ნურიშ ტობა
| ნურიშ ტობა | |
|---|---|
| ნურის ტბა | |
 ნურიშ ტობა | |
| კოორდინატეფი:
/ | |
| ორენი |  საქორთუო, აჭარაშ ა/რ, ბათუმი
|
| სიმაღალა ზუღაშ დონეშე | 0,2 მ |
| ფართობი | 0,07 კმ² |
| მაქსიმალური სიტომბა | 5,1 მ |
| ღანჩოშ ფართობი | 0,10 კმ² |
 ნურიშ ტობა | |
ნურიშ ტობა | |
ნურიშ ტობა (ჸოფ. პიონერეფიშ ტობა; შხვა ჯოხოდვალეფი: ნური-გელი ვარდა გელ-ბაში) — ოვალური ფორმაშ ორთაშობური წჷმოულიბაშ ტობა საქორთუოს, აჭარაშ ავტონომიური რესპუბლიკას, ნოღა ბათუმიშ ტერიტორიას, უჩა ზუღაშ წყარპიჯიშ გოხოლუას. ტობა ზუღაშ დონეშე 0,2 მ სიმაღალეს იდვალუაფჷ. ჟიპიჯიშ ფართობი 0,07 კმ², ღანჩოშ ფართობი 0,10 კმ², მაქსიმალური სიტომბა 5,1 მ, ოშქაშე სიტომბა 3,42 მ. წყარიშ ნტირა 0,24 მლნ მ³. უმენტაშო სქიდჷ ყურუმულით. ლაგუნური წჷმოულობაშ რე.[1]
XIX ოშწანურას ჭყენჭყამ ტერიტორიას წჷმარინუანდჷ. 1933 წანას ნოღაშ ბაღიქ ბაღანეფიშ პარკო გეგნოკეთჷ. პარკიშ დო ტობაშ წყარპიჯეფიშ მონწყილქ იჸუ. არხით არსხუაფუდჷ უჩა ზუღას. 1947 წანას ტობაშა მაართ ნიში „პიონერი“ გუტუეს, 1988 წანაშ 28 გჷმათუთას ნიში „აისი“.[1] დიდარი რე ჩხომით, თინეფს შქას ხე სქელშუბლა, კობრი დო შხვა.[2] წყარპიჯწკჷმა აკოგაფილი რე 6 მესიშ ჯოხოდვალაშ პარკი. ნურიშ ტობაწკჷმა მიარე ლეგენდა დო ისტორიული ფაქტი რე მერსხილი.
ლიტერატურა[რედაქტირაფა | წყუშ რედაქტირაფა]
- Апхазава И. С. Озера Грузии, Тб., 1975.
სქოლიო[რედაქტირაფა | წყუშ რედაქტირაფა]
- ↑ 1.0 1.1 6 მაისის პარკი და ნური-გელის ტბა Archived 2021-11-30 ვებ-ხასჷლას Wayback Machine.
- ↑ ნურიშ ტობა. ორენი