რეღმეფი

ვიკიპედიაშე
ოკიანს გორჩქინელი რეღმა
რეღმა

რეღმეფიზუღაშ დო ოკიანეშ ჟიდოხის გორჩქინელი წყარიშ დიდი მასეფი. რეღმეფიშ გჷშმაჭანაფალი ბაძაძეფი რე თუთაშ დო ბჟაშ მეზინდუალაშ ნძალეფი, ბორია, ატმოსფერული წნევაშ თირაფალა, წყარიშთუდონი დიხაშნწალუეფი დო ზუღაშ ქვინჯიშ დეფორმაცია.

თე ბაძაძეფიშ ოსქვებურო გჷშმაგორუნა მორთაშ, ბორიაშულ, ბარიულ დო სეისმურ რეღმეფს.

რეღმეფი, ნამუეფით უმუსოფუო წისაფულენს ენერგიაშ ჟიქიმინჯალასჷნ, აძვილებაშობური რე, ოდო რეღმეფი, ნამუეფით გჷშმაჭანაფალი ნძალეფიშ ჟიქიმინჯალაშ მეჭყვიდუაშ უკულით აგინძორენც ქიმინჯალასჷნ, დუდიშული რე. ართიანშე აშხვანერენა რეღმეფს ნორთიეფიშ ყარაფის დო რეღმეფიშ ფორმაშ ძირაფუონ ყარაფის, მუთ გჷმიხანტუ თინეფიშ პროფილიშ გჷნოაბანუათ ოფირჩას. ნორთიეფი რეღმეფს გჷნიაბანუაფუ რანგვილი ვარა დახე რანგვილი ტრაექტორიეფით. ზუღაშ რეღმეფიშ ჯინჯიერი მახასიათაფალიე:

  • სიმაღალა – ვერტიკალური მეძენა რეღმეფიშ კუნწულს დო ნერინჯიშ შქას,
  • სიგჷრძა – ჰორიზონტალური მეძენა რეღმეფიშ ჟირ მეძობელ კუნწულს დო ვარ ნერინჯიშ შქას.

რეღმეფიშ გჷნოაბანუაშ ნჭება ვარა ფაზური ნჭება რე რეღმეფიშ პერიოდი. ბორიაშულ ზუღაშ რეღმეფიშ პერიოდი 30 მერქას ვა უმონს, ბარიული დო სეისმური ზუღაშ რეღმეფიშ პერიოდი რე წუნეფი, ვითული წუნეფი დო სათეფი. მორთაშ რეღმეფიშ პერიოდი გჷთმიხურგუ სათობათ.

ბორიაშულ რეღმეფი აძვილებაშობური რეღმეფი რე. ღილე ზუღას თინეფიშ სიგჷრძა ნამთინეშა 400 მ ოჭირინუანს, სიმაღალა 12-13 მ, ოდო ნჭება 14-15 მ/წნ. ტომბა ზუღას რეღმეფიშ ხასიათის გჷთმოპიჯუნს ბორიაშ ნჭება დო ხანგინძალა.

მარჩხა ზუღას რეღმეფიშ გჷმაჭყაფუ გეძინელი ფაქტორეფი რე ზუღაშ სიტომბა დო ქვინჯიშ რელიეფი; მორჩილ სიტომბა ზღოდუნს რეღმეფიშ რდუალას. ლებაშ გჷშმაჭანაფალი ბორიაქ ქინოდირთუ-და, ბორიაშულ რეღმეფი ჭიეჭიეთ დუდიშულ რეღმეფო გეგნიქიმინუ დო გორჩქინდუ ნიარი.

ზუღაშ რეღმეფიშ დოგურაფას დიდი პრაქტიკული შანულობა უღჷ ნიშუაშო, ოზუღე ჰიდროტექნიკურ კიდანჯალაშო, ხვამარდკიდანჯალაშო დო თ.უ. ბორიაშულ რეღმეფიშ დაკვირა მითმეურს რეღმაზჷმუ ლარტყეფით, რეღმაზჷმუეფით დო რეღმადინმაჭარუეფით. გჷნძეპერიოდამ მორთაშ რეღმეფშე დაკვირას ორთუნა მარიოგრაფეფით.

ქოძირით თაშნეშე[რედაქტირაფა | წყუშ რედაქტირაფა]

ლიტერატურა[რედაქტირაფა | წყუშ რედაქტირაფა]