ქეთი მელუა

ქეთი მელუა
ბიოგრაფია
თახმი ჯოხო	ქეთევან მელუა
დებადჷ	16 ეკენია 1984 (ხანი 27)
დაბადებაშ აბანი	ქუთეში, საქორთუო
ჟანრ(ეფ)ი	ჯაზი ბლუზი ფოლკ პოპი
ინსტრუმენტ(ეფ)ი	გიტარა, ფორტეპიანო, ვიოლინო
აქტიური	2003 - ამდღარშახ
ლეიბლ(ეფ)ი	Dramatico
ასოციაციეფი	ევა კესიდი
ვებ-ხასჷლა	www.katiemelua.com

ქეთი მელუა (ინგლისურო Ketevan "Katie" Melua დ. 16 ეკენიას 1984 წ.) — ქორთუ ბადებაშ ბრიტანალი მობირე.

ბიოგრაფია

ბაღანობაშ წანეფი

ქეთი მელუაქ დებადჷ საქორთუოშ სიდიდათ მაჟჷრა ნოღას — ქუთეშის, დიო ხოლო საქორთუოშ სხუნუეფიშ რესპუბლიკას (ჸოფილი სხუნუეფიშ რესპუბლიკეფიშ კავშირი). პირველ წანეფს ირდუუდჷ დადი დო ბაბუწკჷმა ქართის, საქორთუოშ ნანანოღას. უკულიან წანეფს, მასქერეფ დო ჯიმაწკჷმა ართო ოხორანდჷ ნოღა ბათუმს, სოდგა ქეთიშ მუმა კარდიოლოგო ხანდენდჷ. 1993 წანას საქორთუოს ომენოღალური ლჷმაშ თებაწკჷმა ართო ფანიაქ ოხორუშა გეგნორთჷ ბელფასტიშა (ოორუე ირლანდია), სოდგა ქეთიშ მუმაქ ომუშებელო ოლეხეს მინწყუ. ქეთიქ გათუ წიმინდე კეთრინიშ ჯოხოშ კათოლიკური სკოლა დო დომინიკანური კოლეჯი. ქეთიშ ჯიმა პარალელურო გურაფულენდჷ პროტესტანტულ სკოლეფს. 1998 წანას ქეთიწკჷმა ართო ფანიაქ გეგნიხორჷ რედჰილშა (ინგლისი).

ქეთის უჩქჷ ქორთული, ინგლისური დო რუსული ნინეფი.

პირველი არტისტული წჷმოძინეფი

ქეთი მელუა 2004 წანას

საქორთუოს დო ბელფასტის ვა სტაბილურ პოლიტიკურ დგომარობაშ ფონს ქეთის ფშხირას ათჷრუდუ მუში გეგმეფი მუმაულარწკჷმა მერსხუაფათ: მინ ისტორიკოსობაშე ფირქენდჷ დო მინ პოლიტიკოსობაშენ; მარა ქეთიშ გეგმეფქ ედომშამო დითჷრ 2000 წანას, მუჟამსჷთ 15 წანერ ქეთიქ ქაკათჷ ბრიტანეთიშ ოტელევიზიე არხ ITV-იშ ჩატარებულ კონკურის, ნამდგას ჯოხოდჷ "Stars Up Their Nose". თე კონკურსი რდჷ ბაღანეფიშ კონკურსიშ "Mad for it!" (მარგალურო „გორჩქინელი რე თეშო“) ნორთი. ქეთიქ წჷმოდირთჷ Badfinger–იშ ბირათ, ნამდგას ჯოხოდჷ "Without You" დო გემორძგუ.

განათლება

ოშქაშე განათლებაშ სურეიშ ოგურაფუს მეღებაშ უკული ქეთიქ გაგჷნძორჷ გურაფა ბრიტანეთიშ ხელუანეფიშ ოგურაფუს, ნამუთ ტერიტორიულო იდვალუაფუდუ ლონდონიშ ოჩხანეშ ნორთის. ქეთიქ ობირეშეფიშ ჭარუა დიჭყჷ გურაფაშ პერიოდის დო გვალო თე ოგურაფუს აკოხვადჷ მუშ მუმალ მენეჯერს დო პროდიუსერს, მუსიკოს მაიკ ბეტსის. ქეთის გურაფა ვა გუგინძორებუ უმაღალაშ ოგურაფუს, მარა ფშხირას გჷშუხანტუ უნივერისიტეტშა მიშულაშ კორინი. მუჭოთ ქეთიქ თქუ, მუმაულარს ქაშუ გურაფაშ შანსიქ–და, ქეთი ოგურაფალო გეგშეგორუნდჷ ინგლისურ ლიტერატურას, ისტორიას დო ფიზიკას.

დისკოგრაფია

• Call Off the Search (2003)
• Piece by Piece (2005)
• Pictures (2007)
• Live at the O2 Arena (2009)
• The House (2010)

რესურსეფი ინტერნეტის

• ქეთი მელუა
• ქეთი მელუაშ ინტერვიუ © 2005 ლაშა გაბუნია
• ინტერვიუ, ჟურნალი "The Observer" (27 ფურთუთა, 2005) (ინგლ.)
• YouTube

თე სტატია მერკე რე. თქვა შეილებუნა ქიმეხვარათ ვიკიპედიას დო გაგშათინათ დო გოფაჩათ.