ნიკოლოზ ბარათაშვილი
ნიკოლოზ (ტატო) ბარათაშვილი (დ. 4 ქირსეთუთა, 1817; ქართი - ღ. 21 გჷმათუთა, 1845; განჯა, აზერბაიჯანი) — ქორთჷ პოეტი.
ბიოგრაფია[რედაქტირაფა]
დებადჷ გოღარიბაფილი არისტოკრატიშ, იმპერატორიშ ართგური მოხელეშ ფანიას. ნანა - ეფემია, გრიგოლ ორბელიანიშ და, ერეკლე II-შ მოთა რდჷ. ნიკოლოზ გურაფულენდჷ ქართიშ გიმნაზიას (1827-1835). ბარათაშვილიშ მაგურაფალი რდჷ სოლომონ დოდაშვილი. გიმნაზიაშ თებაშ უკული ტყურათ ნატრენდჷ რუსეთშა ულას ოგურაფუშა. თე გეგმაქ ქინუოლჷ უღვენობაშ გეშა. ნიკოლოზის ოკოდჷ არმიაშა ულა, მარა ქულა რდჷ დო თექ ხოლო ნატრებათ ქჷდოსქჷდჷ. უღვენობაშ გეშა, ნიკოლოზი იძულებური რდჷ, კანცელარიაშ რანწკით მოხელეშ სამუშას გეჯერებედუკონ. გაჭირებას ქიგიაძინჷ პირად დრამაქ ხოლო - უჸორდჷ ეკატერინე ჭავჭავაძე, მარა თე ჸოროფაქ უგუზიარებელქ იჸუ.
1844 წანას ქდინიშნჷ ნახჭევანიშ მაზრაშ მანჯღვერიშ მუმახვარეთ, 1845 წანას კჷნ თი თანამდებობას განჯას, სოდეთ ოთხ თუთაშ უკული, 27 წანაშ ასაკის, მალარიათ დალახებურქ დოღურუ. ბარათაშვილიშ გინოსვანჯაფაქ 1893 წანას განჯაშე ქართიშა (დიდუბეშ პანთეონი) ერუანული მანიფესტაციაშ ფორმა ქიმიღჷ. 1938 წანას პოეტ გეგნასვანჯეს მთაწმინდაშ პანთეონშა.
შემოქმენდალა[რედაქტირაფა]
ბარათაშვილიშ შემოქმენდალა ქორთული რომანტიზმიშ კონკი რე. ბარათაშვილიშ არძაშე უმოს ჩინებული ნახანდეფ რე „ბედი ქართლისა“, "შემოღამება მთაწმინდაზე“, "მერანი’’.
რესურსეფი ინტერნეტის[რედაქტირაფა]
- ნიკოლოზ ბარათაშვილის შემოქედებანი - ner.ge - "ქართული ლიტერატურის დიდი ბიბლიოთეკა"
- ინფორმაცია ნიკოლოზ ბარათაშვილის შესახებ 400.ge-ზე.
- შემოქმენდაფა testireba.ge-ს ((ქორთ.))
- შემოქმენდაფა ლიბ.ჯე-ს ((ქორთ.))
