაშე გინორთათ, ლავა ვეკათუანც აირეფც, თინეფი ეშასოფუაბორჯის იორქებუნა.

აკოდგინალობაშ მეჯინათ გჷნმაშხვანერენა ბჟე, ოშქარი დო ნერჩი ლავას. კაჟდიხათ ღმალიერი ბჟე ლიპარიტული ლავა ზისქე რე და ალაზიმაფათ რგილი. გჷთმაჭყანს გულბანდეფს, ვანაფერო ლავურ ბუმას; აფეთქებაშ გეშა კრატერშე ეშასოფილ აკორცამულერ ლავაშ აკნაცჷმეფი გჷთმაჭყანს შხვადოშხვა ტიპიშ ტუფეფც.

ოშქარი, ანდეზიტური ლავა დო ნერჩი, ბაზალიტური ლავა უმოსი ყარაფონი რე; ეშაბუნაშ აბანს, სოდეთ თიში ტემპერატურა დასაბაღას მაღალი რენ (1000-1200 °C), დიდი ნჭაფათ (30 კმ/სთ) მითმეურს.

ნძალიერი ეშაბუნაბორჯის ლავა რელიეფიშ დოდაბალაფეფს ეკმაფშანს დო გორგილაფაშ უკული რჩქინდუ ლავური განფინი, ნამუეფით გჷშაგორუაშურ ეროზიაშ მოღალუთ ლავურ პლატოეფს (ნარაზენეფს) გჷთმაჭყანს.

ლიტერატურა[რედაქტირაფა]