შრი-ლანკა

შრი–ლანკაშ დემოკრატიული სოცილისტური რესპუბლიკა
შილა	გერბი

ნანანოღა	შრი–ჯაიავარდენეპურა–კოტე (ოფიციალური); კოლომბო (დე–ფაქტო)
უდიდაში ნოღა	კოლომბო
ოფიციალური ნინეფი	სინგალური დო თამილური
თარობა	ოპრეზიდენტე რესპუბლიკა
პრეზიდენტი	მახინდა რაჯაპაქსე
პრ.მინისტრი	დისანაიაკა ჯაიარატნე
ფართობი	65 610 კმ²(119-ა)
მახორობა	20 238 000 (53-ა)
ვალუტა	ლანკური რუპია
ბორჯიში ორტყაფუ	UTC +5:30სთ.
ქიანაშ კოდი	LK
ოინტერნეტე კოდი	.lk
ოტელეფონე კოდი	+94

შრი–ლანკა, (ედომშამი ჯოხოდვალა შრი–ლანკაშ დემოკრატიული სოცილისტური რესპუბლიკა) — სახენწჷფო ობჟათე აზიას, მილარე კოკი შრი–ლანკას, ინდოსტანიშ ობჟათე–ბჟაეიოლშე. 1972 წანაშახ თე ქიანა ჩინებული რდჷ მუჭოთ – ცეილონი.

[რედაქტირაფა] ეჭარუა

ოფიციალური ნანანოღა: შრი–ჯაიავარდენეპურა–კოტე (უზენაეს სასამართლოშ დო პარლამენტიშ აკანმილარნალი).
ფაქტიური ნანანოღა: კოლომბო (თარობაშ, პრეზიდენტიშ რეზიდენციაშ აკანმილარნალი). კოკის ობჟათე დო ბჟადალი კოდეფი უღუ: დონდრა დო დატჩ–ბეი.

[რედაქტირაფა] გეოგრაფია

კოკი შრი–ლანკა ობჟათე აზიას მილარე, ინდოსტანიშ ობჟათე ჩქონიშ ჭიჭე ბჟაეიოლშე ომძღჷ ინდოეთიშ ოკიანე დო ბენგალიში ჸუჯი. ინდოსტანშე გჷშართილი რე მანარიში ჸუჯით დო ფოლქსიშ საროტით. თაშ ჯოხოდვალირი ადამიში ხინჯიქ — ფოლქსიშ საროტის გეგნორჩხჷ — ართ ბორჯის შრი–ლანკაშ მატერიკშა მიმარსხუაფალი დიხაშ ნორთი, მარა ხეჭარუეფიში მუნაჩამუეფით თე დიხაშ ნორთი აკოპანჯჷ დოხოლაფირო 1481 წანაშ დიხაშ ნწალუაქ.

[რედაქტირაფა] რელიეფი

ჩაიშ პლანტაცია შრი–ლანკას

ტერიტორიაშ უმენტაშ ნორთი უკინებუ წყარპიჯ რზენეფს. გვალეფი, ქიანაშ ცენტრალურ ნორთის მილარე; არძაშე უმოსი უმაღალაში კონკა რე — გვალა პინდურუტალაგალა (2524 მ), მაჟია ჩინებული კონკა რე — შრი პადა (ჩინებული რე ხოლო მუჭოთ ადამიშ კონკა).

[რედაქტირაფა] კლიმატი

სუბეკვატორული მუსონური: ოორუე–ბჟაეიოლური მუსონი იგინძორებუ გჷმათუთაშე მელახშა, ობჟათე–ბჟადალური მუსონი — ივანობაშე გჷმათუთაშა.

[რედაქტირაფა] დინოხოლენი წყარეფი

ბრიტანეთიშ ცეილონიშ კოლონიური გერბი

რზენეფიშ წყარმალუეფი კუნტა რე. გვალაშ წყარმალუეფს დიდ ჰიდროენერგოშილებუა უღუნა. წყარმალუეფიშ უმენტაშობას წყარი – ტიბუე. ქიანაშ უდიდაშ წყარმალუეფი რე - მახაველი–განგა, კელანი, კალუ, არუვი–არუ.

[რედაქტირაფა] მახორობა

მახორობაშ მუდანობა — 21,3 მლნ კოჩი (2009 წანაშ კვირკვეშ მუნაჩემეფით).

წანმოწანური ძინა — 0,9 %.

დაბადება — 16,2 1000–შე (ფერტილურჷოფა — 1,99 დაბადება ართ ოსურშე);

ღურალა — 6,1 1000–შე;

ემიგრაცია — 1,1 1000–შე;

ჩქიჩქუეფიშ ღურალა — 18,5 1000–შე;

რინაშ (ცხოვრებაშ) ოშქაშე სიგინძა — 73 წანა კოჩეფწჷკუმა, 77 წანა ოსურეფწჷკუმა.

სინგალეფი დოხოლაფირო ნთელ მახორობაშ 75 %–რე, თამილეფი — დოხოლაფირო მახორობაშ 18 %–იე, უმენტაშო ქიანაშ ოორუე დო ბჟაეიოლ რაიონეფს. თაქ ხოლო ოხორანა ლანელი მავრეფი (ლარაკალა - არაბეფიშ გამნარყეფი) — დოხოლაფირო მახორობაშ 7 %–იე, ბიურგერეფი (ევროპალწჷუმა კათაფილი ფანიაშ გამნარყეფი) — დოხოლაფირო მახორობაშ 0,3 %–იე, ვედეფი (კოკიშ უჯვეშაშ მახორუეფიშშ გამნარყეფი) — დოხოლაფირო 1000 კოჩი.

მახორობაშ დოხოლაფირო 70 % (უმენტაშო, სინგალეფი) ბუდისტი რე, 15 % რე — ინდუზმიშ (თამილეფი), 8 % რე — ქირსიანობაშ, 7 % რე — ისლამიშ (ლანელი მავრეფი).

ჭარუა–კითხირიშ რჩქინიშ გეჸე — 92 % ქომოლკოჩეფწკჷმა, 89 % ოსურკოჩეფწკჷმა (2001 წანაშ მუნაჩემეფით).