ნანანოღა

ვიკიპედია ხასჷლაშე
გეგნორთი: ნავიგაცია, გორუა

ნანანოღა რე სახენწჷფოშ ვარა შხვა ადმინისტრაციული ტერიტორიაშ (ოლქიშ, პროვინციაშ, ავტონომიური ართურიშ) თარი ნოღა, სოდეთ მუჭოთ წესინ დონწყილიე ხეშუულობაშ დო მმართველუაში უმაღალაში ორგანოეფი: პრეზიდენტიშ, მონარქიშ, გუბერნატორიშ რეზიდენცია, პარლამენტი, ცენტრალური სამინისტროეფი დო უჭყაფეფი, ქიანაშ უმაღალაში სასამართლო დო შხვა.

ნანანოღა ფხშირას ზოხო ადმინისტრაციული ართურო რე გიმორთილი, მაგალთო ნოღა ვენას კონსტიტუციათ მენიჭაფილი აფუ აკანიშ სტატუსი.

ნანანოღა შილებე ვარდას ქიანაში უდიდაში ნოღა. თეშ მაგალითეფიე ანკარა თურქეთის, ვაშინგტონი აშშ-ს, კანბერა ავსტრალიას დო შხვა. უმოს მეტით ხოლო, ეკონია ვითწანურეფს კილმარჩქინდუ ტენდენციეფი ნანანოღაშ გინოღალაში მორჩილი სიდიდაშ ნოღეფშა: (ასტანა ყაზახეთის, დოდომა ტანზანიას, იამასუკრო კოტ-დივუარს) ვარა რსულაშო ახალი ნანანოღეფიშ კიდუაშ: (ბრაზილია, ისლამაბადი).

ნამთინე ქიანას პრაქტიკულო აღიარაფილიე ჟირნანანოღალა: ნიდერლანდეფიშ ოფიციალური ნანანოღა რე ამსტერდამი, მარა თარალა დო უმაღალაში სასამართლო ჰააგაშა რე გინოღალირი, ანალოგიური სიტუაცია რე ბოლივიას (სუკრე - კონსტიტუციური ნანანოღა რე, ლა-პასი - ფაქტიური), კოტ-დივუარს (იამასუკრო დო აბიჯანი), შრი-ლანკას, ჩილეს, მალაიზიას, ოჩხანე აფრიკაშ რესპუბლიკას.

ქოძირით თაშნეშეთ[რედაქტირაფა]